( 4 ) ( اربع سنين ) ( 4 )

elfhad · 20-09-2002, 10:45 AM

[c]
ياللي زعلت إزعل ولاني مراضـيك

أشرب كدر ماي البحر كانه أرضـاك

لا تحسب أني عقب صدك بداريـك

بأعز نفسي عنك مـدراك مــدراك

أربـع ســنين وأنا متحمـل تغليك

راضي بتعذيبك لأجـل قلبٍ أغــلاك

وخليتني واليــوم والله لأخـليـك

وأدوس قـلبي لينـه يقـول خـــلاك

قبـل توريني الحسـاير بأوريــك

ليمن يقـال فـلان هانــــك و ورآك

كـانك تحداني فأنـا أقبـل تحـديك

وأنسى الغـرام اللي مـضى وأتحداك

مـاني بقايـل لك عسى الله يهنيـك

الله يحـرمك كـل مـا كان هنّـــاك

عـسى العمـى ياخين العهد يعميـك

فوق الغرور اللي عن الماضي أعمـاك

وعسـاك ما تسمـع قريب يناديـك

حيثك تجاهل صوت محـروم نـــاداك

وعسى الشلل يعـوق رجـلٍ تمشيك

لـينك تنـدم ليـه غـيرت ممشــــاك

وعسى حياتك بس فرحـة لشـانيك

يلقى بها الفـرصـة عدوك ويشنـــاك

وعسى الليـالي اللي تجيني بطاريك

يصبح عليها الصبح ويموت طريــــاك

وعسى المنـام وكل راحة تجافيـك

آمين حتى اللي تمنــاه يجفـــــاك

وعساك ما تفـرح وتكثر بـلاويـك

وأمك تشـق الجيب من عظم بلـــواك

وإلى مت جعلك في جهنم تصـاليـك

نار الجحيم ونار دنياك تصـــــلاك

الله يكـره فـيك حـتى دوانيــك

غشـاش خـاين من من الناس داناك

هذه النهايـة روح والله يجازيــك

أمسـك ويومـك عنهم الغد يجـزاك

[/c]

المرهف · 20-09-2002, 01:58 PM

الله يعطيك الف عااااافيه على الكلام الجميل والراااائع والعذب

كل الشكر والتقدير على ما سطرت الايادي

بااااااااااااي

elfhad · 20-09-2002, 07:27 PM

اخوي المرهف

.مساك اللة بالخير
مشكووور لمرورك الكريم
. اسعدني حضورك اخوي الكريم ومليون شكر

تحيااات لك الفهد

مدعومـــه · 20-09-2002, 07:59 PM

لييييييييييييييش جذيه

حراااااااااااااااااااااااااااااام علييييييييييييييييييييك
كل هذا حقد ما خليت شي

بس الظاهر انت يحليلك منبطه جبدك وواصل حدك :D :D :D

بس قصيده حلوه تنفع لبعض الناس :p

الله يعطيك العافيه