جــــــــــــــــــد تـــعبــانه...

[الـــم قـلبي]

صدقوني والله العظيم تعبانه نفسيا وابي منكم المساعده....
القصه..
انا مخطوبه لواحد من اقربائي وكل واحد منا يبي الثاني بعيوبه قبل حسناته
والمشكله اننا نعرف بعض زين زين..
الي صار اننا طلعنا كلنا مع اهلنا وكنا مجموعة بنات كبيره وبينما احنا جالسين نسولف انتبهوا البنات لرجال يغازلهم قاموا بعض البنات يسون له حركات ويأشرون له.. اخته وانا منعنا البنات بس مافي فايده لكن وحده من البنات تمادت وقامت تطول صوتها وتسب
طبعا.. الرجال انعطى وجه وقام يقرب فأشرت اخت خطيبي بأيدها وقالت خير وش تبي...
صرخت فيها على طول ليش تأشرين وسحبتها ورحنا السياره..
اليوم الثاني تفجأت ان خطيبي درى بالموضوع والمصيبه انه درى اننا كنا موجودين يوم صار الي صار
لأن الرجال الي غازل البنات يعرف خطيبي وقابله وقاله عن السالفه وقال يااافلان ادب اهلك ترى وحده من اهلك اشرت لي ثااااار خطيبي وانجن واعمته الغيره راح سأل اخته وخافت وانكرت السالفه تماماً دق علي وسألني انصدمت وماقدرت اتكلم اتهمني على طول لأني عجزت عن الكلام قفلت الخط فوجهه لأنه تلفظ علي بكلام جاااارح مره كلمت اخته وقلت لها اعترفي قالت مستحيل بعد يومين كلمني وهددني ياا اعترف والآ يتركني طبعا انا حلفت له اني ماسويت شي لكن مافي فايده مقتنع اني انا ليه ماادري
قابلت اخته بعد كم من يوم وكانت منهاره من معاملة اخوها لها وحزينه على حاله تقول لا ياكل ولا يشرب همه بس انه يعرف من الي سوت الحركه فينا وقررت انها تقوله لأنها مستحيل تخلينا نترك بعض بسببها.. منعتها لأني اعرف اخوها زين ومستحيل يفهم انها ماقصدت ألاانها تبعد الرجال مش تغازله بعد يومين شافت ان الموضوع بدا يكبر ومن غير ماادري راحت وقالت لأخوها انها هي وحلفت له على المصحف ببراءة نيتها ولكن انقلب عليها زي الأسد وكان بيذبحها وقتلها بكلامه ..
لكن الي يقهر انه كلمني ولاحتى اعتذر .. بس قالي انتي طلعتي مظلومه وهذا الأهم.. حاولت افهمهه موقف اخته لكن مافي فايده
وضعه حاليا.. مقاطع اخته ولا يكلمها الأ قدام اهله لأنهم مايدرون وانا مقاطعني بلا سبب تغير كثيير وانا مالي ذنب وآخر مره كلمته فيها عاملني بطريقه حقيره ولما سألته أشفيك ليش متغير علي وانا ماسويت شي قالي:أيه صح ماسويتي شي على العموم اعطيني فرصه وبتلقين رد لكل أسئلتك اعطيني فرصه حتى انا تعبان وابي ارتاح وانا مااقدر ارجع لك ألأ بعد ايام يعني بعد ما يصير شي يريحني ..
سألته وشهو.. ماعلمني وقالي صبرك هااذا انا صابر زيك واكثر
قلت له انت شكلك بتتركني قال لا.. وبعدين ضحك وقال بصوت منخفض لسه بدري..وكأنه ناوي لي شي
ولما قلت لأخته عن كلامه خافت شوي بس بعدين قالت يمكن انه وده يختبرك ويضغط عليك علشان اذا كان عندك كلام تقولينه ونصحتـني اطنشه حتى يتأكد او عمره ماتأكد ولكن المشكله الي مااحد في الدنيا عارفها انه انسان قمه في المشاعر والطيبه والي متعبني انه متضايق وزعلان وظالمني والي اكبر من هذا كله اني احبه واستحاله اعيش من دونه ...
افيدوني كيف اتصرف معاه ارجوكم علموني كيف ارتاح..
اعــــــــــــــــــــــــــــــــــــــــــتذر على ازعاجكم...

[يوميات محب]

مرحباً أخت ألم صراحة مشكلتك ما اشوفها صعبة هو معه حقك في تصرفه لكن ما معه حق يعاملك بهذي المعامله خاصة بعد ما تأكد انك مظلومه لذا انا اشوف انه دامك حاولتي تسترضينه مع انه عارف انك مظلومه اشوف انك لا تكلميه عن هذا الموضوع وحاولي بقدر الأمكان تنعزلي عنه من مكالمات او اي وسيلة تواصل أن شاء الله راح يحس وقتها انه محتاج لك هذا اذا كان يحبك بصدق .. أهم شي انك ما تشغلي بالك تغيره طبيعي اي شاب يجيه خبر ان احد قريباته مسويه حركة مثل هذي اكيد المشكلة راح تاخذ حاجز كبير من المحجوز لديه للعاطفه لكن ثقي بعد ما تهدء الامور ان شاء الله ترجع علاقتكم اتمنى ترجع المياه لمجاريها .. تحياتي

[الـــم قـلبي]

مشكور ماتصدق قد ايش كلامك ريحني عالعموم انا فعلاً انعزلت عنه
ولكن الي قاهرني انه الى متى بيستمر كذا الى متى والله اني محتاره حيييييل...
بكل الأحوال لك شكر خاص جداً لأنك اعرتني اهتمام
وكلك ذوق....

[صـ أحساس ـادق]

الـــم قـلبي

اختي في الله

السلام عليكم ورحمة الله وبركاته

بقول شي مهم

تدرين أنتي طبعاً أن الشر يعم والخير يخص

وصدقيني كلامه اللي قاله لك وانتي تعتبرين غلط وتقولين جرحني

بالعكس هذا دليل على اهتمامه فيك ولا كان طنش ولاعليه منك

لكن اللي بقلبه طلع غصب عنه وهو وده انك ماكنت معهم في تلك الحظه

وطبعاً لو ما تكلم عليك أنا من وجهت نظري انه مايحبك ولا يخاف عليك

ولكن صدقيني أبعدي كل البعد عن البنت اللي تقولين عنها أللي تسوي حركات هذي

لانه راح يسأل عنك ويشوف من هي جليستك او صديقتك

المثل يقول المراء من جليسه

أتمنى انك الأن فهمتي قصده وليس كما ضننتي به

وأنتي اللي عليك الان تسوينه أنك تبعدين عن المواقف اللي زيك كذا

ولا تكلمينه وراح يعرف انه غلط وتسرع في كلامه عليك

وأعـتذر عن الاطاله

صـ أحساس ـادق

[نوفو]

اممممم

فعلا هي مشكله واللي يكبرها ان اخته شريكه بالقصه

بس انا اشوف انك فعلا اتركيه فتره من الزمن
خليه يراجع نفسه ويعيد حساباته
وقتها انتي اللي تحكمين عليه حسب تصرفه

يعني لو رجع مثل اول كان بها
ولو ماارجع وقتها انتي لك حق تزعلين وتتركينه

الله يعينكم واسال الله ان يحلها من عنده

تحياتي

[mmx]

الـــم قـلبي
السلام عليكم ورحمة الله وبركاته

ان مشكلتكي صعبه جدا
ولكن لم تخبرينا ماذا كان موقف اهلك من هذه الحكايه او المشكله وهل تدخل بها اهلك او اهله
ان لم يعلم بها الاهل فعلميهم واخبري اباكي بما حدث بالتفصيل الممل وايضا اخبريه باسماء الفتيات الواتي جارين ذلك الشاب واعملي ان تصلحي بين الاخ واخته وان ادى ذلك الى فسخ الخطوبه فساعديها كما ساعدتكي وتحملت هي المسؤليه كلها فلا تتخلي عنها واعلمي الاهل بكل التفاصيل لكي يحاسب المخطء على خطئه فلا تجعلي من نفسك ومن اخته الضحيه من اجل اخريات استخفين واتخذن مثل هذا الفعل على انه لعبه او تسليه فتكون عاقبتها وخيمه على الكل

اخوكي
mmx

[عبيرالجنوب]

عزيزتي :ألم

انا ماراح أطول في ردي لأن الأخوان ماقصروا عطوك جميع الحلول الممكنة
ولكن اللي ودي أقوله شيء واحد (نصيحة خذيها من اخت لك مرة في نفس الموقف )

لا تحاولين أو تفكرين انك تتخلين عنه لانه نادر ماتلقين احد بالذات في الايام هذي يحب ويحب من قلب نصيحتي لك اختي تمسكي بخطيبك حتى لو جرحك الزمن كفيل ينسيك جرحك واللي اهم من هذا كله انك انتي ( تحبــــــــــــــيـــــــــــــــنه)وهذا يكفي أو شيء يستحق انك تضحين على شانه

ولك تحياتي
اختك : عبير الجنوب

[وائل العنزي]

ما اقدر اقول غير الله يصبرك على مابلاكي ربك...
عموما كل الواحد يرى نظره للعام بحسب مقدوره العقلي,,,,
زي ماقال المثل(الكل يرى الناس بعين طبعه)
انت لا تهتمي للموضوع وصدقيني لراح يتأكد بنفسه ويبين الحقيقه الغامضه...ربنا يكون بعونك اختي العزيزه...وع فكره الشر يعم والخير يخص,,,وهذا سبب كل اللي صار..
تحياتي لك
وائل

[يزيد محمد أحمد]

شوفي مكالمات الهاتف التي بينكم تقطع لا يشوفك ولاتشوفينه .....رايح
يشتاق لك من هنا يبدأ بمصالحة أخته لتكون وسيط صلح بينكم نصحي
لا تردين عليه يبغي الزواج يتمم مع أهلك ولا يشوفك ولا يكلمك إلا يوم
الزواج ....... والله يعينك يقول الشاعر :
وظلم ذو القربى أشد مضاضة من وقع السيف المهندي

[sophia]

انا حاسة فيك كثير لان صارت معاي.بس اعطيه فرصة يفكر وانشالله راح يرجع لك ولو ماسوا اللي سواه الحين جان طاح من نظرج انت.لان الرجال بغيرته وكرامته. وما اظن انه را ح يتركك بهلسهولة واذا سواها احمدي ربك لان انتو لسه على البر.تخيلي وانتي متزوجته ولاقل سبب يتخلى عنك.
بس انت التمسي له الاعذار ولا تتخلين عنه.