|| ~ قصة سعودية رومانسية [ أسئلك باللي خلق قلبك اكرهني ] هنـآ وحصرياً ع الود .. |~

[ماجد العساف]

يتبع الفصل العاشــــ{ـــر



/




الصبح : ماهو طلعة الشمس للكون ..!
واليوم !!
ما هو يوم لو : "مر دونك" ..!!

تدري لو إن الامر بيدي .. وش يكون؟؟؟؟؟
تعلن صباح الناس .. طلة عيوونك


..

نوف في سابع نومه ..


نجود : تكفين لمو والله اشتهيت اروح السوبر ماركت ..

الماس : وع وش يوديني هناك ... ؟؟؟

نجود : على شاني تكفين ..

نايف : صبآح الخير صبايا

.... : صبآح النور ..

الماس : والله مالي خلق ..

نايف : ليه وش تبغين نجيد ؟؟

نجود بحيا : ولا شي ..

نايف : بالله لمو وش تبغى ؟

الماس وهي تاكل تفاحه : تبغى تروح السوبر ماركت

نايف : هههههههههههه بس ؟

نجود حست نفسها سخيفه

نايف : انا اروح وش تبغين اجيبلك .. ؟؟

نجود : لا ولا شي .. مشكور


نايف : ترا بزعل عليك وش كنتي تبغين ؟؟؟ اذا شي خاص
وكذا تعالي انتي ولمو معي

نجود ما تسوى عليها انحرجت مره: لا لا والله ما ابغى شي
هونت

نايف : على راحتك .. حبيت اخدم .. وانتي وراك كل ما
شفتك الصبح وانتي تاكلين تفاح ؟؟؟ خلصتيه


الماس وهي لابسه بيجامتها : والله هذا سر رشاقتي ..
فطوري تفاحه حمرا

نايف : كمان ؟؟؟ مو خضرا ؟؟ .. اقول بنات ما تعرفو ناصر
وينه ؟؟

نجود :لا


الماس كانت بتقول نوف حاكته بس مسكت نفسها بآخر

لحظه : لا ليه ؟؟؟


/





الماس كانت راح تقول (نوف حاكته) بس مسكت نفسها بآخر لحظه : لا ليه ؟؟؟

نايف : غريب هالولد .. كل ما اتصل فيه القاه مغلق .. يتصل فيني بس ما يبغاني اتصل فيه

الماس بصدمه : ليه انت تحاكيه ؟

نايف : وليه ما احاكيه وش فيه ؟؟؟

نجود : لا بس جدي ؟؟ وكذا ؟؟

نايف وهو يدخل الاصنصير : لا ما عليكم اصلا جدي ماهو قادر يقاوم
غياب ناصر بس للحين صامد .. بعدين ناصر لو ما يحاكيني اعلقه من
رقبته .. اطلعه من مزرعته اللي هو فيه واعلقه ..

الماس : ههه فديت اخوي ارهابي صغير ..

نايف : اعجبك ههههه

نجود اكتفت بالابتسامه .. ما تدري وش ينتظرها ؟؟ ما تدري دانه راح
تعمل اللي فبالها والا بس كلام ؟؟؟؟

تحس راسها يوجعها من التفكير ،، وابوها كل ساعه يتصل وتقنعه تجلس شوي ..




/


الجوهره وكأن أحد معطيها كف على وجهها

ساره من الصدمه ودها الارض تنشق وتبلعها وما تكون موجوده في الكون ..



من جدهم ؟؟؟ فيه احد بين يوم وليله يخرج من بيته ؟؟؟ ليه ؟؟؟ يعني هذا البيت مو لنا ؟؟ مو ملك ؟؟

حسو بقيمة بيتهم اللي ما كان عاجبهم لما فكرو لحظه وحده بأشكالهم وهم في الخارج .. يدورو على مكان ينامو فيه !!



تركي : بنات رجاءا اللي عندها كلمه طيبه ترفع من نفسية ابوها وتشيل هم امها تقولها ،، غيره انا اقول تسكت ازين ..



الى الان البنات فحالة صدمه !! ساكتين


ابو تركي : والله يا ناس ما توقعت ينزلوني تقاعد مبكر .. انا بعد منذهل ..
قلت الهم انقلوني للجمارك ولو فراش بس ما وافقو ..


ام تركي وكأن شريط حياتها يمشي قبالها (سبحان الله اللي كان صاحب

شركة واستثمار وعقار والحين يدور وظيفه عشان يضمن لاهله بيت .. !!

هذا الواحد اذا ما كان له عزوه تتسكر كل الابواب فوجهه واذا التفت يدور

على احد حتى القريب يبعد عنه ويعمل حاله ما انتبه له .. !! )



|[ ياقلبي ]| لا تشره إذا الناس عافوك
لاتشتكي وتقول محد بغاني ,

وش ترتجي منهم إذا هم تناسوك
وش ترتجي من كل قلب أناني ’

أغتالوا آمالك وبالحيل ذلوك
وتصرخ تبي مافات يرجع ثواني!!





.
.
.

الجوهره والصدمه مازالت : ط طيب وين نروح ؟؟؟

ساره تكمل حكي اختها : رمضاان ماباقي عليه الا كم يوم ويروح !!


الجوهره ودموعها تنزل : انتو من جدكم ؟؟؟ حتى هالبيت بيروح من يدنا ؟؟؟


تركي : اذكرو الله كل مشكله ولها حل .. انا لقيت شقه زينه تضفنا كم يوم .. ليما ...

الجوهره باستهزاء: ليما يخلص قصرنا اللي جالسين نبنيه ..


تركي رافع حاجبه : افا .. انتي تقولي هالحكي .. ماهقيتها منك والله ..
يالجوهره كل انسان يمر بضيقة مافيها شي اذا الايام تعكرت فتره قصيره
ورجع لك صفوها باقي العمر .. توكلي على ربك ويحلها ان شاءالله


الجوهره بكت بقوه : ونعم بالله ،، سامحني ياخوي والله مادري وش اقول انا
نفسي ماني عارفه وش اقول
(طلعت لغرفتها )


ساره : انا معاشي صحيح انه قليل بس ان شاءالله يساعد ..

وبهاللحظه صار الشي الغير متوقع .. نزلت دمعه ابو تركي !!! مبارك اللي
فأيأمه اللي فاتت لما يقال اسمه يحسو له هيبه زي صاحبه .. مبارك اللي
ماعمر احد شاف له دمعه ولو بالغلط ..مبارك الرجل القوي اللي ما يهاب
المغامر والتاجر الشاطر .. نزلت دمعته ..



دمعة حسره و ألم على حاله وحال اهله قبله ،، دموع كثيره ذرفها قلبه من
اول ما عرف بهالخبر لكن الحين ما قدر يتحمل .. حس في قلبه قهر بس ما
يدري ليه مقهور ومن ايش .. يحس بالضعف والاهانه مع ان محد يقدر
يهينه وولده تركي موجود


وبهاللحظه ام تركي بكت معه ،،

وساره عملت حالها ما شافته وطلعت
لغرفتها وجلست تصيح لدرجة ان الجوهره نزلت تتأكد ان محد من اهلها مرض او تعب ..




اما تركي صحيح انه انصدم لكنه كان متوقعها وكان ما يتمنى انه يشوف
دمعة ابوه راسه يشم الهوا

تركي قرب من ابوه وجلس عند رجوله وما حط عينه بعينه : تأكد يا بو
تركي ان مهما الدنيا حاولت تذلنا والا تخلينا نتنازل عن عزة نفسنا والله ما
راح تقدر .. انت لحالك تسد وتنوب عني وعن خواتي وامي ..

والله لولا وجودك ما شفتنا عايشين كذا ،، الحمد لله على كل شي والحمد لله
انك موجود بينا .. لا تحرمنا من ضحكتك .. اللي والله من اشوفها ابتسم
معك لو اني مهموم ..

والله ما ينتهي رمضان الا وحنا مسلمين مفاتيح البيت ،، اذكر ربك بس ..


ابو تركي يناظر فوق ما يبغى دموعه تسترسل وتنزل من كلام ولده : لاااااااا اله الا الله



لاتقول حظي من عنا الوقت قد مــات ** قل مات حظ اللي عناه استحله

ولاضاقت الدنيا وعلي الكيف ماجات ** اطلق حجاجك ثم توكل على الله



/

[ماجد العساف]

/

/




في قصر راشد :

خالد يلبس ثوبه وشماغه ونوره تلبس عبايتها وشيلتها .. بيروحون يتطمنون على ابو خالد ..

الدكتور قال لهم تعالو العصر بس ماهم قادرين يتحملون ..

خالد طالع من جناحه ونازل بالاصنصير مع نوره


نوره : لحظه خالد بحاكي البنات

خالد ينتظرها عند باب غرفة نوف ماله نفس يناظر فـ نوف ..

نوره : صبآح الخيـر


البنات : صبآح النور

نوف بفراشها ما قامت

وحولها نجود ولمو



نوره : لمو تكفين انتبهي لفيصل وريتاج ..

الماس بنذالتها البريئه : ليه ؟؟ وين رايحه ؟؟ ووين الخادمه

نوره : لا ما اقصد الخادمه عندهم بس انا ابغاك بس تطلي عليهم اخاف يستاحشو

الماس : ما هم خايفين بالعكس ان شافوني راح يخافو

نوف : ما عليك نوره روحي ولا يهمك انا بين كل ساعه وساعه اروح اشوفهم ..

نوره : يا بعد عمري نوفه تسلميلي والله


:
:


الماس : والله .. هي تروح وتطلع وحنا نجلس عند البزارين هذا اللي
ناقص اللي انا لمو اجلس عند فيصل البطه والا ريتاج الدلوعه



نوف : ياويلك من الله انتي وش عرفك يمكن رايحه للمشفى والا عند امها
المريضه ،، بعدين هذيلا عيال اخوك يا نكااااره

الماس : يووووووو عاد ليتك ساكته .. السبب الثاني انهم عيال خالد
ووووووووع (الماس بمبالغه)احس مافيهم براءه زي ابوهم

نجود : اللي يسمعك يقول بتجلسين حاضنه لهم كلها دقيقه تطلي عليهم وبس ..


الماس : فيك الخير انتي ..

نوف : نجيد اتركيها تجيها نوبات نذاله بين فتره وفتره .. اتركيها .. انا ابغاك بموضوع ..


نجود : وشو ؟

نوف : لمو حياتي وش رايك تطلعين شوي روحي ارقصي بغرفتك


الماس ببرود : ليه شقالولك مجنونه ؟؟ ماني بصاحيه ؟؟؟ يالله صباح خير اتخيل شكلي ارقص هالحزه لا وفي رمضان ؟؟


نوف : يووو نسيت انتي وصلاتك دايم مسائي .. طيب ممكن تهوينا شوي .. ؟


الماس : قولي كذا من الاول ابشرررررررررري .. وهذي قعده (تربعت على السرير)


نجود: يا لعنها .. البنت تبغاني بسالفه خاصه وش لك تدخلين عصك بشي ما

يخصك ها ؟؟؟ بدينا بالغيره


الماس : ترا قدامك تعمل حالها يعني عندي اسرار .. تضحك عليك كل اسرارك عندي .. اصلا نوف ما تكتم شي فقلبها ..

نجود تناظر بنوف مصدومه وكنها تنتظر اجابتها ؟؟؟


نوف ناظرت بنجود : بلا غباء انتي الثانيه ،، حمار اللي يقول حاجه لـ لمووو هذي كونااااا وكالة استعلام ..




الماس عصبت : ولا كلمه انتي


نوف راحت للتسريحه مسكت شعرها وطلعت تاخذ دوش : نجيد لا طلعت علمتك (غمزت لها)


نجود : ههههههههه السالفه فيها غمزه .؟؟؟ عرفتها عرفتها


الماس : مالت عليكم وعلى اللي يجلس معكم .. اروح عند نايف وامي احسن


/




ام خالد : يا نايف كلمه .. تراي ما نمت من امس .. مهي معقوله

نايف يناظر بخالد ويهمس باذنه : يابن الحلال والله ما راح تصبر امك علمها احسن

خالد : لا .. اول ما يقوم ابوي بالسلامه بعلمهم كلهم .. انتظر شوي


ام خالد : وش فيكم ؟؟؟؟ بعدين وين رايح انت ونوره ماهي من عوايدكم ؟؟


خالد : يمه تكفين كم مره اقولك بوديها المشفى تعبانه ..

نوره : ماحنا مطولين يا خاله شوي وراجعين ان شاءالله

ام خالد غسلت يدها : الله يشفيك .. لا جيتي الدكتور طمنيني ..

نوره تبتسم : ابشري ..

نايف : ايه خالد .. بينا تلفون ها ؟؟

خالد : يصير خير .. فمآن الله ..

/

[ماجد العساف]

/



فـ قصر سلمان نسيب سامي السامي ..

ساره ام سالم : انتو مادري كيف قلوبكم يالرجال ما عندكم احساس بالمره

فارس : افا يالغاليه .. بالعكس والله .. ماتعرفين كيف ناصر عامل فراغ
بالبيت .. يمه ناصر بالروحه وبالجيه قدام عيوني .. حتى لا دخل غرفته
اشوفه قدامي .. غير سهراتنا مع بعض .. بس وش تبغيني اسوي ألطم ؟؟؟
والا اشقق ملابسي ؟؟؟



سالم : صادق يمه ،، ومهما كان ناصر رجال وماينخاف عليه ..


ساره : آآه مارتحت الا لما حاكيته وتطمنت عليه


فارس بصدمه : حاكيتيه ؟؟؟؟ وين ؟؟؟ ليه ما اتصل فيني ؟؟؟

سالم عدل جلسته : اتصل من وين وعلى مين ؟

ساره بفرح : حاكيته بجوال نوف اتصل فيها وطلبني


سالم بابتسامه سخريه : ههه ايييييييييييييه جوال نوف .. آهآ ..


فارس يرن جواله : الو .. هلا نادر .. يلا طالع .. سلآم ..


فارس : فمان الله يا جماعه

ام سالم : ربي يحفظك من كل شر مع السلامه ..






/



نوف جالسه في الصاله الي تحت هي ونجود .. بهالوقت الكل نايم وحبو
يجلسو فهالمكان ..

لمو مع حمودي في الملحق ..

ونايف راقد هالحزه ..

وخالد ونوره للحين ما رجعو ..

وام خالد بالدور الثالث بغرفتها ..



/


نوف : رااااما

راما : يس مدام

نوف : فطور قرب يخلص ؟؟؟

راما : شوي مدام ..

نوف : اوكي ،، بس اليوم لازم ياخذ فطور ويروح بيت بابا سامي طيب ؟؟

راما : اوكي مدام



/


نجود : نوفه كيف يركب لاب توبك ذا ؟؟؟

نوف : وش يعرفني انا .. اشتريته وما استعملته .. ما احبه

نجود : ما تحبيه والا ما تعرفيله

نوف : لا والله ؟؟ اي حمار يتعبث فيه كم ساعه يصير خبير فيه .. لا والله بس النت والكمبيوتر ما احبهم

نجود : ولا هم

نوف : شرب ..

نجود : شغلت النت واخيرا ..

نوف : مو قلتلك ؟؟؟ هذا انتي صايره خبيره فيه

نجود وهي تحذف الكوشيه بقوه على نوف : وجع ان شاءالله .. يعني انا حمار ؟؟؟


نوف : هههههههههههههه خليني اخلص من حاجتي .. واعلمك

نجود : يمه اهم شي مصلحتك ..

نوف : يلا عطيني ناصر احاكيه


نجود وكأنها تقول انا الخبله اللي علمتك : نوف حبيبتي ناصر مو بلازم

يعرف انك نوفه .. انا ما جبت لك الايميل عشان تقرقرين معه وتطقين

حنك ,, انا جبته لانك كنتي حابه تختبرينه .. بالله عليك ما تجيبي فينا العيد


نوف : افا عليك ولا يهمك .. انتي بس سلميني اياه .. وروحي

نجود : نعم نعم ؟؟ اروح ؟؟ والله لاجلس انتي ما تنتركين لوحدك .. اذا
خربتيها تخربيها مره وحده


نوف : لاااااا ابغى احاكيه بخصوصيه

نجود : ههههههههه ليه وش بتقوليله ؟؟؟

نوف : والله ولا شي ,, بس ما عرف عندك


نجود متأكده انه مو شابك 100 بـ % : طيب خلاص وعد اذا لقيتيه متصل
راح اتركك


نوف : كيف يتصل فينا ؟؟

نجود : بلا هبل نويف

نوف تغير الموضوع : طيب لا تقولي نويف


نجود : اففففففففف دلعك يجي بأوقات غلط .. عطيني اضبطك بعدين اعطيك
فرصه

نوف : يلا


نجود ضافت الايميل

n........@hotmail.com


انتظري عاد ليما يقبلك .. يمكن بكره يمكن اللي بعده يمكن بعد سنه يمكن

يكون محترم زياده عن اللزوم وما يقبلك لانه واضح ايميلي ايميل بنت



نوف : انتي بنت !!


نجود : اذا ما عندك مانع

نوف : مممممممم لا يمشي حالك .. كسرتي خاطري


نجود : :| نوفه ؟؟؟؟؟ ناصر متصل !!


نوف وقفت على رجولها وحطت يدها على وجهها : ابعديه ما نبيه خلص خلص وربي خفت .. احذفيه والله اني مرعووووبه



نجود : يالخبله ماهو عارف انك نوف .. حاكيه عادي والا خليني احاكيه


نوف : انا لا .. راح يعرفني من اول كلمه


نجود : اجل علامك من الصبح انا وانا طلع الصدق ..

نوف : بسرعه قبل لا يروح

نجود : المغرور ما سلم علينا ؟

نوف : سلمي عليه انتي ،، وجع هذا عمك وتاج راسك هههههههههه

نجود : تخسين انتي وياه

نوف : ههههههههههه

نجود : مرحبآ ~

نآصر : هلا ،، من معي ؟؟

نجود : معك غاليه ~

نآصر : انا ما سألتك عن اسمك ،، قلت من معي ؟؟ حضرتك من وين جبتي الايميل ؟؟؟؟


نوف هنا ماتت من الضحك : ههههههههههههههههههههههههههه



نجود : وش فيك ياخوي كذا عصبي هدي اعصابك ترا الدنيا ما تسوى ~

نآصر : مهو هذا موضوعنا .. ماجاوبتي على سؤالي !!

نجود : واحد عطاني ايميلك .. ومدحك لي !! ~

نآصر : ليه جايه تخطبين انتي ؟؟؟ من هذا قليل الادب اللي يوزع الايميلات


نوف : هههههههه قوليله اخوك فارس هههههههههه


نجود : اسكتي انتي هذا من اليوم يشخط فيني ..


ناصر : اخلصي يااختي ماعندي وقت ،، من هذا ؟؟؟

نجود : اقولك عشان تخرب العلاقه معاه ؟؟؟ لا إلا هالحركات ماحبها

ناصر : ماشاءالله عليك مصلح اجتماعي .. الله يجزاك خير ما قصرتي
صراحه


نجود : نويف الله يقلعه بس ينقدني على نفسي هههههههههه

نوف : هههههههه والله فله هالنت ،، تكفين عطيني احاكيه


نجود طلعت فوق تجيب غرض : امسكي



ناصر : الوووووووووووووووو

نوف : هآي

ناصر :ما انتي صاحيه ؟؟ وراك تسلمي مرتين ؟؟

نوف : لا انا اختها وحابه اشارك


ناصر : هههههههههههههه الله يقطع عدوك ضحكتيني وانا ضايق
جايه برنامج انتي ؟؟؟


نوف : ههه دوم ان شاءالله مو يوم .. وراك ضايق ؟؟ فلها وربك يحلها


ناصر : ونعم بالله .. لا بس ضايق كذا خلقه ..

نوف : الله يعينك وييسر امرك و يحل مشكلتك قول آمين


ناصر : الله يجزاك خير ويستر عليك .. وش اسمك انتي ؟؟

نوف كانت راح تكتب انا نويف بس الحمد لله انها بطيئه بالكتابه..


نوف : وش له تعرف اسمي ؟؟ ما انت مستفيد شي

ناصر : على راحتك .. بس قلت اكيد ان بخاطرك تقولي اسمك زي اختك الهبله فقلت اختصر عليك الطريق

نوف : طيب انت كيفك ؟؟ بالله عليك وش اخبارك ؟؟؟

ناصر : كيف ؟

نوف : كيفك ؟؟؟ وش قلت ؟؟

ناصر ما عرف وش هالاحساس ؟؟ : ولا شي .. انا لازم اطلع الحين
واعذريني يا اختي لازم احذفك من الايميل لاني ما اعرفك .. العذر
والسموحه ..


نوف ودها تطير من الفرحه : الله يكملك بعقلك احسن لك لا تبقي ولا بنت عندك طيب ؟؟؟ ترا البنات دمار ،، تكفـ







نجود سحبت اللاب من نوف خافت انها تسترسل بالكلام وتقص

عليه قصة حياتها .. عاد لقت ناصر والله ما تتركه



نوف : تكفين نجيد والله نتفه للحين موجود ماراح تكفين

نجود جلست تقرا و حطت يديها على راسها : العن خيرك نويف رحت دقيقه وجيت طلعتي كاتبه كل ذا متى امداك ؟؟؟
ياويلي منك اللي يقرى حكيك يقول شحاذين انتي وياه



نوف : هههههههههههههههه وش اسوي هو يدعيلي وانا ادعيله ههههههههه


نجود : اي والله هههههههه ،،

نوف : ياويلنا تأخرنا .. يالله يمدينا نجهز لبيت جدوووو امشي

نجود : وهي طالعه بالسلم تركض مع نوفه : يا حلووووك يا نويصر

نوف وقفت : تعالي تعالي .. اسمعيني كويس ايميله هذا تنسيه طيب ؟؟ والله ان حاكيتيه لاقطع رقبتك

نجود بفمها ضحكه بس ماسكتها : طلعت روحك اجراميه نوفه وين الرقه والنعومه ..؟؟

نوف : هههههه لا حبيبتي هذا ناصر ..

نجود : وش ابي فيه انا

نوف تغمز لها : صادقه والله وش تبين فيه هههههه



/

[ماجد العساف]

/




في المزرعه ..


ناصر : آه يا عزوز حاكتني وحده قبل شوي والله قمت اتخيلها نوفه ..


عزوز : يمكنها نوف ؟؟؟

ناصر رفع حاجبه : لا يا قلبي نويف ما تعرف للنت اولا ثانيا محد من اهلي يستخدمو النت بهالطريقه


عزوز : وراك عصبت انا قلت يمكن

ناصر : حتى يمكن لا تقولها ياخوي


عزوز فقلبه (عامل حالك عاشق وولهان ومتيم ،، انت يا ناصر كفو تاخذ
وحده زي القمر ،، ابك انا ناظرتها مره وعجزت انسى وجها ،، ما الومك
،، لكن لو تحب السما ماهي من نصيبك ،، وعامل حالك طيب اقول قم بس
قم )


ناصر : يلا مشينا خلنا نطلع .. اليوم الفطور في الهواء الطلق

عزوز : تسلم ايادي ديلار والله ..






/




فبيت الجد سامي ,, الكل مجتمع على السفره والكل يسئل وين ابو خالد ؟؟



خالد دخل مع ابوه لبيت جده وهو ماسكه بإيده

خالد & ابو خالد : السلام عليكم

سامي وقف : ايش فيه ؟؟

نايف : ارتاحو ويجيكم العلم ..


ام خالد بصوت عالي : معلمتكم ان فيه شي .. الله يسامحكم ..


ام دانه : اذكرو الله يا جماعه وارتاحو

سلمى : وش السالفه ..

سامي : ماهو وقت كلام ارتاح يا ابو خالد على الطاوله .. وكلكم اجلسو
الحين ويحكون لنا العيال الموضوع ارتاحو


ما ثنى كلمته سامي .. الكل جلس ..



وكالعاده نوف راحت وجلست بمكان ناصر زي كل يوم يجو فيه لبيت
جدهم ..


خالد بهمس وغصبيه واضحه بعينيه : انتي علامك ؟؟؟ تبغين تفضحينا ؟؟؟ وش يجلسك بمكان الرجال


فارس يسمع خالد وش يقول لنوف وساكت


نوف : خالد تكفى لا تبتدي .. الاماكن ماهي باسم احد .. ناظر نجود جالسه
بمكاني تبغاني اقومها يعني (اتفقت مع نجود لانها عارفه ان خالد ما حـ
يسكت)


خالد : على العموم يصير خيـر افطري افطري ..



سامي : تكلم يا خالد و السالفه ؟؟

خالد يتنحنح : والله يا جدي ابوي من يوم طلعت طال عمرك وهو طايح علينا الله يعطيه الصحه والعافية ..

والاجتماع قلت اكمله بكره بس ما اكفاني الوقت ان شاءالله بكره استدعيهم واكمله


سامي : انا سئلتك عن ابوك ماهو عن الاجتماع

خالد : جايك بالكلام ..



سامي : ايه

خالد : حطوه تحت العنايه المشدده 24 ساعه والحمد لله عدت على خير ..


سامي : وش قالو فيه ؟؟

خالد يناظر بالكل .. وطاحت عينه بعين نوف والماس .. : ق قالو جايته جلطة خفيفه وعدت الحمد لله



نوف كانت تتوقع ابوها تعبان دوخه زي دايم .. اول ما دخل باسته على راسه وتحمدت له بالسلامه

نوف وسعت عينها وبلعت ريقها بصعوبه وقفت بسرعه وطلعت من الصاله


الماس ما قدرت توقف جلست تبكي .. وتمسح دموعها بسرعه ما تبغى احد يشوفها زي كذا

نجود جلست تهديها اول مره تناظر بألماس تبكي ..


حمودي يناظر بلمو بجنبه وهي تبكي


ابو خالد : حبيبتي لمو لا تخوفي حمودي انا مافيني شي هذا انا قدامك
بصحتي وعافيتي


قامو الحريم من السفره بعد ما قامت ام خالد حزنانه ..


وبقو الرجال ..


سالم : ما تشوف شر ان شاءالله

سامي : ازمه وتعدي ..

ابو دانه : لزوم ترتاح يا بو خالد كم شهر .. صحتك اهم والله ياخوي

ابو خالد : الله يسلمكم جميع .. بس مثل ما قال خالد خفيفه .. وانا ما اقدر
اجلس في البيت زي النسوان .. اللي باقيلي من صحتي أبحطه في الشركه


خالد : انا من رايي تاخذ اجازه نقاهه وترجع لشركتك .. والا وش رايك يا جدي


سامي : رايي من راي خالد .. انا ماني مستغني عنك الشركه بستين
داهيه .. عيالك يبغونك يا رجال


ابو خالد : اللي تشوفه يا طويل العمر


/






الريم تمشي فـ برمودتها الواسعه والقميص الكاروهات .. : اقول فوفا روحي لـ لمو جالسه تبكي هناك

الهنوف : روحي لها انتي انا ماعرف ..

الريم : وانا قايلتلك حمميها ؟؟ روحي بس حاكيها

الهنوف : مالت عليك وعلى الفاظك .. هذا انا قايمه ..



/

الهنوف : لمو حياتي .. ترا الشنطه .. اقصد الجلطه شي عادي تجي كل الناس


الماس رفعت راسها ناظرتها ونزلت راسها مره ثانيه

الهنوف : لمو انتي تعرفي انا ما اعرف احكي بهالاوقات بليز خلص عاد

الماس : الهنوف انا راح اعد للثلاثه ان ما طلعتي حذفتك بأقرب شي عندي .. والا تعرفي كيف ؟؟ اطلعي بدون ما اعد ،، براااااااا


الهنوف هربت .. وراحت للريم


الهنوف : الله ياخذك قايلتلك ما اعرف اول ما حكيت رميت بدليه هالكبر ..
والله اني هبله


الريم : انا غلطانه جايه اطلب منك اصلا ..





/




نوف قافله باب وحده من الغرف فبيت جدها وتبكي بقووووه .. اللي خايفه منه صار

نوف قويه مره والكل يعرف .. رغم دلعها وشكلها الانثوي مره الكل يعرف
انها بالمواقف رجال لكن اي شيء

يخص ابوها ما تقدر تقاوم ولا تتحمل .. الكل يعرف عمق العلاقه بينها وبين

ابوها .. والكل يعرف انها تعشقه عشق ماهو طبيعي اكثر من امها واكثر من
اخوانها واخواتها ..

ابوها لما بس يعطس نوف تحط يدها على قلبها ..

وصار اللي كانت خايف منه .. صار فجأه .. ومن دون علمها ..




نجود جالسه بالصاله المقابله الغرفه وتسمع صياح نوف .. تبكي بحرقه و

ألم اول مره ابوها يتعب هالتعب ..

نايف : السلام عليكم

نجود : وعليكم السلام

نايف: نوف داخل ؟

نجود : ايوه

نايف يتعبث بالجوال : لا حول ولاقوة الا بالله ، طيب ليه تبكي زي كذا ..

نجود : اذا بكت ترتاح ..

نايف : نجيد خليك معها اليوم اذا ماانتي مشغوله

نجود : اكيد ماحـ تركها ان شاءالله ..

نايف : هذا من طيبك .. لازم اطلع للمكتب الحين سلام ..

نجود : فمآن الله

[ماجد العساف]

/





مرت 3 ساعات من الاجواء المكهربه .. ورجعت الحياه طبيعيه لقصر
سامي السامي لكن نوف والماس متضايقين بالمره


في الصاله الكل متواجد ما عدا خالد ونوره وابو خالد وام خالد طلعو يوصلوه لقصره حتى يرتاح


نوف طلعت من الغرفه لقت نجود نايمه على الصوفا

نوف : والله هالبنت تضحكني وانا مالي نفس اضحك .. نجيد نجيد

نجود : ها

نوف : وين ماما وبابا ؟؟؟

نجود : يعني بمخباتي ؟؟ وانا شدراني عنهم

نوف : وجع احكي عدل ..

نجود وكنها صحت : العن يومك نوفه ما خستي في الغرفه

نوف : ناظري بعيوني تضحك ؟؟ الميك اب ساح صح ؟؟ باين علي باكيه ؟؟

نجود : لا بس يبغاله تضبيط شوي ،، اغسلي وجهك وتروح الاثار ..


نوف : يلا انتظريني


/



نوف ونجود والماس لبسو عباياتهم ونزلو تحت ..

نوف باين عليها البكي ..


نايف : امي وابوي في البيت .. مشينا يا بنات ؟؟

نوف : يلا ..


نجود قربت لأبوها : بابا انا رايحه مع نويف تعبانه شوي

الهنوف & العنود : وحناااااا كمان

ابو دانه : لا انتن مافيه روحه .. الرجال تعبان تبغون تمرضونه اكثر ؟؟؟
نجود روحي ولا تتأخري بس اليوم ,, ترا بكره عندنا الفطور


سالم قرب لنوف والناس ماهي بيمهم .. : اقول نويف ترا اعرف ان ناصر
يحاكيك عالجوال ويطمنك عن حاله و و و و و

نوف رفعت حاجبها : وانت شدخلك ؟؟ انت ليه حاشر انفك بالموضوع ..

سالم : لا بس اذا درا جدي را

نوف بصوت عالي شوي : بالطقاق ما يهمني احد ..

سالم خاف ما كان يبغى اصلا يعلم احد مهما كان ناصر اخوه بس حب يستفز نوف : وطي صوتك يا بنت ..


نوف : سالم ترا اللي فيني مكفيني .. الحين روح لجدي وقوله نوف حاكت ناصر .. روح له والا بروح انا واعلمه


سالم : والله ما اقصد يا بنت الحلال ماني نذل لهالدرجه .. بس امزح معك ..

نوف تحط الغطا على وجهها وتطلع لبرا : من انت حتى تمزح معي ؟؟؟




/




/






آخر يوم رمضآن رآح يعدي بكره .. بعد ما تأكدو ان رمضان كامل هالسنه ..

الفجر :


نجود في غرفة نايف مع نوف والماس


نجود : بنات ترا طلعاتنا وتمشيتنا خفت مره .. اول نطلع كل 3 ايام ..

هالحين يمر اسبوعين ونفكر نطلع لا وكل وحده لوحدها ..


نوف تقرا مجله شعريه لقتها بغرفته: اصلا ما تقضينا للعيد ..


نجود : احكي عن حالك انا وخواتي خالصين من زمان ..

الماس : العن يومك ولا تعلمين ؟؟؟


نوف : اصلا مالي نفس هالعيد أعيد مع الخلق استغفر الله .. حتى رمضان مو زي اول

نجود تستفز نوف : اي صح يا لمو رمضان هذا والعيد مادري وش فيهم تحسي ناصر راح واخذهم معه

نوف : لا جد اكلمك .. بلا مزحك الثقيل .. انا مالي نفس اعيد بعد بكره


نجود : ان شاءالله انك بتعيدي زي الاوادم .. وبتنبسطي .. وراح نعمل المقلب حق كل سنه ..



الماس قفزت من مكانها : صصصصصصصصصصصصصصح السنه هذي دور نايف هههههههه


نجود : ههههههه بس من يحاكيه ؟؟

الماس : تحاكيه تبوله من جوال صديقتها ..

نجود : فكره والله .. طيب حنا وش نسوي هنا .. خلونا نطلع فشله

الماس : تعالو غرفتي عازمتكم على احلى سهره بس من دون اغاني للاسف : (








/

[ماجد العساف]

/

...... : يآ صبآح الورد والفل والكادي ..


دانه انبسطت انها سمعت صوته .. : عبودي حنا اتفقنا ما نحاكي بعض في رمضان

عبدالله : ما قدر اصبر يا عمري

دانه : صبرت 29 يوم عجزت تصبر يوم ؟؟؟

عبدالله : الحب وما يسوي .. ! بعدين حنا علاقتنا بريئه مره ..


دانه بخجل : المهم كيفك ؟؟ لك وحشه ..

عبدالله : انتي اللي لك وحشه .. الله يسامحك انا قلت ماراح تصبري عني
وانتي اللي بتتصلي بس ظني ماكان بمحله : (

دانه : وش اسوي كنا على اتفاقنا ..

عبدالله : اعملي حسابك ترا ابغى اشوفك بالعيد .. ابيه يكون عيدين لي ..

دانه شهقت : من جدك انت ؟؟ ما اقدر اول يوم فبيت جدي .. والعصر نطلع

نتمشى .. وفي الليل يجتمعو البنات فبيت عمي ابو خالد ،،


عبدالله .. : اففففففف كيف يعني ؟؟ وانا ويني بجدولك ان شاءالله ؟؟؟


دانه : انت فـ قلبي ..

عبدالله (مالت عليك وعلى قلبك اللي حب واحد زيي وربي انك حماره) :
فديت قلبك يا قلبي .. خلاص ثاني يوم وامري لله .. الله يصبرني بس

/






/




...... : خلاص خلها بكره يابن الحلال ...



تركي : يرفع السجاد .. انا وعدتك يبه .. ما حنا منتظرين العيد عشان نسلمه ..


ابو تركي : شورك وهداية الله ..


تركي : يلا يا شباب الساعه 3 يلا عشان تتسحرو طلعو الاغراض بالسياره ..


الجوهره فتحت جوالها وجلست تصور كل مكان في البيت .. اما ساره
ماسكه فشنطتها وجالسه على السلم .. ماهي قادره تودع بيتها بين يوم وليله .. ولا هي قادره بنفس الوقت تستوعب اللي قاعد يصير



اما تركي فهو انصدم في البدايه لكن خلاص مافيه وقت عشان يلوم او يشكي
او او او ... اللي يقدر عليه راح يعمله ..



اما منيره تذكرت حالها لما ودعت قصرها هي وابو تركي .. من اكثر من 30 سنه وكنه أمس ..


تركي : يلااااااااا يا حريم اركبو السياااره ..


تركي : حياك يبه انا اقفل الباب واسلمه ..

[ماجد العساف]

/

||~ وأح ـــبكـ كثــــــ {ــــر مــآ قآلــــو فــ هالحـــزه " صبآآآح الخيـــرررر (F)" ~ ||



الساعه 10 الصبآح الكل نايم فبيت ابو خالد ما عدا حمودي جالس يلعب ..

ناصر في المزرعه يحاول يتصل بنوف .. !
ناصر ( علامها ما ترد؟ ؟؟؟؟ 4 مكالمات للحين !! اتصل فـ تبوله احسن تطمني ..)
نوف جالسه وحاطه قدامها الجوال وتناظر ناصر وهو يتصل ويفصل يتصل ويفصل .. واول مره ما
ترد عليه
يمكن كلام سالم أثر عليها انه يرمي عليها كلام يسم .. ماهو خوف من جدها .. لانها عارفه ان سالم ما كان يقصد كذا

عارفه انه يشكك بالعلاقه بين نوف وناصر .. ! والاحتمال الثاني اللي يخليها ما ترد عليه يمكن لانها كانت حاسه انه راح يكتشف من نبرة صوتها ان احد فيه شي وهي ماودها تبكي عنده ..

/



ناصر : الو

بتول وصوتها باين انها نايمه : اهلللللللين ناصر

ناصر : اعذريني داق عليك بس نوف وش فيها ؟؟؟ اول مره ما ترد

بتول : نجيد تعلمني انها امس ما نامت .. بس تبكي

ناصر : ايش فيه ؟

بتول : لا بس خالي راشد جته جلطه والله ستر

ناصر : لا حول ولاقوة الا بالله .. الله يعينك يا نويف كني شاف وجها تلقينها ميته من البكي ..

بتول : حتى امس فبيت جدي لما عرفت قامت من الاكل و طلعت تبكي ساعات في الغرفه لوحدها ..

ناصر : وينكم عنها ؟

بتول : رحنا لها بس هي قافله الباب

ناصر : وانتو اخباركم ؟

بتول : مشتاقين لك ياخوي كلنا ..

ناصر : تشتاق لك العافية

بتول : اقول ناصر ،، انا رمضان كله افكر ممكن يمر العيد وما نشوفك ؟؟

ناصر توهق واحتار ما عرف وش يرد عليها : بتول حبيبتي انا اللي اعرفه اني بحاكيكم ان شاءالله
انتظري اتصالي .. يلا تامرين بشي

بتول : مابي غير سلامتك

ناصر : الله يسلمك انتبهي لحالك ولنويف

بتول : بعيوني نوفه


/

سكر من بتول ورجع اتصل بنوف وبعد ماردت عليه



ارسل لها مسج : صبآح الخير نويف ،، عارف انك منتي نايمه ،، بس اللي اني عارفه هل تعب ابوك يخليك ما تردي علي ؟؟؟ المشكله اني عارفك زين اكيد فيه شي .. !!



نوف فتحت المسج وجلست تبكي .. كيف عرف ؟؟؟؟؟؟؟



وارسلت له :

لاضاق صدري دون كل الخلايـق
وحسيت بأن القلب تبكـي ركونـه

ذكرت منهو لا لفا الصـدر ضايـق
أقبل يجر الصوت..(لآتضايقونه)

وضحكت كني طول هالوقت رايـق
مدري لصوته أو لخاطر عيونه ..!!




ارسل لها بسرعه : افا نويف ترا الدنيا ما تستاهل تضايقي نفسك
عشانها ،، خالي قام بالسلامه وعسى الله يطول فعمره ،، تراه
يتضايق لا شافك كذا .. حتى لو ماهو مرضان تمرضيه زياده بـ
دموعك ..



ارسلت له : انا تعبت وربي وكرهت هالعطله كلها .. رحت انت وتركتني وحسيت ان نصفي مات ،، وجا مرض بابا وكمل على نصفي الثاني .. بالله عليك كيف اعيش انا ؟؟



اتصل فيها ناصر على طول يا حرام باين مره تعبانه

ردت عليه خافت يزعل : الو

ناصر : هلا نوفه كيفك ؟

نوف : الحمد لله بخيـ{ـر

ناصر : عسى عسى .. وشلون خالي عساه طيب ؟؟

نوف : تمام

ناصر : نوفه فيه شي مزعلك مني ؟؟

نوف : لا

ناصر : احلفي طيب

نوف جلست تبكي

ناصر : يا نويف والله اللي يصير مو بيدي .. وانتي عارفه هالشي .. بالله وش اللي مزعلك ؟؟

نوف : سالم مادري وش يبي مني .. امس جاي ويقول اعرف انك تحاكي ناصر وجدي وماعرف ايش

ناصر عصب خاف على نوف : علم جدي ؟؟؟؟

نوف : لا يقول كان يمزح

ناصر : وانتي تمزحين معه ؟؟

نوف : قلت له روح علمه والا انا بعلمه قال لا امزح معك مهما كان هذا ناصر اخوي .. يمكن كان
يمزح بس انا قاهرني كيف يحاكيني بهالطريقه .. ومن اللي علمه بفهم ؟؟

ناصر : ايه

نوف : وقلت له انت مين حتى تمزح معي ؟؟؟

ناصر : آهآ

نوف : ناصر لا تعمل حالك زعلان انا الي مفروض ازعل

ناصر : ايه وبعد ؟ انتي تجلسين مع سالم كثير ؟؟

نوف : لا ليه ؟؟؟

ناصر : لا بس اسئل .. سالم ماهي من عادته يتجرأ كذا

نوف : شتقصد !! يعني انا مطيحه الميانه معاه والا معطيته الضوء الاخضر ؟؟ على العموم اذا منت
مصدقني اسئل بتول وهي تقولك

ناصر : نوف كبري مخك .. وأحسني النيه .. انا اقصد وش اللي غير سالم وخلاه يتجرأ .. شي فيه
مو فيك انتي مالك علاقه .. رحت عنك شهر وللحينك هبله

نوف : بس انا مو هبله .. اقول ناصر بسئلك عنك ايميل .. ؟؟

ناصر يكره هالسؤال لما تسئله وحده من اهله : ليه انتي شدخلك بهالامور ؟؟

نوف : ياماما خوفتني ليه معصب !!

ناصر : تذكر كلمة البنت اللي على الماسنجر زيها (خوفتني ليه معصب) : نويف ياويلك يا سواد ليلك لو اعرف انك مشغله لاب توب ولا بس جايته

نوف بلعت ريقها : ها اص اصلا اللاب حقي زمان عنه ..لااعرف اشغله .. من جدك انت ؟؟

ناصر : اجل ليه تسئلين ؟؟

نوف : بس بعرف لانه يقول انه فيه بنات عالايميل عند الشباب .. بناااااات كثير عاد انت عندك ؟؟؟

ناصر : من قالك اصلا ان عندي ايميل ؟؟؟

نوف : احلف بالله

ناصر : يعني انا كذاب ؟؟؟

نوف :لا بس ابغى اتأكد !! احلف


ناصر : دامك حلفتيني عندي ايميل بس والله مافيه بنات ..

نوف بعد ما تطمنت انه ما كذب عليها : اصلا انا وش دخلني فيك .. املاه بنات على كيفك

ناصر انقهر : اوكي ابشري من عيوني ..

نوف : لا امزح معك لا تصدق كل شي .. ناصر ناصر ناصر

ناصر : عيونه

نوف : بكره العيد

ناصر : احلفي ؟؟

نوف : وربي

ناصر : هبله انتي نويف ؟؟؟ البنغالي اللي عندنا يعرف ان بكره العيد وش الجديد

نوف : ههههههههه لا مو قصدي اني اعطيك معلومه .. اقصد يعني ..

ناصر لما شافها تلعثم بالكلام قاطعها وهو يناظر بالاشجار : لا يا نويف ماني معيٍد معكم

نوف تبدلت ابتسامتها حزن : طيب انت وعدتني قلت اذا انتهى رمضان يصير خير

ناصر : وما صار خير وش اعمل طيب ؟؟؟

نوف بزعل : طيب باي

ناصر : لا تزعلين نويف والله مو بيدي .. ادعي ربك الله ييسر امورنا بس ..





خذني أبي أنسى الهموم..
وأغمض عيوني وأنوم!
وراسي على كتفك..!
مد للسما كفٌك:
"وادعي لنا"

يمكن تزين أقدارنا..
يمكن تزين أقدارنا..
يمكن تزين أقدارنا..
يمكن في يوم !!

[ماجد العساف]

//
\\
//
\\




الجوهره جلست تحاكي نوف على الجوال من الطفش اللي جاها ..
وحكت لها انها تركت بيتها وطلعو فشقه ..



نوف ما صدقت الخبر .. ما توقعت فيه ناس زي كذا يتعبو ويعانو مره ..

نوف : يا حياتي يالجوهره تكفين عطيني العنوان انا عندي مبلغ
وابوي ماهو مقصر تكفين طلبتك لا ترديني

الجورهره : لا يا نوف انتي ما تقصرين بس ما اهون عليك يقتلني ابوي .. عارفه انك زي اختي بس هو عزة نفسه وكرامته اهم مني .. تكفين اعفيني

نوف : على راحتك بس بالله ما تقاطعين واي شي تحتاجيه تعلميني ..

الجوهره : ان شاءالله ،‘ يالله اتركك هاللحين انا مواصله ودايخه ما نمت
نوف : الله يعينك ،‘ باي



الجوهره وساره الناس صارو وقت العصاري وهم لسى يتقلبو في فرشهم ..


الجوهره بصراخ : آآآآآه أبغى أناااااااااااام

ساره : ماني قادره اتحمل .. ماني متعوده ..


(يآحرام صار لهم سنين ولا يوم في حياتهم نامو برا بيتهم او مو على اسرتهم .. كانو ينرحمون)


الجوهره : اسكتي اسكتي اووص سويره جت جت جتني النومه ..

ساره : !! يلعن يومك خويتك هي ؟؟؟ انتظريني لا تنامي
وتتركيني جالسه كني سروق

الجوهره بسابع نومه




الشقه صغيره بدور ارضي مافيها الا 3 غرف وصاله وحمامين

غرفه لساره والجوهره وغرفة لتركي وغرفة لمبارك ومنيره


تركي في الشغل .. وام تركي في المطبخ .. فاقده بناتها اليوم !!
بس عاذرتهم اكيد ..




:


:




ام خالد وهي تعطي ابو خالد الدوا : تراي تعذرت من ام دانه

ابو خالد : ليه ؟؟ انا لازم اروح دايم آخر يوم فرمضان يكون عند اخوي فواز وش له تعذرتي يا مره

ام خالد : ارتاح يابن الحلال .. فواز توه متصل يقول راح يمرك بعد الفطور ان شاءالله .

ابو خالد : لا اله الا الله .. اللهم اني اعوذ بك من العجز والكسل ..


،،

ام خالد فغرفة نوف : يمه نوف اخذي معك حمودي والماس وروحي ..

نوف : يلا ماما قاعده اتجهز ..

ام خالد : نجود وينها ؟؟

نوف : راحت امها تبغاها ..

ام خالد : لا تأخرين فشله .. ماباقي شي على الاذان ..

نوف : ابشري ،‘ بس وين محمد ؟؟؟

ام خالد : عند ابوك لا طلعتي مري خذيه معك



/



الكل كان موجود على الفطور ..

البنات حبو يجلسو يفطرو لوحدهم اليوم دامه اخر يوم .. وطبعا الطاولة غير كلها ضحك وهبال وسوالف اكثر من الاكل ..

كل شوي وحده تبي تغص بس الله يستر .. الريم كانت جالسه معهم وبعد 10 دقايق قامت ما قدرت تتحمل السخافه على قولتها

اما دانه جالسه مع الكبار .. مالها نفس تناظر بنوف .. تكرها مره مع انها ما عملت لها شي وهي عارفه بس تقول كارهتها كذا من الله ..ما احبها

قررو البنات يطلعو لمملكة المرأه .. يشوفو وش ناقصهم .. كل وحده منهم تقول الحمد لله اني شاريه ملاااابس كثيره وبدل راقيه وفخمه من تركيا ..


نهاية الفصل العاشر
أنتظرو الفصل الحادي عشر قريبآ

[ماجد العساف]

.

الفصل الحادي عشـــر



الكل قام من السفره ..

وبعد الصلاه ..

نوف : نجيد تكفين تعالي معي اوريك بدلي الجديده وانتي اختاري وش البس بكره ..

نجود تزين مكياجها : والله يا نويف مالي نفس .. خلينا نروح للمملكة زمان عنها ..

نوف : يوووووووووه ناظرو انا وين وهي وين ؟؟

الماس : ونجيد صادقه .. امشو نطلع نتمشى انسو العيد شوي ..

بتول بألم : بنات بطني يعورني مره ماني قادره ..

نوف : من الجوع .. جالسه على الطاوله تنكتي وتضحكي وتمزحي
وماكليتي شي ..

بتول تمسك معدتها : لا والله كليت .. بس والله ألم .. آآآآخ

الهنوف :ههههههه تخففين على الاقل

بتول : وجع فوفا انا رايحه رايحه .. وش يقعدني هنا بين هالعجز ..


نوف : اجل يلا خلونا نستأذن ونطلع

الماس : وع وش يطلعنا هالحزه مافي ناس !! خليها الساعه 9 ازين

نوف : ان جت 9 منتي بطالعه .. عندك خالد انتي

الماس بزعل : لييييييييه ؟ صديقاتي بيكونو هناك انا متفقه معهم !!

نوف وهي طالعه من الصاله : والله عاد صديقاتك الله راضي عليهم وما
عندهم شي اسمه خالد ..



بتول : انا عن نفسي بحاكي بابا انتو كيفكم

الماس : والله حتى انا نازله لجدي الحين .. وبالطقاق في خالد

نوف تطل عليهم من الصاله : اتحداك تقنعيه وخالد موجود ..

الماس : ههههههه تعالي وشوفي


البنات كلهم وقفو ولحقو لمووو يبغو يناظرو ويضحكو

الماس لابسه جينز غامق ستريت وضيق مره .. ولابسه بدي سلفر على
اكسسوار فوشي وبالورينا فوشيه

ونازله على السلم تتمخطر ..


عيونها يمين وشماال تدور على جدها من بين الرياجيل والنسوان .. اول
ما طاحت عينها عليه ابتسمت بخبث وركضت لعنده



هنا البنات ما قدرو يناظرو فيها من الدور الثاني لانها بعدت مررره قررو
يناظرو بالحدث مباشره من قدامها

نزلو لتحت


الماس : هاي جدو كيفك ؟

سامي ساند ظهره على الكنب : وش بغيتي يا الماس ..

الماس تناظر بفارس اللي ماسك ضحكته : احم .. جدي انا وصديقاتي
متفقين نروح للمملكه وجايه آخذ الاذن منك طال عمرك

سامي : المملكه بهالوقت زحمه مانتي عارفه ان بكره العيد ؟؟؟ وش
يطلعك بين امة لا اله الا الله ؟؟؟

الماس بإصرار كثر : تكفى جدي والله طفشنا .. مهي بحاله .. اول انت
اللي تطلبنا نطلع ونتمشى الحين مادري وش تغير

نوف بصوت هادي لنجود : وش هالجرأه يا لمووو ؟؟؟

نجود: عند حاجتها تعمل اي حاجه ..

سامي يناظر بنوف اللي حس انها انصدمت منه بعد حركته مع ناصر ،،
واللي تغيرت عليه مره ..

سامي : وانتي يا نوف وش رايك ؟؟ مالك صوت

سالم : نوف اول وحده تركب السياره .. لا تحاتيها

فارس : ههههههههه

نوف ناظرت بسالم وفارس نظرة سكتتهم : انا ما عندي مشكله اجلس
والا اطلع كله واحد بالنسبه لي

سامي و بعيونه الحاده : ومن متى هالحكي ؟؟؟

نوف : .......

سامي يحاكي الماس : مافيه روحه اطلعو فوق


طلعو البنات لفوق .. الا نوف حبت تعانده مع انها عارفه انه ما يقصد الا هي ..


خالد وقف وجا بيطلع ..

سلمى : على وين يا بو فيصل ؟؟

خالد : طالع ادخن و أجي ان شاءالله ..

فيصل : بابا ابغى اجي معك

خالد بعصبيه : اجلس مكانك .. (ولما مر من عند نوف ما ناظرها و
طلع )


نوف جلست بجنب عمتها ساره و ام دانه ..

الحلا والقهوه والشاي والعصاير والفطاير كان متواجد على الطاولات ..


ام دانه وقفت تبغى تقهوي الجد سامي .. وطبيعي قامت نوف لانها

الاصغر واخذت القهوه وراحت له


نوف مدت الفنجال بدون ولا كلمه ..


سامي : كان ماودك تقهويني ترا عادي يا نوفه .. ماني زاعل


نوف عور قلبها جدها : لا يا جدي من يحصل يقهويك ويرفض ؟؟ سم
طال عمرك


سامي بابتسامه : سم الله عدوك يالغاليه ..

/

سحب سامي صينية الحلا و أشر لنوف تعطيها فارس اللي مندمج بالحكي مع سالم ..

نوف مدت له الصينيه بس ما انتبهت : ناصر .. !

التفت الجميع عليها ..

ناظر فيها فارس بصدمه واخذ الصينيه ..


نوف لأنها كانت سرحانه ماهي عارفه وش قالت !!!


ناظرت فيهم .. وكلهم عيونهم عليها ..





سامي ترك فنجاله وطلع الحديقه معصب .. كان يعتقد انها كانت متعمده


وساره خنقتها العبره وطلعت .. ما تنلام شهر ما شافت ولدها .. !



الباقي ظلو يناظرو فيها ..



نوف مرخيه يديها وواقفه وتناظر في سالم وفارس .. تبغاهم يفهموموها

وش صار ليه هذا كله ؟؟؟؟



ام دانه حبت تغير الموضوع : نوفه حبيبتي ذقتي هالحلا ؟؟

نوف كشت وجلست بجنب مرت عمها : عمه انا وش قلت ؟؟

ام دانه : ما قلتي شي الحمد لله والشكر .. ذوقيه تكفين وقوليلي رايك

نوف ودمعتها نزلت : عمه انا وش قلت ،، احلفك بالله وش قلت ؟؟

ام دانه بصوت هادي : ماقلتي شي يا عمري بس لأنك يمكن ناديتي فارس

بإسم ناصر الله يذكره بالخير وجدك وعمتك تذكروه بس ..


نوف حطت يدها على فمها ودموعها ماكنها صدقت نزلت وحده ورا

الثانيه ..


اما سالم وفارس اول مره يناظرو بنوف كذا .. كل واحد منهم يناظر
عيونها ومعلق عليهم ..


ام دانه : نوفه مايصير وانا عمتك اتركي البكي للبزارين .. والله انه باين
انك مو متعمده وين المشكله ؟؟


نوف ناظرت بفارس منحرجه منه مره وش يقول عنها الحين ؟

وناظرت بسالم اللي حست انه ما صدق ان نوف غلطت هالغلطه


طلعت فوق تركض ..



وهي تركض تفكر اهلها كيف راح يفكرو ؟؟ راح ياخذوها من اي باب ؟؟

باب انها ما تفرق بين فارس وناصر ؟؟ او باب انها متأثره بخروج ناصر

من حياتهم كلهم وانها فقدت شخص من العايله ؟؟ او من باب انها

عاشقته وما تنطق الا اسمه ؟؟



رغم كل الافكار اللي خطرت فبالها ورغم كل هالحكي الا انها ما كانت

متأكده الا من شي واحد وهو ان ناصر استحوذ على كل تفكيرها
وعقلها ..

[ماجد العساف]

/


/



في الصاله الواسعه اللي فوق .. التلفاز شغال .. واصوات البنات اعلى
منه ..


الماس : افففففففف هذي طولت ..

نجود : انا ما يقتلني الا لما تعمل حالها كبيره وتجالسهم ..

بتول : بنات العن يومكم بطني يعورني محد حاس فيني ..


سالم : السلام عليكم

.... : وعليكم السلام ..

سالم : وراكم ما افطرتو معنا اليوم ؟؟ المفروض يكون ختامها مسك ..

بتول ماسكه معدتها : لا حبينا نعمل حاجه غير .. ملينا منكم ..

سالم : افا ,, بس حنا ما ملينا منكم !! .. وراك ماسكه بطنك ؟؟

بتول : يعورني يا سالم ..

سالم : اكيد مكثره من الاكل .. اعرفك

بتول : ياويلك من الله كليت شوي وربي .. بس يعورني

سالم : عارف انك خوافه بس لازم اوديك المشفى

بتول : لااااااا ما ابغى اكرهه اخاف منه .. والله ما احبه

سالم : بدون حلفان عارف ..


نجود تحاكي الماس بصوت خفيف : غريبه سالم تارك نوف وجاي هنا ..
العاده ما يطوف هالوقت


الهنوف بلقافه ما تعرف هالبنت تجلس ساكته : اقول سالم تعرف للنت ؟؟


سالم : ايه .. ليه ؟ محتاجه شي ؟؟


الهنوف : لا بس ..

نجود خافت تجيب العيد وتخرب كل شي .. الهنوف فضيحه ..

نجود : لا بس هي حابه تتعلم ..

سالم : انتي ما تعرفيله نجود ؟؟

نجود : إلا بس مو مره على خفيف : )


نجود فقلبها (الله يقلعك يا الهنوف كانك مصيبه)

سالم : اها ،، الا وين نوفه ما اشوفها معكم ؟؟؟؟

نجود لألماس : شفتي قايلتلك .. ههههههه

الماس : ليه هي مو تحت عندكم ؟؟

سالم : لا طلعت فوق تبكي ..

الماس : لييييييييييييييه


سالم بنذاله : تبغى تنادي فارس غلطت وقالت ناصر .. وعصب جدي
وطلع .. وهي مادري وش صار لها



نجود وهي توقف تبغى تدور عليها : وانت ليه فرحان ؟؟؟



سالم : هههههه ماهي مسأله فرحان ،، بس انا مستغرب وش جاب اسم
فارس لناصر .. : )





/

نوف طلعت من الغرفه على دخلت البنات ..



نجود : نوفه حبيبتي وش فيك ؟؟


نوف بابتسامه تجمع شعرها .. : دقايق بنات نازله الحديقه وراجعه ..

نجود تناظر بألماس .. ايش فيه ؟؟


بتول كانت خايفه عليها : هبله ذي ؟؟


/