عزتني الاشواق فالحب ترثيـــــه=ا====الحب مات وما بقا غير الاشواق
حاولت اجمع مالمشاعر واداويــه====مير الدواء يرهقه بالسكره ارهاق
غارت عيونه والامل انقطع فيـــــه= ===فارق عيون (ن) مانوت منه افراق
مسكين قلبي نفس جرحه يعانيه= ====ياليت ماهو للمخاليق صداق
يلقى سهومه من محبه ومغلـــيه =====في نومة الطيبه ويوم انجرح فاق
يلي قتلت الحب لاتقول لي ليـــه====هذي حقيقة الامر واسرار الاعماق
قد كنت في حبك من الغفله اتيـه====ويحترق جوفي على شوفك احراق
حتى طموحي لاجل عينك مخليه=====لرضاك تلقاني على طول منساق
جيتك بصدق الحب واسمى معانيه====ونثرت لك حالي مثل هل الاوراق
نزعت قلبي لك احسبك تحمـــيه=====لكن رميته في بحر غدر صفاق
سم الخيانه يوم بانت مواريـــــه======ماعاد يمنع منه طب (ن) وترياق
خلاص ماباقي عتاب ومشاريــه=====وخلاص من كذب النوايا والاخلاق
ولاعاد بذكر هم جرحك واغنيــــه=====ياكيف اغني لحن ماهو بمنطاق
لابد راعي السوء يلقى مجازيه=====ومن باق مره تالي الامر ينباق
بنسى غرامك مالتفاكير وامحيه===واغلق كتاب العشق بالخافق اغلاق
وان لاح لي صدفه انا اوعدك ما ابكيه====خله فراق(ن) ماحصل مثله افراق
نزعت قلبي لك احسبك تحمـــيه=====لكن رميته في بحر غدر صفاق
سم الخيانه يوم بانت مواريـــــه ........ماعاد يمنع منه طب (ن) وترياق
خلاص ماباقي عتاب ومشاريــه....... وخلاص من كذب النوايا والاخلاق
هلا بالشاعر الصادق ومن قلبي احييه .... هلا باللي كتب خطه بحرف (ن) فوق الاوراق هلا باللي الى يكتب حقوق الشعر يعطيه ... مهوب اللي اذا تقرا تقول للشعر سراق هلا باللي علي الفى وجا للود يحييه .....هلا والله بشاعرنا هلا وبقلب خفاق
استاذي العزيز ابدعت وهذا رد متواضع هدية لشخصك الكريم والمعذره على القصور قصيدة ولااروع لك مني ارق تحية واعذب سلام اخوك نديم القصيد