ساري(ن)مفعول حبك بالوريـد=جرحك اللي كنت خابر ماشفـي
يازمان الوصل ! يالماض ِ التليد=ياعيون الشوق في قلب(ن)وفي
لارسالة عيد لو عبـر البريـد!=ولاسؤال ٍ منك لو هـو مايفـي
كل عيد وشوق قلبي لك يزيـد=والمشاعر لاجل شوفك ترزفـي
عاد عيدك ياعسى عيدك سعيـد=انت ياعيد الخفـوق ومسعفـي
فهد الفريدي ...
وكل عام وانتم بخير وعساكم من عواده
مجاراه للمشرف المتالق ويعذرني
ياغرامي ياعسا عمرك مديد =لو ضميري من صدودك مكتفي
يمكن ان الوضع تلبسه الجديد =وتحته غرورك وصدك يختفي
واسمع اصواتك تنادي من بعيد=يا لهفي ساعة تنادي يا لهفي
الجفا كنه نسانيس الجليد=والحشا بردان مبطي ما دفي
هو بقى لي معاليقك رصيد=لاجل ابين لك شعوري وشغفي
كملتن تكفيك والطارف سديد =مايصاد الماء بحفار الصفي
كل عام وانت والاعضاء والزوار بصحه وسلامه
خالد السنحاني
..لو يصير الوقت بيدين شحيح
واشتهيت وبخل فيني بالعطا
وماجمعته من ورودي قام يطيح
والقدم عيّت تسارع بالخْطا
شفت زولك وانت تدري يامليح
ان قلبي ماتحمل لك بطا
سدد اللي يطلبونك تستريح
طفل حبك بي تعرّب ثم شطا
قلبي امسى قبل شوفك بي صحيح
ليته اصبح ولجمارك ماوطا