السلام عليكم ورحمة الله وبركاتة
هذه مشاركة متواضعة أرجو أن تنال رضاكم
[لو كان باقي للأماني داخلي حلمٍ سراب
كان اللقا ما بيننا حلمٍ تمنيتة يصير
تتشابة الأيَّام فيني من بعد ذاك الغياب
ويثورفيني للأمل بابٍ فتحتة لي صغير
فالليل تلقاني بدر وسط السمابين السحاب
ماغبت عنِّك يالغلا دام الشقانفس المصير
تتقارب أيام العنا وتضيع أحلام الشباب
ولكنّ فينا شيْ واحد عايشٍ فينا كبير
احساس فيناماتغيرْ رغم لفحات العذاب
وآمال تبقا ما بقا للحب في قلبي مسير
هذي بدايات العناوالشوق من ضمن العتاب
لا لا تحاول تختبر حبٍ حفرته فالضمير
انتَ الحياة وصاحبك يكفي عذابه لك جواب
وانتَ بدايات الفرحْ والشوق في عين الحسير
يرجيك جفنٍ ذوبته دموعه الهملا وذاب
وترجيك عينٍ حرِّمتْ غيرك ولاغيرك خشير
ويرجيك قلبٍ من شبابة ماتهنَّى لين شاب
وترجيك أيَّامي معك وانت معي لين الأخير
ويرجيك ليلٍ من سهرته هو معي مثل الصِّحاب
يشكي غيابك فالسما واشْكيه من ظلم العشير
وانْ كان عيَّا وقتنا والظنْ خيبنا وخاب
تبقى معي طول الليالي فالسما حلمٍ عسير
حلمٍ عسير
العرض العادي
