ماقلت لك والحكاية .. سرّها مخفي
................ تخمينها سلّم جروحي على , خوفي !
خل السوالف تعدّي والضيآ مطفي
............... النور يكشف خفايا تسكن , بجوفي
خذ مني اللي بغيته / واترك المجفي
................ خذ كل شيً هديّه , واترك حروفي
بعيش للحزن غلطة واصدق بحلفي
................ابشعل الحرف واحطب له من ظروفي
من مايعيش القصيدة مآهو بمنفي
................ ولو تفهم اللي كتبته تعرف وصوفي
من تجربة ذاتي ومن فلسفة حرفي
................ مسحت عيني ولا ! قصّرت في شوفي
اللي عصتني / بعزمي جابها كفي
................ ماطاح لي راس وكتوفي هي كتوفي !
اشوم مالي ومال اللي حكا خلفي
................ مادام محداً قدر يآقف على وقوفي
وقفت وقفه , بعدها خلني بـ اقفي !
................ مادامني ماحسبت حساب معروفي !
هذا كلامي ولو هو جاب لي حتفي
................ تركت لك هالقصيده علّها توفي
لاعاد تسئل وش اللي سببه نزفي ..
................ لو تفهم اللي كتبته تعرف وصوفي
العرض العادي
