تؤلم لسفرجفن علىدرب السهر مجبور *** يخفي عن بعض حلمه قبل يرحل بعض ياسه
وانا مثله مسافر بين أراضي حلمي المهجور*** معي له كلمتين.. ودمعتين.. وعين عساسه
ولي وجه تعابيره بها ملح الحزن منثور*** شتاته لو نثرتينه تجمعه نظرات جلاسه
حبيبي كثر ماتخطى على واقول لك: معذور***كثر طول انشغال البال فيك وكثر هوجاسه
اجبك وانت تحكي عن خضوعك لي بكل اغرور***مثل من يبكي دموع المذله رافعآ راسه
احد يصحي على صوتك ولا يصبح صباح النور*** احد يغفي على صوتك ولا تحلاله انفاسه
احد يقرا عيونك لا بكيت ويكتبك بسطور*** احد يشرب وصوفك لا ضحكتي وينشرك كاسه
قبل ما احفر لشعري ياحبيبي فـ الضلوع قبور***تعال تضمك حروفه قبل ما يلفظ انفاسه
لك الله يا حبيبي صار لي يمكن ثلاث اشهور*** اسيل بالشعر دم القلم وتموت كراسه
انا ماهمنى لو يوم صرت الشاعر المشهور*** اذا ما اطرب قصيدي من قراه ولا مس احساسه
عسي بيت القصيد ان ما بنى له فـ الصدور الجسور***وحرك في نفوس الناس حاجه ينهدم ساسه
اذا ماكان صادق معاناه ورقيق شعور*** عسي ريح الشمال يطير به لا هب نسناسه
وسلامتكم ووعدكم انشالله بالمزيد وانا عضو جديد و ابي منكم التشجيع بس ولكم جزيل الشكر ودمتم
العرض العادي
