تــخـيــــل انــــك بــــنــــت
[في احد الأيام وانت في غرفتك عند كومدينة اكسسواراتك وعطوراتك تمشط شعرك الطويل طق ابوك الباب ودخل عليك وسلم وقعد يسئلك عن اوضاعك في المدرسه ومعاملة المدرسين لك وانت ماعندك جواب.. الا الحمد لله كل شي زين,,,,,,,,,,, وفجاءه بداء ابوك يلمح ودخل في موضوع ثاني وقال ياولدي حنا ربيناك ا من يومك صغير الين صرت كبير والولد ماله الا بيت زوجته ولازم يكون رب منزل يطبخ لحرمته اذا جات من الدوام ويكونون اسره صالحه وان هذي هي سنة الحياة وحكمة رب العالمين ومن ذا الكلام واختصرت انت الكلام لبوك وطقيتها في وجهه وقلت: ابوي من من الحريم اللي في الصاله ووش يبون رد ابوك: ياولدي بنت جارتنا ام فلانه جايه تخطبك لبنتها وهم الحين في الصاله مع امك ..قلت انت:انا مااعرف عن البنت اي شي لازم نسئل عنها. قال ابوك:لا ياولدي البنت هذي من خيرة البنات ماتفوت صلاة مع الجماعة لا فجر ولا عصر وماتروح مع شلات في استراحات وماتسافر للخارج وماتدخن ولا تشرب الخمور ...وهي جايه تخطب من غير ماتشرط انها تشوفك قاطعت ابوك انت وقلت: بس هي ماتعرف عني شي وش دارها عني رد ابوك:لا ياولدي هي شافتك وانت نازل من باص المدرسه عند باب البيت يوم تعكرفت وطحت على الارض وطاحت شماغك وعقالك وانكشف وجهك ...وقلت لبوك وانت منزل راسك اللي تشوفه ابوي.. ورد عليك وقال على البركه وقال يالله تعال معي للمطبخ نصلح للضيوف شاهي وقهوه.. وانتي مدهره في تالمطبخ تلمعين الصينيه والدلال ..دخلت امك عليكم في المطبخ وقال لها ابوك: ترا الولد موافق.. وسئلتك امك: موافق ياولدي على البنت ..ورديت عليها انت بصوت خافت وخدودك محمره ونظراتك نازله عند رجلينك وقلت:اللي تشوفينه يمه.. قالت امك: توكلنا على الله راسين في الحلال ,,,, وقام ابوك يزغرط فرح لليوم اللي شاف فيه ولده كبر وراح يصير ابو مثله .. ثم دخلت اختك عليكم من الباب الخلفي للفلا جايه من صديقاتها في الاستراحه وهي حاطه الشماغ على الكتف وطاقه زقارة المالبورو في يدها وقالت: وش هذا الازعاج ,,,,,,وبشرتها امك وقالت باركي لخوك بنت جارتنا ام فلانه جايه تطلب القرب من يد اخوك ...وصرخت اختك وقالت: عمى ووشلون شافت اخوي لايكون كان يغازلها وان بينهم شي ..وصكتها امك بطراق وزعلت اختك وضربت بالباب وركبت الميتين ال وفحطت زعلانه للاستراحه .....واتفقوا اهلك مع اهل البنت على المهر والسكن وقصر الاحتفالات
وجات الليله الموعوده في القصر وجات الـــزفـــه,,,, ودخلو المعرسه عليك في صالة الرجاجيل اللي على بابها حارسه ... والطقاقين يشاغلون بالطيران,, والطرب والصجه والاغاني وخوات المعرسه يرقصون عند الرجاجيل وهم زافين اختهم يتميلحون عند اخوانك .. عاد يستحون اخوانك ويتغطون منهم ويتلطم كل واحد فيهم بشماغ بصمه سته .. وتركب انت وزوجتك البي ام المستأجره تسوقها اختك مسويه موكب مع بنات عمك وبنات خالك على يمينكم ويساركم يشربكون بالبواري ويصورون بالكاميرا وتجي الدخله .وتروح ثلاثه شهور ثم تحمل وينتفخ بطنك وتبداء المتاعب وتتوحم على قلب عصفور فيه زكمه وتستغل زوجتك الوضع انك حامل وتسافر مع خوياتها للخارج ويجي وقت الاطلاق والولاده وتولد تؤم ثم يجي الاربعين يوم وقت النفاس ......... يووووووه لا لا لا لا ماقدر اتحمل هذا الوضع والحمد لله اني ولد مو بنت
*r منقول ..
العرض العادي
