السلام عليكم ورحمة الله وبركاته
اخوانى وخواتى الاعزاء
انقل لكم هذى القصه وانشاء الله تحوز على رضااكم
المصدر (سمعت وقال فلان)
المهم القصه كما وصلتنى
<===يبى يقولها بلهجه العاميه تكون احسن
........................
يقول لكم فيه شباب طالعين البر(المنطقه النعيريه) وكان وقت الربيع
الشباب اعمارهم تتراوح ما بين 23 الى 26 وكانو سته اربع جايبين سياراتهم ..
المهم طالعين من الاربعاء الى الجمعه كالعاده المتداوله بين الشباب
وكان البر مزدحم من العوائل والشباب وكان الجو مره حلو وربيع وسعت صدر وناسه ..ناس يدورون زبيدى وناس تقنص وناس تلعب طايره وكوره يعنى في منتهى الجمال المنظر
وكانو الشباب جايين الساعه 8 في الليل يوم الاربعاء ومرررررره الظلام الله لا يوريك حتى يدك ما تشووفها
المهم.......حاسو حاسو الين حصلو محل ما فيه احد يعنى محل خيمه هناك وخيمه هناك قال اكبرهم يعنى المسؤول عليهه( شباب ترانا دخنا وحل علينا الظلام خلونا ننصب الخيمه هنا وعلى الاقل نرتاح ونتعشى والصباح رباح..نط واحد وقال.ياخى ما ندرى من هم اللى جنبنا عوائل ولا عزاب ..رد عليه الكبير اقول انثبر في محلك قلت هنا ييعنى هنا
قال شورك وهدايت الله
المهم نصبو الخيام وزبطو العشى واحلى كلام
اخوانى ما احب اطول عليكم.........؟
يوم الجمعه العصر كاللعاده الوقت هذا الكل ياخذ خيمه ويروح بيتهم
الشباب قالو نبى نمشى الساعه 9 في الليل وكلهم اتفقوو الا ثلاثه مشوو بيوتهم
قبل المغيب بشوى...واحد كان عند النار برى الخيمه واثنين داخل الخيمه
المهم اللى برى شاف وحده ناصيته(جايته) ودخل الخيمه وقال شباب فيه بنت جايتنا وهو مستغرب المهم واحد من اللى داخل قال ابى اسوى نفسى نايم وانت يا فلان ..قال وش اسوى نففسى نايم وش تقصد ك وش ناوى على البنت ..اللى كان برى قال اص جت ولاكلمة
جته وسلمت وقالت له(اخوى اهلى مشوو وهو ما درو عنى انى مبعده عن المخيم والى يخليك لهلك اذا عندك جوال ابى اهلى قال ادخلى وارتاحى وابشرى بالى يجيب اهلك ) الرجال اللى كان برى قصده مش شريف وانت عارفين المهم....يوم دخلت واحد من اللى داخل شاف عيونها وحس ان البنت من جد خايفه ولا لقت الا هذى الوسيله او الطريقه اللى تروح لهلها.اللى نايم ناوى شر يعنى اثنين ناوين شر واحد ناوى الخير لها
قام من الخيمه وقال لها اجلسى يا بنت الاجاويد..طلع راح لسيارته وطلع المسدس....وخباه في جيبه ودخل الخيمه المهم اللى نايم صحى وقال وش هذى...هديه من الله سبحان الله وبعد اللى كا ن برى يقول نفس الكلام....الرجال الطيب اللى معه السلاح قرب من عند البنت وغمز بعينه يعنى اطلعى برى الخيمه فهمت وعرفت انه قصده شريف طلعت وطلع وراها وقفوو عند باب الخيمه وطلع السلاح وقال وراس امى الغاليه اللى يقرب للبنت شبر واحد ولفرغ السلاح براسه رد واحد قال له(وش دعوه توصل لك المواصيل وترفع السلاح بوجهى عشان بنت والثانى يعطيه من لكلام رد عليهم وقال والله اظن انكم سمعتو كلامى والى يقرب وربى ماهو احسله
ركب السياره وركب البنت ورى وطلع على الخط السريع وقال للببنت(انتى تعرفين سيارة اهلك اذا شفتيها انزلى من السياره اهلك راح يرجعون )وكانت الشمس على وشك تغيب...وسبحان الله ثوانى بس ولا شاافت سيارة ابوها نزلت وقالت السياره يا الطيب وقفها وقف قدام السياره واشر لهم ...نزل الوالد وقال له عسى ماشر وش فيك وقفت قدام السيباره قال له(بنتك يا الطيب معى خذها ترى معى شباب ناوين عليها شر.)
الوالد(جزاك الله الف خير وجلس يبوس الولد وقال نادر نحصل مثلك والله)
الولد من الخبر والظاهر البنت من الخبر.
بعد اسبوع اتصل الوالد لخالد وقال له(انت سويت شى ماعمره استوى والله
اطلب اللى تبيه يا خالد قال له(ما ابى الا سلامتك والستر على بنتك
تصدقووووووو
تصدقووووووووووووووووووووووووووووو
خالد تزوج البنت بعد ثلاث شهور؟
سبحان الله
من هذى القصه
قليل نحصل مثل المواقف الرجوليه اللى سوها خالد
الله يستر عليه ويكثر من امثاله
اخوانى وخواتى
انشاء الله تحوز على رضاكم مع انها طويله
تحياتى لكم
نبض الحب