محبطة مشكلتي لها سنيين

[ألم السنيين]

اختي الكريمة
سبحان الله امر الجوال تيسر مو قلت اغيره وارتاح واصير انتبه ما ارد لانه غلطتي بالثاني انه مره دق من كبينه ورديت فكرت وحدة من صاحباتي دقت من بيتها فاذا ما رديت ما بيتاكد
جوالي باسم اخوي وبيسافر وطلب يلغي كل ارقامه وقال اغير رقمي باسم حد من اهلي ثاني يالله انا ما صدقت فرحت حتى امي قالت غيريه ونجيب لك ثاني قلت الحمدلله كذا جت منهم وما بيشكون لو غيرته
الحمد لله اختي صح على قولتك كان صار اكبر بس اهلي وثقوا فيني ويمكن انا غلطت لكن بالفعل حبي للخير اكثر
وتسلميين للطفك انا بعد شفت عندي رسالة بس ما قدرت لين تزيد المشاركات باحاول اشارك
واليوم الحمد لله صايمة
ابو عزوز
مشكور ولا تنسانا من دعواتك

[ومضة]

غاليتي الم .. أتمنى من كل قلبي ان يزول المك .. واتمنى ان حلولي تنفعك دائما..ألحين انتي عرفت كيف تتصرفي مع الامر..جوالك عادي خلي مفتوح او مقفل خلي الامر طبيعي ولو رديتي على المكالمات خلي نفسك ما تعرفي هذا الشخص ..لأن يمكن النذل يسجل صوتك..فانتي حاولي انك تنكري انك تعرفيه ..وان شاء الله تزول مشكلتك قريبا..وخلي في بالك ان اهلك دائما معاكي وربك معاكي والله ما يضيع الصالحين ..حاولي تقرين اكثر من قصص الصحابة والصحابيات ..ان شاء الله تقوى همتك وترتاح نفسك اكثر.. أتمنى لك التوفيق دائما تحياتي

[فرحانة للأبد]

السلام عليكم اختي....

أقولج .. سمعي بقلبك هالكلمات....



"ومن يتق الله يجعل له مخرجا"

صدقيني.... ولو طالت المدة لعشرين سنة....

[دموع الندم]

اختي العزيزه / ألم السنين
بصراحه قريت مشكلتك ولولا احساسي بالشيء الذي تمرين به
لما حاولت التسجيل بالضروره القصوى والرد عليكي ..

اختي العزيزه ..
كثير من البشر يخطون وهذا ليس عيب
ولكن العيب من يتمادى ويخطي لميحي اخطائه

يالغاليه ..
عمر الشر ماينتصر على الخير مهما طال
صحيح بعد الظلم فرج بأذن الله تعالى
انا ماراح اعاتبك على الرسايل والصور وكل الكلام اللي قلتيه
من قبل لأن الاخوان والاخوات من قبلي ماقصروا
وارجوا ان تتعظي من كلامهم

يالغاليه ,,
اللي يبغا الشيء ييتعب على شان يوصل له مافيه شيء يجيك الين
عندك وان جاك الين عندك بسرعه راح يزول

والمقصود من كلامي هو اذا راح تبحثين عن راحتك صعبه تجدينها
وانتي جالسه كذا وان جاتك الراحه وانتي جالسه ماتعبتي اكيد بسرعه
راح تزول وتكونين كذا مااستفدتي شيء ابدا وراح يطول الامد وهو
يهدد ويتوعد ومن هالكلام ..

والخبيييث توقعي منه اي شيء
ومن ناحية لو جلس فتره مادق او هدد هي وحده من الثنتين ياانه
يخطط لشيء جديد او انه يمكن حس وعقل وانا مااتوقع انه يعقل
لأن اللي مثله سوا كل هذا مااتوقع انه يعقل

من ناحية الحل انا بأعطيك الحل والحل يبغا له اشياء وراح تتعبين
ولكن بعد التعب راحه وصدقيني ..

اولا / حافظي على صلتك بربك وقوي قلبك لأن هذا اول الحلول
ثانيا / اقطعي كالماتك وردك عليه ومكالماتك لغيره
ثالثا / لاتقفلين جوالك ابدا ابدا لأن كذا بيخاف ويعرف انك صرتي قويه
رابعا / والاهم تسجلين وتسجلين الارقام اللي دايما يدق عليك منها مثل اسمك
خامسا / لابد تعرفين معلومات عن الشخص بأي طريقه عن صديقاتك او غيرها

سادسا / هذي قصه صارت وابغاك تتتعظين منها :
فيه وحده كانت ماتطلع من بيتها واكنت حلوه جدا وفيه يوم من الايام طلعت
مع امها للسوق وشافت شاب حلووو بالمره المهم الشاب شافها وانهبل
المهم الشاب قام يلاحقها وفهمت هي انه يبيها وترردت وش تسوي معه
المهم الرجال بطريقته عطاها رقمه وهي في بالها بتشوف وش يبي منها
المهم راحت وماهي مهتمه ابدا لما جات في الليل تذكرت رقمه قالت خلني
ادق اشوف وش يبي المهم كلمته والرجال قام يتغزل ومن هالكلام والاسلوب
اعجبها وصار يكلمها ومع مكالمته لها كان يسجل كل مكالمه المهم لما
حست انه تافه تركته ويوم من الايام كلمها وقام يهدد وقال ماراح اتركك
( لين اسوي فيك ) المهم سبته وقالت بعيده عن شنبك الرجال كان مسجل صوتها بشريط
عن طريق السبيكر .. سمعها مكالمتها وهددها المهم صدقت انها ماسك عليها
شي وقال بكره في المكان الفلاني القاك ووصف لها السياره بالسوق هو مع خويه
المهم البنت ودها تنتحر وش تسوي كلمت صديقتها وشرحت لها الموضوع كله
خويتها قالت لاتخافين عطيني مواصفات الرجال وشكله وسيارته ومعلومات عنه
ورقم جواله وانا اتصرف وقامت خويتها ودقت على مركز الهيئه وعلمتهم الموضوع
كله وقالت هذا مضايقنا ومن هالكلام وطلبته يكون الموضوع سر على شان
ماتجي فضايح عائليه ومن هالكلام المهم الشيخ تفهم الموضوع وقال خلاص
وعطته مواصفات الرجال وكل شي وجا وكلمها اليوم الثاني وقال وينك قالت انا بجي الحين وقال انا انتظرك ترى وعطاها شكله وسيارته اللي هو فيها ومكانه والبنت
على طول علمت الهيئه وراحت الهيئه لين مكانه ومسكوه ورجوه للمركز وعلموه
وتفاهموا معاه وماادري وش صار معاهم بالظبط واللي نبي نوصل له هو انه تركها بحالها وماعاد هددها ابدا ابدا

سابعا / تكونين جريئه لأخر درجه وتحاولين توصلين لشيخ او مركز هيئه
وتفهمينه كل شي وتطلبينه عدم الفضيحه وان مقصدك ردعه وتخلينه يتركك بحالك
وتعطينه الرقم اللي يدق عليك منه او انه يراقب التلفون حقكم ويسمع مكالمته
او تواعدينه بمكان مع علم الهيئه مثل القصه اللي صارت وهم يتصرفون معاه
وياخذون الصوره وجواله والرساله ويحققون معاه وانا ودي انهم يسجلون مكالمته
ويحطونها دليل عليه على شان ماينكر ابدا ..

يالغاليه / صحيح طولت بكلامي وراح تتعبين بكل اللي قلته
لكن الراحه هو حصاد كل تعبك والله لن يضيع اجر من احسن عملا ..

وارجوا تستفيدي من كل ماكتبته وادعوا من الله ان يفرج همك

مع تحيات / دموع الندم

[شـباب$الرااشــد]

*r

[سنين بلا حبيب]

استعيني با الصبر والصلاه ولا ترضخي له ولطلباته كما ذكرتي انكي تحبين الخير والقران والحجاب انصحكي بان تتركيه وخليه يفعل ما يشاء اسمعي لو استطاع ان يصل اليكي سوف لن يرحمكي