كشته على كيف كيفك بس ارجو قطع الاتصال عند القراءه...

[طق طق شات]

كشتـــــــــــــــــه ولكــــــن شــــــــــي

سلاام00
**********************************
********************************
كيفكم ان شاء الله بخير00
اولا احب اقولكم اني تشرفت بالمشاركه بالمنتدى الحلو هاذا
وبعدين عندي ذكريات حلوه ناشبه في بالي
وحبيت اني اقولكم اياها وارتاح
**********************************
********************************
في مره من المرارير قررنا انا ومجموعه من البنات والشباب << القائد طق طق اننا نسوي مخيم لنا باااس بدون ازعاج وطبعا الفكره ماكانت بهالسهوله يعني مو من السهوله ان مجموعت بنات بالبر وبالحالهم !<<لاابد من الشباب معهم<< مسوي فيها استاره اكاديميه يعني قويه شوي
بس كان مخيمنا على قدنا يعني خيمه في طرف المخيم الاصلي (اهلنا) ومخيم لشباب <<< القائد طق طق شات<<< من مدح نفسه يبيله بو مرفااس
المهم كنا منعزلين مرره عنهم 00 وعن البنات << وده يشاارك البنات بس المشكله ان حبيبته ناشبه معهم <<< مخطط على وحده منهم ههههههاااي
وكنا ماااخذيين راحتنا وزياده طبعا الشباب فيه جها والبنات في جها والاهل في جها...
ويوم من الايام والبنات كللهم بالخيمه نايمين بدري (الله من الشطانه )
وقامت وحده يعنني رومنسيه تجر فراشها وتبي تنام بالهواء الطلق ومن الدلاخه طيحت دفايه قاز<<< كن قلبي حااسني ان البنات جريه (من الحرص على ارواحهم )اللي كانت جنب باب الخيمه<< الحبيبه وطبعا بدت النار تشبب والبنات نااايميييين بسابع نومه ولا الدلخه هاذي قامت تصرخ والبنات انهبلوا <<<كذا
اللي تصيح واللي مابعد استوعبت اصلا
واللي خذت الجزمه وتطق النار وقسسم بالله <<< و طق طق
خايف وفيه الضحكه
واللي قامت تتفلسف وتقترح انهم يجيبون تراب يطفون النار والبنات مابعد استوعبو وين التراب بالسما والا بالارض
ولااكن طق طق الي هو القاائد<<< من جنبها<< مادرى ان الشكش وراه
استوعب الموقف اخيرا وجاب الجزم كللل ابوها ورمااهاا على النار
على بالي بكحلها عميتها00
واخيرا الدلخه اللي برا كبت تراب على النار وهدا الموقف
بس انها ماسلمت من البقسات والتهزيآت المحترمه 00
وبعد هاذا كله طلعنا نتمشى فوق النفوذ<< طق طق والصعب وتويكس (يعني عاادي) وصوت المهاوش اتوقع انه وصل لابعد خيمه بس عدت على خير 00
وبصباح ذاك اليوم اللي مانمنا فيه اصلا من (الخرعه)
اخذنا جيب (بليزر) ولد عمي الصعب اللي موقفه حولنا ومن الثقه مخلي المفتاح عليه
<<------- ماتاب من الجريه الي صارت
ركبنا السياره وفتحنا شباك اللي ورا وتعلقوا البنات والشباب على اننا بنطعس(يعنني)00
وبدون اسماء اللي يسوق كان عليمي شوي لاان الصعب تعب من السواقه وخله العليمي يسوق<<< اه لوني ماسك السواقه كان وريتهم <<< من مدح نفسه يبيله بو رفاس وطبعا انا متعلق مع اللي ورا
ونااسه00
ومع اول طعس اكلناها وتوهقنا بس عدت 00
وهذاالعليمي صدق نفسه وبدى يسررع وهويليته بس يسرع ويربع بعد وفي هاذه الاثناء طاحت ادبب (اسمن)واحد وحده فينا ياعمري الظروف ماخلتها تتمسك زين ياحياتي00
وتوقفنا (لحـــظــت صــمــت)
وهي بالارض ماتتحرك بس فجأه رفعت راسها وقالت (الله ياخذك)
وحنا ماصدقنا انها تكلمت فطسسنا ظحك <<---- عديم الاحساس للاسف
بس تطامرنا عشان نتأكد ان مافيها شي
والحمد لله جت سليمه ولا صار لها شي والا ان كان توهقنا 000كملنا المشوار بس جوا السياره <<---- تابوا

يووه فيه شي ياربي نسيته ياربي ودي اقولكم

اييه تذكرت في ليله من الليالي اللي كانت اغرب ليله كان فيها كذا شي صار لنا
في بدايت الليل يعني بعد صلاة العشاء كان تويكس على باله يستخف دمه
لبس ثوبه وشماغ وتلطم<< على باله طعس ومعه مسدس (طبعا لعبه)
وجت يمشي بشويييش حوالين خيمتنا (المحترق بابها)
وكنا ناوين اننا نطلع نتمشى برا لانها كانت (قمرا)00
في لحظة ماكان تويكس بعيد بس مو مره طلعنا كللنا وصوت الكركره مدري على ايش
قلنا نجلس اريح وجلسنا(وسوينا دائره اهم شي ) << يموت على الدائره <<طق طق
ونسولف والا طب علينا تويكس والمسدس بيده
انا بصراحه عن نفسي طاح قلبي ومت من الخوف 00
لااكن هو ماستحمل اشكالنا فطس من الضحك وعلطول عرفنا انها لعبه
وياسلااااام على اللي سوينافيه ولا المشكله<<< البنات << مقلب ان كان معنا وحده حامل وخفناا عليها انها تولد وش نسوي فيها عاد00
والشي الثاني ان اللي صار بعد نص الليل وكنا بالخيمه (المحترق بابها)
وياويلها اللي بتروح دورت المياه << الله يعزكم محد جاي معها طبعا
بس لازم
المهم اني انا اظطريت جدا جدا
اني اروح بالحالي دورت المياه الله يعزكم لان اخوياي وخوياتي قليلن خاتمه
وانا راجع حسيت بشي وراي
بس ماإلتفت من الخوف (شبصت رقبتي)
وامشي ولا كأني خايف وانا بصراحه الدمعه عند الباب00
ويوم شفت الخيمه قربت شوي حطييت رجلي وانا اصااارخ
تدرون وش اللي كان وراي
كلب مفترس من شكله صراحه<<--- خكريه
لاكنه محترم شوي لانه مالحقني وربي ستر 00
ودخلت على اخوياي وانا (لا تعليق) اقولهم شفت شفت شفت شفت
طبعا هم مااستنوني الين اكمل طلعو يشوفون وش السالفه وانا رجليني ماتشيلني من الخوف
وبعد ماعرفو انه كلب ودل الخيمه بعد حلفوا انهم ماينامون بالخيمه ولحالهم بعد
وفكرنا وين نروح قلنا مافيه الا الخيمه الكبيره اللي يتقهوون فيها اهلنا كل صبح ويوم دخلنا فيها حنا وفرشنا ربطنا بيبان الخيمه من الخوف 00
مررره00
حتى السواليف راحت
بس عدت وقمنا الصبح بدري (اصلا مانمنا)
ومن السناعه صلحنا شاهي وفول ودقيناها وعوضنا امس

**********************************
********************************
وهااذا كللل اللي في بالي طبعا اللي صار اكثر بس مابي اطول عليكم
وان شاء الله يعجبكم 00

المستفاد من القصه..

1 لااحد يخيم مع بنات لاانهم السناعه في تسريحه الشعرر
2 لااحد يعطي اعليمي يسوق في البر ولاا في الرباضه
تحيااتي لكم

طق طق شاات

ارجو من التثبيت <<< من جنبها بيثبته الصعب ههههههااي

*t