السلام عليكم.....
حيا اللله الجميع
كنت منبطح على بطني ع الفراش وانا اخيكم
وقاعد اناظر بالنجوم في الصباح الباكري<===== هذي مو ارنب ديناصور
لا بس كنت متهاوش ويا اخوي الكبير ووراني نجوم القايله *3
طرت علي العزابيه ومعاناتها
وحبيت ابين للكم بعض اعراض العزابيه الجانبيه والمشتقبليه
والازمات النفسيه التي يمر بها الشباب السعودي
جيل المستقبل الصاعد
الشاب السعودي الطموح الواعد
الذي ينفتح المستقبل امامه
اباااء المستقبل
ومربين النشئ 00مدري اذا كتبت النشئ صوح ولا لاع0000
قلبها ادب>>>>>>>>>>>>>>>>
ابعرف لكم اول شي العزابيه ماخوذه من عزب يعزب فهو معزاب اي معزوب
بالعربي منلطع ومجحود من كافه طبقات المجتمع
===================
العزابي :هو الادمي الوحيد المعروف من الكل
بالحاره معروف اكثر من جورج دبليو سي
هندي البقاله يعرفه
الباكستاني حق المغسله يعرفه
حتى الخباز يعرفه
وطبعاً نوع العلاقه الي بينهم شريييفه مررررررررررره
تدرون ليش لانهم يطلبونه فلوس *a
حتا بزر جيرانهم يطلبه دوره بالسيكل لان اخونا هذا العزابي احيانا يكون ع الحديده ما عنده موني يعني قرنقش
فـ ما يقدر يركب لوموزين-يعني تاكسي وفي روايه ان اسمه موزين- ويروح فيه للجامعه وطبعاً كل شي بحقه ريالين للروح وريالين للجيه تشوفه مشخص وحالته حاله وبزر جيرانهم مركبه وراه بالسيكل
00000000000000000000000000000000000000000000000000 0000000000000000000000
00000000000000000000000000000000000000000000000000 00000000000000000000000000000000000000000000000000 0000000000000000000000000000000000000000000
العزابي: الادمي الوحيد الي اذا بغا يطلع من بيتهم يراقب الوضع ويناظر اذا بوه احد من الي يطلبونه فلوس موجود ولا لا وطبعاً دايم تشوفونه متنكر ما يبي احد يعرفه مره يحلق الشنب ومره سكسوكه
ووصلت المواصيل ببعضهم انه يصبغ شعره ويضبط حواجبه وكل هذا خوف من الديون الي عليه
انا اعرف واحد صار يصبغ وجهه بفحم يبي يصير اسود عشان ما يبين بالليل
ومن كثر الديون الي على العزابي
يكفيها فلوووس فلوس قارون
طبعاً الشاب العزابي تشوفونه كشخه وحالته حاله ويالله يتكلم كنه غا11اص لوه بشحمه *1 ومستعد احلف لو تنفظه نفظظظظظ ما تلقا بمخباته الا خمسه ريال لا ويليتها ورقه وحده ريالات *o
طبعاً هذا كله نوصف ونعرف شخصيه العزابي فقط لا غير ما جينا لما هو ادها وامر.....
نجي لشقه العزابي
طبعاً الشقه هذي ابوصفها لكم
اول ما تدخل تقول بسم الله
طبعاً تجد اشلاء السراويل المبطحه على الكنب *3 وانواع الشمغ طبعاً هم اكثر من واحد بالشقه وكل واحد متفق يشتري ماركه سراويل *o عشان ما يتخالطون
طبعاً هذي الاستقبال فقط ينقال لها الصاله مع كل هالنظافه والنظام الي فيها *q
ايييييييييييييييييييييييييييييه
نجي للمطبخ
تشوف انوااااااع الصحون طبعا الورقيه لانهم مو فاضين يغسلون كله شغل ابو ريالين يروحون يتسوقون من الصحون الورق ولا البلاستيك
وتشوف على جنبات المطبخ اكياس الشاهي الملقاه بعد الاستخدام *i
لا تستغرب ولا تحوم كبدك اذا لقيت كيس اسود معفن له سبع سنوات ما حرك من مكانه وريحته فااايحه مني قايل لكم اسمه حفاظاً على صحكتم النفسيه
طبعاً هذا الكيس العزابيه يتوقعون فيه البركه ف محد يشيله من مكانه
انواااع العجز متعيجزين واحد يقوم يرميه>>>>>>>>>>>>>>>>>>>
تفتح الكبتات او مخازن الاطعمه-مدري وش تسمونها كل منطقه ولهم لهجه
بس لعيونكم بترجمها وذلك لنشر المعلومات واخر التقارير عن العزابيه
الكبت = الكنتور= الدولاب = الدالوب هذي والله الكلمات الي اعرف
وبالعنقليزي اسمه الكلوزيت اذا ما خابني ظناي
قصدي ظني
المهم نرجع للعزابي
ومازلنا بالمطبخ تفتح الكبت طبعاً تلقا علب التونه المطرحه ذات اليمين وذات الشمال لاااااااااا ويليتها تونه ريو ماري ام خمس طعش ولا تونه ماري الريو ام ست طعش
000ملاحظه ترا تونه ماري الريو من عندي لا تفشلونا بكرا يجي واحد يروح للبقاله ويقول ابي ماري الريو 000000000
وبرضو نرجع للعزابيه
طبعاً مافيه بالمطبخ الا تونه وشاي واحياناً تلقا عسل
طبعاً القطاوه-البساسه- مستحيييييييييييييييييل تدخل شقه العزابيه لانه ما عمر المطبخ انطبخ فيه لا دجاج ولا لحم ولا حتى سمك
يعني حتى ريحه الزفره مافيه
ف الي عنده حساسيه من البساسه يروح لشقه العزابيه وهي دواه بلا مضاد حيوي بلا هم
00000000000000000000000000000000000000000000000000
00000000000000000000000000000000000000000000000000
00000000000000000000000000000000000000000000000000
بس يكفي نطلع من المطبخ ونروح لغرف النوم
اييييييييييييييييييييييييييييييييييييييه
طبعاً هنا ساس البلا
تشوف اشياء ومخلوقات غريبه
عادي تشوف لك واحد متعفط ونايم بالزاويه ولا الثاني نايم ويسعبل وحالته صعبه
ولا الثالث يقوم وهو يبكي يبي امه
لا والرابع سمييييييييييييييين بالحيل مشا الله من كبره ما تدري من وين تبدا تناظر فيه من كبره
لا والخامس خشمه طويييييييييييييييل ويششخر كنه ماطور ديزل حق مخيم الاغاثه
000000للمعلوميه فقط ولحبايب قلبي فقط هذا ابو خشم اخذ جائزه نوبل لانه اسرع واحد يسوي عمره بالعالم لانهيطوف وخشمه بالمسعى يعني ثنين في واحد
00000000
يعني اقرب ماله كنك تلعب بلاي ستيشن شريط فضااء من الاشياء الغريبه الي تشوفها
تشوف بطانيات منطله كلها بقع صف..ـ
طبعاً انتم عارفين ليش
والسرير الي كنه كفن
خشبه وفوقه شرشف لا ومتقاطين فيه كل يوم ينام عليه واحد
وريحه الغرفه تقوم الي مغمى عليه
غير الزقاير الي مجدعه بكل مكان وبكيتات الملبورو الابيض
طبعاً العزابيه صحيين ف ما يدخنون الا ابيض هههههههه
الشي المهم او الاهم ان الذبان الي بالغرفه اكثر من الشعر الي موجود على جسم الخروف مستوطنه ذباااااااان- هذي طبعاً غير الي بالمطبخ -
اذا جا وقت النوم يفكر يشغل المسجل الي ما يشتغل الا بالتسطير يعني يبيلك تصقعه بالجدران وتصبخ به
تصبخ به = احدى مصطلحات اهل الشمال يعني تلمسه بشويش وتحكحك راسه وتقول له تكفا اشتغل
لا ومن زين الطبايع
الاشرطه الموجوده سبعييييين بالميه جلسات من الشميسي الي النسخه بخمسه ريال
طبعاً مافيه ولا شريط اصلي
واقول لك افلقني اذا لقيت شريط اصلي موجود عندهم
دنا أأطع دراعي من خلاخيلو-يعني اقص ايدي بالكويتي-
واخيراً وبعد معركه داميه مع المسجل اشتغل
ويستمتع هذا الشاب الطموح بالسماع بالموسيقا قبل النوم صح ان الشريط يصرصر ويطلع اصوات مدري وش تبي
بس عن قوله اني سمعت اغاني
================================================== =============
================================================== =============
طبعاً بعد ان يقوم هذا الشاب الطموح العزابي من النوم
وبعد الافلام الهنديه الي شافه
مره يحلم هندي البقاله يلحقه بالسكين ويقول له جيب فلوسي جيب فلوس
ومره يحلم ان الباكستاني حق المخبز ما سكه وخانقه يعني زانطه
ويقول له ايه هات فلوس لا اقوطكا هونيا
قصد الباكستاني طبعاً هات الفلوس لا ادربيك هنيا
فلاتلومونه اذا لقيتو البقع الصفرا على بطانيته هههههههههههه
ما بقا الا يحلم بهندي المغسله هذا يبي يخليه لبكرا هههههههههههههههههه
يقوم هذا الشاب بعد نوم عميييييييييييييييييييييق
يبي يسبح
يمسك سرا على الحمام الي يبيله سرا من هنا لراس تنوره من كثر الشباب الي بالشقه
وبعد جهد جهيد ووقوف لمده ست ساعات تخللتها بعض الهوشات والمساقط على السرا
اااااه
يدخل للحمام
الي ريحته تجيب الهم والغم والنكد والطفش ......الخ
طبعاً دخلوه قبلك طعش واحد
فـ انواع ال......لاتعليق والله رحمتكم مني قايل وش راح يشوف داخل
وبعد ما يخلص من الصصصباحه قصدي السباحه
يطل من عند الباب ويقول شباب ابي منشفه
ويعطونه
طبعاً هالعزابي يقعد يدور موس الحلاقه حقه لان بالحمام – وانتم بكرامه- ميه الف موس كل واحد له موسه الخاص كاتب عليه اسمه ورقمه الجامعي
وقريباً يب يحطون البصمه
وبعد دقيقه يقول بالله واحد ينطل علي سروال سلف
لان حيات العزابي كلها سلف في سلف حتى الملابس صار فيها سلف
بعدها يطلع الشماغ الي مكوي ومرتب لان نص الميزانيه اذا مو كلها تروح على الكشخه
ويروح هذا الشاب الطموح العزابي
الى الجامعه ويوصل متاخر شوي ويطرده الدكتور مثل العنز المجربه
عاااااااااااااااااااااادي شباب يتقبل هذا العزابي الطرده
ويرجع للشقه وهو يقول بقلبه نعنبوها من دراسه ونعنبو السرا الي وقفتله
يقصد سرا الحمام
00000000000000000000000000000000000000000000000000 000000000
00000000000000000000000000000000000000000000000000 000000000
يجي الليل ويفكرون جدياًًًًً انهم يطلعون
وهنا ساس البلا
لافلوس
ولا سياره
ولا زين خشش
لكن يالله
محد يعرفك بهالديره سو الي تبي
يطلعون اخواننا العزابيه
ويقعد واحد يسوي لهم العشا
والي يسمع العشا هذا كله خبز وشاهي حمد لله خير وبركه
يبي يدخلون للمجمع الفلاني
يجيه السكيرتي-الامن- معليش اخوي عوايل
جرب البوابه الثانيه
وبرضو نفس الشي
فاصل اعلاني :
ارفــع راسك انـت سعودي غيرك يدخل وانت تنطق برى
وعندي تعليق على العوايل هذي والله حنا يالشباب حالتنا حاله وين ما نروح عوايل عوايل لا يليت لو خطبنا يزوجونا يا يصير ابوها ياخذ راتبها ولا مهرها كنه سعر سياره -ما ي باخ-
فمدري وش نسوي بعمرنا والله حتى شارع الحوامل يبون يخلونه عوايل يعني نرجع لشغل اول نوقف قدام البقاله وكل شوي يدخل واحد يشلح له شي ويطلع هههههههههههههه
يشلح = يتسلف بطريقه سريه ما يسرق ابد ابد
ونرجع للمساكين العزابيه
عاد واحد من هالعزابيه ذيب بالحيل
قال ورا ما نجيب شغاله فلان ونبرقعها وتدخلنا
راحو لفلان وقالو له الله لا يهينك نبي شغالتكم تدخلنا
واخذو الشغاله وبرقعوها
شي اكيد الشغاله عيونها ممطوطه وموصلها لم اذانها
لكن عن قوله انهم عايله
حرمه وحده وخمسه رجاجيل كل واحد اكبر من الثاني حشا قبيله هذي مو عايله
طبعاً وهالشغاله كل شوي تدخل معها دفعه خمسه خمسه
فيصبح المجموع سبعين
<======= مدري وش فيه معلقه مع رقم سبعيين
اهاااااااااااااا
الاخ اللطيف دخل
مع اخوياه
للمجمع وشاف خلق الله
وبدا يسوي حركات مالها داعي
طبعاً لاتلومونه من الي يشوفه
لانه توجد ازمه شباب سعودي
يفتح الدش هالمغنيات الي كل وحده اشلخ من الثانيه
يطلع برا
يشوف هالبراقع الي كل وحده تقول للقمر ضف وجهك انت وعيال عمك وحطني مكانك
فـ اقول لكم لا تلومونه بالي يسويه
وين ما يفتح عينه يشوف بنات
المهم
و نششششششششششب لها نشبه مو طبيعيه
طبعاً اخونا هالعزبي لا من زين خشه خشته كنها احصائيه عدد سكان المملكه من كثر الخطوط الي فيه شاف هالبنت
وبالطقاق وافقت تكلمه بعد مطارده
استمرت خمس ساعات وهو يحاول يقنعها انه شاب طموح..يشرب حليب ..وينام بدري....ويحلم انه يصير طيار يدافع عن الوطن... ويشتغل بالاتصالات
ويحب الشعر وان ما فيه منه الاثنين واحد باليابان ومات بقنبله هوروشيما
والثاني بمريكا مات ايام المقاطعه
فـ مابقا منه الافرجن واحد يعني نسخه وحده
اختنا وافقت تكلمه وبدت بينهم قصه الحب
بدا يدق عليها اول شهر ويتميلح قدامها وينكت ويقول لها انه صيف بباريس الصيف
الماضي وانه ناوي يصيف باوربا وبعدها جنوب افريقيا بهالصيف وهو كذاب بالصيف يعلف البقر بالمزرعه ويا ابوه
طبعاًهذا كله ايام ما كان الجوال ما يقول طو طي ني
يعني مفصول
اهم شي جا موعد الصفر وانفصل جوال الولد
وبدت البنت كالعاده تدق وتسكر وابتلش الولد كل مره يدق عليها من رقم
اخر شي جت الولد فاتوره يحبها قلبك ادت واخلت بالميزانيه مدى الحياه
لو الود وده كان ما سكر منها لكن الهوا ضده
لا ومن زين الطبايع البنت زعلت وتركته وقالت انا احب ولد عمي
وتحطم الولد وين ما يطقها عوجا
00000000000000000000000000000000000000000000000000 0000000000000000000000
طبعاً العزابيه من تقول له اقلط يقلط عاااااااااادي ما يقول له تلقاه يدور عند باب بيتكم عشان تقول له اقلط وتعشيه ولا تغديه
نفسه ياكل شي غير المعلبات
لانه من كثر ما ياكل تونه اصبح بمقدوره يتنفس بالمويه
00
00000000000000000000000000000000000000000000000000 000000000000000000000000
00000000000000000000000000000000000000000000000000 000000000000000000000000
نجي للقطه.....
والقطه هذي هي الي تجمد الدم بالعروق تشوف العزابي يقول قبل لا يسوي اي شي فيه قطه ولا لا من زود الخوف من هالكلمه
جاهم مره واحد يتكلم عربي فصيح قال اليس عندكم قطه يقصد قطوه- بسه
واحد من الشباب حسبها قطه بمعنى فلوس ف اغمي عليه
تلقا الواحد يجمع طووول السنه وبظرف يوم وليله تطير الفلوس
طبعاً ناهيك عن الرسميات والذبايح
غير عيال عمه الي كل شوي ناطين عنده وغدا وعشا وفطور ونوم وسولف وانطح فالك طاب حالك...... وشدها مدها...الخ
كل هذي تستهلك طاقه هههههههههههه
00000000000000000000000000000000000000000000000000 000000000000000000000000
بعد سبع سنوات من التمرمط والملاحق
ولله الحمد تخرج اخونا العزابي
والمعدل خررررررررررررررررطي
فـ ما يلقا وظيفه
ويبدا يشتغل بكباين
ويبدا يغني يالللييييل يا ابو لمبه ههههههه
ويالله ع باب الله
وهذي هي نهايه قصه شاب سعودي طموح تغرب وحاول الدراسه
ونهايتها يتزوج شغاله
ويعيش عيشه هنيه مع معجون طماطم السعوديه
تحـــيــــاتـي للجمـــيــع
اخوكم شيط بيط
ملاحظه:
للمعلوميه فقط ولكم انتم فقط ولله الحمد ما مريت ولا بمرحله من هالمراحل حمد لله ساكن عند اهلي وميسور الحال بس كتبتها لكم من اجل الوناصصصصه وصصصعه الصدر لا اكثر ولا اقل ولا تزعلون علينا
والله الكلام عن العزابيه واجد بقى السفر والمطاقات ورزه الوجيه عند الطلاب الي عندهم سيارات عشان يوصلون العزابيه وشلون يشترون ويلبسون البنطرونات
واشياء واجد بس ما ابي اطول وابي افتح المجال للشباب الطموح والبنات
للادلاء بسطلهم في هذا الموضوع
واعذروني اذا التعبير خانني لاني كتبت هالموضوع بين محاضرتين عندي فراغ
فـ لاتلوموني اذا طلع اغلاط املائيه ولا خانني الكلام وكني واحد بالمتوسط يعبر
وما ابي اشوف هالموضوع بكرا منقول لمنتدى ثاني بدون الاشاره الى كاتبه كح كح الي هو اناهههههههه
واكررها لكم سامحوني اذا زعلت احد او ثقلت عليكم لكن الموضوع ذو اهميه قصوى هههههه
وترقبوا......
المغازل حسب نظريات العلماء وظمنهم انشتاين
ودمــــتـــم ســـالــمـــيــــن
وعلى الود نلتقي
.....
العرض العادي
