السلام عليكم ورحمة الله وبركاته
أخواني .. بصراحة عندي كم مشكله ودي أسألكم عنها وأتمنى ألقى منكم الرد اللي يفيدني ويساعدني
راح أبد بالسهل .. إن شاء الله
أول شئ :
أنا عندي في ملف الويندوز دب رصاصي باسم setdebug
سؤالي .. هل أحذفه ؟ أم ماذا ؟!!
أرجو الإجابة بسرعة حتى لايؤثر ذلك سلباً على جهازي إن كان مضر .. مع العلم إني شفته من فترة ..
وطبعاً مسمى هذا الدب يختلف عن مسمى الدب الرصاصي اللي ذكر بأنه لا بد من حذفه .. فقد وجدته ذات مرة
وقمت بحذفه ومسماه jdbgmgr.exe ..
من خصائصه :
Setdebug
Size : 52.0 KB ( 53.248 bytes ) , 53.248 bytes used
Ms - Dosname: SETDEBUG.EXE
Created: ( unknown)
أنتظر ردودكم إخوتي ..
أختكم
* * *
ثاني سؤال أو مشكله .. وهي في نظري معقدة بعض الشئ .. الله يعينكم ..
أنا حملت عندي برنامج الحماية AntiVirVersion6 من فترة ..
ويوم حملته وبعد إنتهاء التحميل .. طبعاً هو يشيك على الملفات اللي موجودة بالجهاز .. وقتها طلعت لي شاشة
زرقاء وفيها خيارات طبعاً أنا مباشرة ضغطت حرف الـ n يعنيRename بالرغم من وجود خيار ( ديليت )
بس أنا على طول قلت اختار هالخيار أسلم لي لأني خفت يحذف شئ مهم .. ( قلت كذا بدون ما أفكر .. وبعدها
تندمت لأنه مستحيل يحذف برنامج مهم .. على ما اعتقد .. )..
على العموم مشى البرنامج عادي وعلى ما اعتقد نفس اليوم أو اليوم الثاني طلعت لي نفس الشاشة الزرقاء
وضغطت حرف الإن على ما اعتقد ومشى الوضع ..
ومر كم يووووووووووم .. وفي أحد الأيام جيت أشغل الجهاز وتفاجئت إن الجهاز بعد ما تجي صفحة سطح المكتب مباشرة على طول تفتح معي الصفحة الزرقاء .. أنا بصراحة تفاجئت .. على العموم ضغطت هالمرة حرف الإي من ديليت .. لحظه راح أقولكم وش طلع لي بالضبط بهالصفحة علشان تكونوا على بينه ..
طلعت لي شاشة زرقاء فيها مستطيل أخضر مكتوب عليه بالأصفر :
AVGuard - The virus guard for windows
ومستطيل ثاني أحمر مكتوب عليه بالأبيض :
The file ``C:\windows\WEB\FOLDER.HTT ``
Contains code of the virus ``VBS/Redlof.2``!
ومكتوب بالأبيض تحته على نفس الصفحة الزرقاء :
Whate shall be done with the file ?
وبعدين فيه كذا مربع أخضر ( اللي هي الخيارات ) مكتوب عليها بالأسود :
1: Delete 2: Rename 3: Move 4: Deny access 5: Allow access ( dangerous )
وبعدين مكتوب بالأصفر على نفس الصفحة الزرقاء :
Antivir for windows9x ,Copyright(c) 1999-2002 H+BEDV Datentechnik GmbH
اخترت أنا حرف الإي .. يعني ديليت ..
وطلعت لي مرة ثانية نفس الصفحة ولكن الخيارات تختلف وهي :
1: Delete 2: Rename 3: Move 4: Ignore
وضغطت مرة ثانية حرف الإي ( ديليت )
وجتني شاشة سوداء وضغطت إنتر .. وما فيه فايده ..بعدين ضغطت ..
كنترول + إلت + ديليت .. وطلع لي الشريط اللي تحت اللي فيه إبدأ ( ناسيه اسمه .. ) ..
وصفحة سودااااااااء والفارة ما تستجيب ( ما تتحرك ) ..
مرة ثانية ضغطت كنترول إلت ديليت
وطلعت لي شاشة زرقاء وفيها كتابه بالأبيض ..
ضغطت إنتر .. إنتر .. طلع لي
نافذة تخبرني بأن البرنامج Wscript … Not responding
وكما برنامج .. Explorer نفس الشئ ..
عدم استجابه .. مع إنه بالعادة تطلع لي عدم إستجابه بس مو هالكلمه ..
على العموم الفارة صارت تستجيب وتتحرك لكن ما قدرت أختار كل ما اضغط ..
ولا كأني ضغطت !! عارفه شغلتي شغله .. الله يعينكم ..
على العموم .. وش سويت وقتها .. ضغطت زر إعادة التشغيل من على الهارد دسك ( اللي هو الجهاز لو مو غلطانه )
وما نفع .. وحاولت بكنترول إلت ديليت .. وبرضه ما نفع .. وفي الأخير ضغطت على زر التشغييييييييييل
إلين إنطفأ الجهاز .. وبعدين رجعت وشغلته ..
طبعاً صار لي نفس الشئ .. وكل شوي أختار خيار غير وما يمشي معي .. بس هالمرة فيه إختلاف ..
طلع لي في الصفحة الزرقاء بالمستطيل الأحمر :
The file `` C\ PROGRAM FILES\ COMMON FILES \ MICROSOFT SHARED \
STATIONERY \ CHESS. HTM ``
ومرة طلع لي :
C:\ windows\system\KERNEL.DLL:
على العموم أنا لقيت طريقه للهروب من هالصفحة الزرقاء
وذلك بعد عدة محاولات وإعادة تشغيل للجهاز ..
وهي إنه أول ما تجي صفحة سطح المكتب مباشرة أضغط على جهاز الكمبيوتر ..
ولو تأخرت ثانية تطلع لي الصفحة الزرقاء .. علشان كذا أحاول إني على طول أضغط
على ايقونة جهاز الكمبيوتر .. حتى قبل لا تكتمل الصفحة أهم شئ أشغل الجهاز بأي شئ ..
وقتها ما تطلع لي الصفحة الزرقاء وأشتغل عادي ...
طيب هذي هي قصتي .. ومأسأتي ..
أنا عرفه أكيد إني ارتكبت مليون خطأ !!
بس بعذري ..
ما أعرف شئ .. وأقعد أحوس إلين يضبط معي .. والمشكله الكبرى إني يوم سويت فورمات للجهاز
طلع لي الويندوز باللغة الإنجليزية .. وأنا ما عندي خلفية مرررة ..
وهذا أكثر شئ مبهذلني ..
وبصراحة الود ودي أودي الجهاز للمهندس .. ويرجعه لي سليم معافا ..
لكن .. للأسف .. اللي عندي بمزاجهم .. ما ودهم يودونه لأنهم ما يستخدمونه ..
مع إنهم يحتاجونه أحياناً أو غالباً بس مو هم اللي يشتغلون عليه ..
وكل طلب أو أي شغل يجيهم إلين عندهم .. وفي وقته ..
هذا أهم شئ ..
قلقتكم بمشكلتي
وهذي وحدة من أصعب إحدى مشاكلي وفيه وحدة مرت علي مثلها ويمكن أصعب ..
بس عدت على خير .. وبالصدفة وعلى الطاير .. تعدلت ..
وعندي كذا شغله كمان ..
أنا أشوف إنها بسيطه .. ويمكن تكون مهمة ..
إن شاء الله أوافيكم فيها بين فترة وفترة ..
صحيح تذكرت أنا عندي برنامج دااايماً يعلق معي ..
أكون اشتغل عادي وفجأة الجهاز ما يستجيب لي
فاضغط كنترول إلت ديليت وتطلع لي صفحة زرقاء وكلام بالأبيض
فأضغط إنتر .. وتطلع لي نافذة فيها هالبرنامج .. Msgsrv32 عدم استجابه ..
وهالبرنامج موجود في الويندوز .. لما سوبت عنه بحث ..
وكل ما أجي أحذفه ما يسمح لي .. ويقول إن الويندوز يشتغل فيه .. يعني تقريباً زي كذا ..
وودي أسأل وش هالبرنامج بعد .. Rundll32 ؟
يعني ألحين أنا سألتكم في 4 محاور .. ياليت ألقى حل وأجوبه لكل سؤال
أو استفسار ..
دمتم إخووتي ..
وشاكرة لكم تعاونكم ..
وجزيتم خيراً ..
لا تحرمونا دعواتكم ..
أختكم
العرض العادي
