هلا وغلا بكل المنتسبين او الزوار لهذا الصرح الجميل
انا عضو جديد معكم واستفتح تواجدي بجصيده جديده اتمنى تكون عربون التواجد المستمر والجميل بيني وبينكم
ويا ليت لو تعطوني انطباعكم عن الجصيده
.·°΅΅°·<< وصيه >>·°΅΅°·.
وصيه ولما بتسافر أمانه خذها بس ويــاك
وصيه يا اعز الناس كاتبها بشريانـــــي
نعم أغليك وا أحبك وانا اتنفسك وأهـــواك
ولو تسجد لي الدنيا حشا ما غيرك اغرانـي
تعال وقبل م تسافر أبحكي لك عنا فرقـــاك
تعال أتخيل واحكي غيابك كيف يدمانــــي
بترحل دنيتي خلفك تتعنى رحيل خطــــاك
بتذبل زهرة أحلام ن زرعها الود باحضانــي
واذا وردي قدر ينبت على شاطيك أو صـحراك
أكيد الشوق من دونك بينكرني وينسانــــي
تقول اليوم بتغادر بتهجر بيتك ومرســــاك
طيب يابعد هالروح تعال وودع احضانــــي
تكفى ودي آوصيك ع قلب بتاخذه ويــــاك
أمانه صونه بروحك ترا من دونك أشقانـــي
وخذ وياك أفراحي واحلامي لجل ترعــــاك
وخذلك لو تبي روحي وعيني وروعة أشجـاني
تعال وقبل لا ترحل واكتبني على ذكــــراك
وارسم طيفك بروحي وبعثر فيني ألوانــــي
تعال وأرحم أيام ن شكت من بعدك وفرقــاك
أبيك تلملم جروح ن تسافر وسط وجدانـــي
تعال بليلي الهادي أبي أتوسدك واغفــــاك
تعال ولا تسيب الهم يعشش فوق وجـــداني
تعال أشربك وارويني ي احلى من الشهد روياك
تعال إنهي ألم ضيقه تسافر وسط شريـــاني
حبيبي يا قلب مقسوم نص هنا ونص هنــاك
ليه تسافر وترحل وتترك روحي تعانـــــي
إذا هالكون ضاق بك ولا عاده ينال رضـــاك
انا حاضر وممنونك وفالك طيب وهانـــــي
تبغي وطن هذه الظلوع اللي بها أفـــــداك
تنوي سكن خذلك عيون ن داخل اجفــــاني
ودك سند آمر تراني يالغلا بيمـــــــناك
ولا رديت لك مطلب ولو ثمنه بازمـــــاني
تأكد ما تعيش النفس إذا في لحضه بتعصــاك
ولا تقبل لي الدنيا ولا فرحه بتلفانــــــي
تأنى وأهتدي بالله وأذكر هالذي ســـــواك
وشاور عقلك وروحك وانا بيمناك تلقــــاني
وإذا عزمت للفرقى ولا هو من يرد خطـــاك
ابطلب يا حبيب القلب ثواني فيها تقرانــــي
أبيك بلحضه بس تترك عيوني تعانق محــياك
وشوف اللي أبي أحكيه وعاجز قوله لــساني
وشوف البسمه والاحلام عافتني ترا بلـــياك
وشوف الحزن من دونك يلبسني ويكســـاني
وشوف العمر من عمري يسرق اجمل اللحضات
وشوف الكون اصغر من شعور ن داخل احزاني
تخيل كيف يعيش القلب دونك والنبض بحـشاك
وكيف أنساك وإنت اللي وجودك داخل اوطـاني
تصور هالمفارق كيف لو يمطر عقب مـسراك
يغرق جنتي بالهم يشتت كل أغصانـــــي
تصدق لو ابي ازعل بلحضه او ابي انســـاك
اشوفك وين ما اطالع كأنك نقش بأعيانـــي
ولو هالدنيا تترجى أطالع غيرك وأســــــلاك
وربي لو كستهم نور حشا ما غيرك أغرانــي
دمتم بكل الود
العرض العادي
