[العابي وصندوقها]
قالوا:أكتب حبها كيــــــــــف صـــــــــار
في قصيده يجنن حلو طاريــــــــــــها
قلت:كيف ابتدي ومنين قطف الثمـــــــار
فوقها تحتها أو تحتها فوقـــــــــــــــها
بابتديها من أول يوم كــــنا صغـــــــــار
يوم كنت أشتري العابي على ذوقــــها
لأجل تلعب معي من صغرتي كنت أغار
كنت خايف يجيني طفل ويبوقهـــــــــا
وكان لعبي طفولي ينتهي بالشجـــــــــار
وكنت لا من زعلت أزعل على طوقها
وأنزعه من شعرها غصب وتشب نــــار
وأرجع أجمع الأعذار وأسوقـــــــــــها
وهي تسامح والاطفها يمين ويســــــــار
وابتهج واهدي العابي وصندوقـــــــها
وعشت معها سنين النهد يوم استــــــدار
لين كبرت وزان الطلع بعذوبـــــــــها
مترفة لو تبين كفها للنهـــــــــــــــــــار
غارت الشمس منها لحظه شروقـــــها
كنها لمعه اللؤلؤ بوسط المحـــــــــــار
من رغدها تشوف الدم بعروقـــــــــها
كانت سنين حلوه بس فيها حصـــــــار
كنت أشاهد حلاوتها و لا أذوقـــــــــها
وكنت فيها على حلم حبيس انتظـــــار
يا ترى ممكن أصبح يوم معشوقــــــها
وبعد وصلت بي أحلامي لشبة انهيـار
شفتها وانطبع موقي على موقـــــــــها
عين شاهدت فيها للعذاب اختصـــــار
وعين خجلا يسابق دمعها شوقــــــــها
وقتها قلت:لازم لازم آخذ قــــــــــرار
أحترم فيه نفسي وأحفظ حقوقــــــــــها
قمت وأهديتها دبلة وعقد وســــــــوار
وقامت أهدتني (ألعابي وصندوقـــــها)
مسا الخير مياسووووه ....وكل سنة وانتي طيبة يااارب (:
العرض العادي
