هاذي القصيده كتبتها بعد ان
قام االعم والجار والاخ بجاد القحطاني
وخمسة من اخوانه بترك منزلهم المجاور لمنزلنا
والحلول في منزلهم الجديد والبعيد عن منزلهم القديم
واتمنى ان تنال على اعجابكم
انشهد ان الدار ماهي بمرغوبه = من بعدكم ماعاد نطعم لياليها
الصبح كنه فقيرن ضاق به ثوبه = والليل كنه ضريرن داس حافيها
البيت مالي خاطر امر من صوبه = العين لا مريت سالت مجاريها
والدكه الي من العربان مدحوبه = اليوم ماغير وحدي جالسن فيها
شدو وكل القلب ياصاح شدوبه = خلو ضلوعي تلحن في معانيها
انشهد ان الدار ماهي بمرغوبه =ضاقت شوارعها وضاقت حواريها
يصعب على افراق بيتن تربوبه = يالله عفوك والخواطر تسليها
الضيقه الي علينا جات مكتوبه = يالله عسى ربي علينا يعديها
يازين شطرن جميع الناس غنوبه = عسرات الايام ماتمضي لياليها
من يحسب الايام ماهي بمحسوبه =يشيب راسه غايته ما يلبيها
العرف يهل العرف والطيب قفوبه = والمرجله جاتك مع صف راعيها
سقت القوافي وجبت اللحان مطلوبه =يسمع لها كل شاعر مايخليها
جبت الكلام الذرب ووزان مطلوبه = ليت المياه اتعود في نص جاريها
وش حيلتي يبجاد والدار مقلوبه = ماعاد اميز شرقها من شماليها
الضيقه الي علينا جات مكتوبه = يالله عسى ربي علينا يعديها
تحياتي
.......................خالد ح القحطاني
العرض العادي
