بطلة القصه ((بنت باولى ثانوي ))والبطل ((شاب عسكري ))
صارت هذي القصه في سكن عسكري با احدى المدن .. هذي البنت تموووووت في السيارات (BMW).
في يوم من الايام البنت كانت فاتحه الشباك وشافت سياره BMW داخل السكن العسكري البنت انهبلت وصار ودها تعرف من صاحب الـBMW
وصارت تحط كل يوم على السياره وجبه مكونه من (بيبسي ,شيبس ,سنكرز).
وصارت كل يوم تعلق هذي الوجبه على السياره ..وكانت البنت كل يوم تفتح الشباك وتشوف وش راح يسوي ....
اول مره شاف كيس الوجبه معلقه شاله وحطه على الرصيف على باله ان الكيس جاي بالغلط ..وثاني يوم شاف الكيس ولقى نفس الوجبه بالكيس والشاب سوى نفس الشي حط الوجبه على الرصيف ..ثالث يوم لقى نفس الشي نفس الكيس ونفس الوجبه .. شاف الشاب ان المسأله غريبه .وقال اكيد ان الاغراض هذي اكيد لي وصار يلتفت يمين وشمال والبنت تشوفه من فوق في غرفتها وتضحك ومبسوطه .. اهو فك البيبسي وشربه وحط الباقي بالسياره وحرك السياره ومشى .
وكل يوم على هذي الحاله .
وفي يوم من الايام البنت كانت جالسه مع اخوها الكبير وجت اخوها مكالمه ..توقعووووون .من ؟
راعي البي ام دبليو ...وكان يقول لاخو البنت ان فيه شي غريب يصير لي كل يوم القى وجبه عند سيارتي بس ما ادري من يحطها ....وقال واهو يمزح :اكيد الي يحطها مايدري ان البيبسي مضر وخاصه على الريق .... المهم انتهى اخوها من المكالمه .. والبنت سألت اخوها من كلمك وش قالك واهو قالها عن كل شي .... في ثاني يوم حطت له الوجبه بس غير عن كل يوم حطة عصير برتقال بدل عن البيبسي ..وحطة ورقه صغيره وكتبت ان البيبسي مضر بالصحه ..... وجا الشاب ولقى الكلام الي مكتوب في الورقه.......اهو استنتج ان الي تحط له الوجبه اكيد انها سامعه المكالمه الي كانت امس مع خويه او انها تقرب له .
...............................
بعد فتره قرر الشاب انه يتزوج اهو واخوه ... وراحو يخطبون البنت وبنت عمها .
البنت قالوا لها في واحد متقدملك البنت قالت منهو صاحب البي ام دبليو بس اهلها ماردوا عليها عارفين انها مرجوجه وبعد الملكه اكتشفت البنت الي خطبها مو صاحب البي ام دبليو صار الي خاطبها معاه سياره شبح (على فكره صاحب الشبح اخو الشاب الي معاه بي ام ) وصاحب البي ام خطب بنت عمها (ااااه يالقهرررر)البنت كلمت بنت عمها وقالت لها شرايك نتبادل انتي خذي راعي الشبح وانا اخذ صاحب البي ام بس بنت عمها ماردت عليها عارفه انها مرجوجه .. قالت البنت لبنت عمها طيب وشرايك نقول لهم يتبادلون السيارات انا ما ابي اخسره واقول له يشتري سياره جديده المهم يكون معاه بي ام دبليو .......وفي الاخير البنت ماتزوجت راعي الــ(BMW).
وش رايكم ماتنفع دعاية بي ام دبليو ..