السلام عليكم انا معصبه
عندي موضوع يمكن تحجينا فيه قبل .. بس يعني
وشسمه من الحين اقولكم تحملو احد يقول تجنيس .. لأن الموضوع بعيد عن سالفة التجنيس !!
من يومين في واحد من المنتديات يتحجون عن الهنود في الديره وانهم تارسين كل مكان ..
قهرني حجي الاعضاء عن الهنود .. كأن مالهم رب !! وكأن شغلهم اهني جريمه !!
يعني مثلا ..
واحد كان يقول ان الديره انترست من الهنود الي كل واحد يايب عايلته معاه !!
انزين يعني اول شي الريال يشتغل اهني .. ويمكن اهوه قادر ان اييب اهله معاه .. مافيها شي !
اكو مافي بحرينيين يشتغلون برع واهلهم معاهم دام شغلهم موفر له سكن ويمكن مدارس حق عياله خل اييبهم عليهم بالعافيه
وعلى فكره .. اكثر الهنود موظفين في القطاع الخاص يعني لحد يقول الحكومه والتجنيس
مثال ثاني .. واحد يقول :
السيارات المواطن سيارته موديلها بالثمانينات والتسعينات
والهنود آخر موديل .......... لا ويعاندك وما يعطيك سيد بعد
انزين دام الهندي عنده فلوس شفيها لو يدلع روحه وياخذ سياره اخر موديل! الدنيا الا يومين ودام عنده الفلس خله يستانس ولا بس لأن هندي لازم يمشي سيكل .. واذا تطور كرسيدا
وواحد يقول: قبل اطالع في هندي ينزل راسه اللحين باقي شوي ويكفخك لما اطالع فيه!
لا يكون الهندي طوفه هبيطه تبيه يمشي وراسه في الارض او لا يكون يالبحريني على راسك ريشه يعني لازم الواحد مايحط عينه بعينك
واللي يقهر اكثر واحد ياي يقول : الهندي يشتغل هني ويطرش فلوسه الهند وياخذ له فلل في الهند من خيرات البحرين !!
يعني مثلا يخلي عياله واهله هناك باليوع ؟؟
الحين لو واحد منا يشتغل في مكان برع اكيد الي بيحصله بيطرشه حق اهله وبييبه معاه يسوي له فيه بزنس اصغير اهني !!
ترى في النهاية محد عمر الديره غير الهنود الي مستحقرينهم
لو مب الهنود جان من بنا لكم هالبيوت والعمارات والشوارع
اصلا من كان بيخم وينظف ويغسل سياراتكم ويشتغل كواي ولا بياع براده وخضار !!
والهندي بنا روحه بروحه .. اشتغل وتعب يمكن على 100 ولا 150 في الشهر من غسال السيارات وغيره لي ماكون له شي صغير !
مثل ما ناس راحو قطر والسعوديه والامارات اشتغلو عشان يعيشون ويصرفون على اهلهم ،، الهنود ياو اهني عشان يترزقون من هالشغلات البسيطه حاسدين الفقير على موتة اليمعه
والي بيقول الهنود ماخذين مناصب ... الخ
والبحريني عنده شهاده مايشتغل .. والهندي ماخذ مكانه
ترى الهنود بالذات مايوصلون منصب عدل الا بشهادتهم وخبرتهم وذكائهم ! ولا جان ماجفناهم مدراء في البنوك وغيره !
الصراحه انا اشتغلت 3 شهور في بنك وكان فيه اكثر من مدير هندي ..
اول ماجفتهم تبون الصراحه تضايقت ان مديري بيكون هندي لأني كنت حاطه في بالي الهندي واحد مايفهم .. بس عقب ماشتغلت معاه احمد ربي مليون مره اني كنت معاه لأنه ريال دارس ومثقف وطول وقت الدوام يشتغل ويكرف وتعلمت منه وايد .. اما البحرينين بصراحه كانو يا سوالف او تلفونات او اكل وبلعه ! حتى الشغل مايبون يعلموني
وتقولون بعد ليش الهندي يترقى واحنا لا
العرض العادي
