ســــــــــــــــؤال صغير .... كبير .... جدا... !! (منقوووووول)

الورور · 04-05-2005, 08:53 PM

سؤال طفولي ...
من طفل لا يزيد عمره عن السبع سنوات ....؟
جعلني لا أعرف كيف أرد ...
لأنني بصراحة لا أمتلك الرد
ولأنني أود ممن يملك الجواب أن يجيب ...
فقد حا حماري في الطلعة ......!!

ما دعى للسؤال ...؟؟

كنا نمر من جوار أحدى سيارات الشرطة بالرياض ، وكانت واقفة بجوار الرصيف ، ويجلس في مقعدها الأمامي سائقها العريف .... (المنجعص) ببدلته الرسمية .... وفي يده ورقة مخالفة .... كان يكتب فيها ....
وبجانب نافذته المطل على الشارع ....
يقف سائق أجنبي مرتعب ... وأمراءة سعودية عجوز .... بعبائتها التي تكاد توقعها من شدة الريح المنبعثة من السيارات المسرعة من حولها .... وهي تحاول عبثا ترجي العريف ليصفح عن السائق ....!

سؤال الصغير :
لماذا لا ينزل الشرطي ، ((((مثلما نرى في الأفلام)))) ، ويكلم السائق وهو في سيارته .....!!؟؟

حقيقة أنه سؤال كبير أكبر كثيرا من سائله ....؟
وهو بالنسبة لي ... أكبر وأكبر...

فهل قلت قيمة (الإنسان) المواطن والمقيم إلى هذه الدرجة ....؟
يستدعي العريف الهمام .... من يريد بالميكرفون .... ليقفوا بين يديه .... منكسرين صاغرين .....وهو منسدح على كرسيه الوثير .... يعانون من قلة القيمة .... وهو يتلذذ بذلك ...!!

أين المسئولين عن قوات الأمن ...؟!

أين ما دربوا عليه أفرادهم وضباطهم ...؟!
هل الأجانب في بلدانهم أكثر قيمة منا .....في بلدنا !؟
هل يعامل السائق ومن يركب معه على أنهم متهمون .... قبل التحقق من ذلك ...؟؟
لماذا لا يهز العسكري طوله .... وينزل لمخاطبة السائق .... دون تهزيئ ..؟
وهل يعكس ذلك صورة التخاطب بين الشرطة (خدم الشعب) والمواطنيين ...؟

أريتم ...؟
أنه سؤال صغير ....
ولكن الإجابة عليه تتفرع .... وتتشعب ... وتجرح القلب ... لتصبح أكبر من أن يجيب عليه أحد ....!
تلك ... وعين الله ..... هي عين المسألة .......!!

نبـض المشاعــر · 04-05-2005, 09:24 PM

مثل ماقلت أخوي

المفروض
أن العريف

ينزل ويكلم اللي يبغى

لكن الغرور اللــــــــه يكفينا شره
(( وطبعا مو الكل ))

مشكور يا ورور

ليـــــــان المملوحـــــه. . .

ماااجد · 05-05-2005, 02:01 AM

اخووي الووورووور بالفعل هذا حاصل عندنا

وللاسف في الدول المتقدمه العسكري ينزل من سيارته والمواطن ممنوع ان ينزل ونزوله يعني انه لم يرضخ للقوانين (قانون الغرب)

ونحن هنا يضنون الضباط بان من لبس البدله الرسميه اصبح ذو هيبه والسبب ان للبدله قيمته عند الوطن وان الزرار في البدله اي السجن سته اشهر على الاقل وانا لا اقل من البدله بالعكس احترام البدله واجب ولكن في نظري احترام اللي لا بس البدله لنفسه اولا وثم احترامه للبدله وللمواطن اوجب من ذلك .

طفل ولكنه كبير بعقله والله يكمله بعقله ويحفظه

يعطيك العااااااااااااافيه اخوووي الورور
تعجبني جبت موضوع واقعي ههههههههههههه
الى الافضل دائما اخوك الصغير ماااااجد

غبار العشق · 05-05-2005, 04:40 AM

اخووووي الورور ..... يعطيك الف عافيه على المووووضوع الرائع ..... حقيقه ....
اذا على وجهة نظر نديم اللي يستمتع بقرءاة مواضيعك ويحترمك ...
هي وجهة نظر متواضعه ... اتمنى انك تتقبلهااا وتأيدني فيهاا ...
انت ذكرت شي واقعي وشي يحصل في وطننا بصوره او بشكل يومي ..... لكن بضيف شي اخوي الورور على كلامك ....
هل الواقع هذا يعيشه جندي او عسكري المرور بصفه خااصه طبعاا لا جميع القطاااعات او الدوائر الحكوميه تعيشه .... اغلب الموظضين المدنيين يعيشونه ... لكن بما انك طرحت السؤال وخصيت فيه العسكري راح ابدي رائي فيه وانت قيسه على باقي الدوائر الحكوميه ......
اذا على العسكري الذي لم ينزل من سيارته .... قد يقووول البعض انه بسبب التدريبااات العسكريه لم يحثوه على هذا الفعل .... لكن انا اصنفه على اساس حياة العسكري قبل ان يمتهن هذه المهنه ... فأغلب الشباب السعودي رؤبي على اشياء معينه .... والنظريه التي عاااش عليهااا ... وهو مثل دارج وسأقوووله باللهجه العااميه ... واسمح لي بالشي هذااا .. ((( اللي يبيني يجيني انا ما اروح لاحد )))
اسف على هذا الرد لكن لم اجد غير هذا المثل لأستدل به ....
وعلى فكره انا اول مره ارد بالطريقه هذي من القهر والله ....
تقبل تحياااتي اخوي الورور ....
ويعطيك الف عاافيه ... ولا تواخذني على هذا الرد ....
اخوووك نديم الشعر ...

تووويكس مايع · 05-05-2005, 11:10 AM

مشكله واقعيه وتحدث يوميا اذا ماكان كل عشر دقايق...

للأسف اغلب اللي يشتغلون بالشرطه خصوصا ناس مو متعلمه .. بالاخص اللي رتبهم اقل من الضابط ..
وبرضو احمل المسؤليه للي دربوهم وادخلوهم قطاع الشرطه .. كيف مافكرو بهالنقطه ؟
خلنا من ناحية الاهانه والكرامه وهالكلام .. اصلا أأمن على العسكري انه ينزل بنفسه ويشوف ويروح للشخص اللي يبغاه .. كذا راح يكون متحكم بالموقف ويده بسلاحه والمشتبه به في سيارته ويدينه تكون مكشوفه للعسكري.. خصوصاً هالايام مع الارهاب .. اما لو انتظر بسيارته تخيل يطلع الممسوك مجرم او شي من هالقبيل ويرفع سلاحه ويطلق عليه ؟ تتوقع عنده وقت يقاوم ؟ راح يكون منسدح بالسياره وعلى المكيف ولا يدري وش السالفه .. هذا من ناحية الامان للشرطه ..

اما من ناحية الانسانيه وحفظ الكرامه للأسف يستمتعون لما يشوفو المواطن يترجاهم .. !!!!!!!! ... مدري لهدرجه وصل التفكير انهم يستانسون لما يشوفون احد يترجاهم وحالته حاله ؟ وليته على حق .. اغلبهم يوقف له اي شخص عشوائي ويطلع عليه مخالفه "غصب" !!!

صار لي موقفين بالخارج مع رجل امن ... عطاني مخالفه حسيت اني ماستحقها ... رحت للقاضي وكلمته وشرحت له اللي صار وهالكلام صار بحظور رجل الامن في المحكمه ودرس القاضي الموضوع .. قالي انت على حق والمخالفه راح امسحها لك .!!!!!!!! شفت كيف الفرق ؟؟ ناس ماتقول هذا عربي ولا هندي .. تقول هذا انسان جاي يشتكي هل شكواه صحيحه او لا ؟ صحيحه اوكي ياخذ حقه موب صحيحه والله اسفين مانقدر نساعدك وبس !! ...

الموقف الثاني مره انسرقت سيارتي .. المهم حصلوها الشرطه .. تخيل جاني الشرطي للبيت ودق الباب علي وقالي لقينا سيارتك تبيني اوصلك تاخذها ؟ قلت ايه ويفتح لي باب سيارته ويقولي " تفضل سيدي" ... لما تقرا هالكلام بتعرف ان اللي يصير عندنا "مصخره" .. اعتذر اللهجه العاميه ..

ولو بنقارن بينا وبين الغرب بالتعامل راح نكتشف حاجه رهيبه .. راح نكتشف ان معاملاتهم هي معاملة المسلمين وطريقتنا موب طريقة المسلمين ...

اعتقد الاسباب هي : التعليم والتثقيف , التخطيط والتدريب الضعيف للأقسام العسكريه بشكل عام ..

احبيت ابدي وجهة نظري وان خالفتكم فيها بشي مايمنع اننا بالاخير اخوان

حبيت اعلق على الاخوان اللي قالو ان بالغرب اللي ينزل من سيارته يعتبر خالف القانون .. المسأله اكبر من كذا .. لو ينزل من السياره على طول رجل الأمن راح يشهر سلاحه عليه لانه راح يكون في موضع شك ... << ناس تفكر صح

يعطيك العافيه على المناقشه بالموضوع .. :)

اعتذر على الاطاله بالرد..

سلام

الورور · 05-05-2005, 01:37 PM

يعطيكم مليون عافية انتو الاربعة على مروركم وتشريفكم للموضوع

مناقشة مرة حلوة

اديتو الموضوع حجمو واكبر

كدا اعضاء الود ولا بلاش

خلينا نشوفكم

يلا في امان الله

₪~Del Piero~₪ · 05-05-2005, 03:08 PM

هذا الواقع انت تنزل ورجلك فوق رقبك وانك تقول لا :(

بس عن الغرب وتحديدا امريكا لو تنزل من السياره واللي موقفك سياره مرور يطلقوون عليك النار تدري ليش..

لانهم يعدون النزول من السياره مقاااومه ..

تحياتي لك سلاام