اي والله (مدى) وتهز الوطا هز

[شامان العتيبي]

اهداء الى الشاعره مدى مع التحيه




اي والله مـــــــدى وتهــــز الوطــــــا هـــــــز
هــــــز الـــــــزلازل للجبـــــــال الرواســــي
امــــا تعيـــــش العمــــر كلـــه علــى عــــــز
او تمــــــوت ومــــا انحنـــــــا لها راســــــي
هيبــــة شيـــــوخ على صيتــــــك تفــــــــــز
حفظـــك ربي ياعريبــة الجــد والساســـي
للوقـــــفه نـــــاس وانت فوقــــــهم مرتـــــز
والله ما اجــــاملك ياهيــــــــه بأحساســي
يابنـــــت والله مــــــن جــــــــاك معتـــــــــز
يــــــروح وعقبـــــــك ماشـــكى باســــــي
قلتــــها والســالفة مايبيلـــها غمز ولمـــــز
والذهــــــب ماقيســـــوه عند النحاســــي

[مــــــدى]

والله ياخوي احرجتنا ولاندري اشنقول ؟؟ واشهد انّك راع الاوله ! وصح لسانك ولاعليك زود يالنشمي , وانت تعدّيت أي رد , لكن اتمنى ان ردّي المتواضع يرتقي لذائقتك ,,,





اشهد ان ردّك باالجـوف منغـز
......................... احتـواه روحـي وصـداه بااحسـاسي

للقـاف بنجـيب ولاعنه نعجـز
......................... وعــرق ٍ لعتيبــه يطـرب انفاسـي

ولعيونك اوطـد الحـرف وانجـز
......................... ابيــات ٍ تليــق لمعــرّب الساسـي

مديتلي من جـودك مايشبه الكنـز !
......................... والكنــز تعــدّى عليــا الرواسـي

يالشهـم / ياالقرم / ياالتاج / ياالعـز
......................... أكرمتنـا حيـل / وامتعـت الارمـاسي

ارسـلت لك ردّي والخـوف منحـز !
......................... لانمــس باالتقصيــر يمّـك مسـاسي




مـــدى الروقي

[شامان العتيبي]

صح لســــــــــــــــــــــــــــــــانك
انا اشهد ان مافيك حيله
صح لسانك يابنت العم واعتلى شانك كفو والله يابنت العم كفو
ابيات جزله وقويه من شاعره قويه
بيض الله وجهك على الكلام الجزل
وماقصرتي يابنت الاجواد
شامان الروقي

[العسجديھ]

عَذبْ ، عَذبْ ، عَذبْ يَ شآمَآنِ
مَدَى <~ ف دَ يْ تِ ك
فِعلاً ، هُنَا لِـ ( آلآبدَآعٍ ) لَذة ..!
لآ هِنتِوآ

[الــيزيـــد]

ونعم والله

قصيده رائعه تستاهل مدى كل خير

.......