الســـــــــلام عليـــــــــكم ,,,
مثل ماعودنا الشاعر ..فيصل اليامي....
على تقديم افضل القصائد....
حبيت انقل لكم بعض كتاباته....
أول قصيده وهي تتكلم عن ذكريات الطفوله.. قصيده اكثر من رائعه...
...عيال حارتنا....
ياليت ان الزمن يرجع ورى ولا الليالي تدور .. ويرجع وقتنا الأول وننعم في بساطتنا
زمان أول أحس انه زمان فيه صدق شعور .. نحب ونخلص النية وتجمعنا محبتنا
زمن مافيه لاغيبه ولا حتى نفاق و زور .. ياليته بس لو يرجع ونسترجع طفولتنا
صغار قلوبنا بيضاء نعيش بعالم محصور ... ولا نعرف أبد أغراب ما غير عيال حارتنا
صحيح صغار بالتفكير لكن ماعلينا قصور ... نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور .. نحاول نزعج العالم في روحتنا و جيتنا
وعشان نأخر الحصه نخبي علبه الطبشور ... نشاغب بس في الآخر تميزنا برائتنا
نحب الضحك والهيصه نحب نط فوق السور ... نفرفش ليه مانفرفش مادام الضحك عادتنا
ولكن دارت الأيام وبان الخافي المستوور ... وصار الهم متعلي على قمة سعادتنا
كبرنا وصارت الدنيا تصف أحزاننا بالدور ... وتهدينا الألم والهم غصب عن عين رغبتنا
تعبنا من بلاوينا احد غني واحد مهموم .... وكلن غارق بهمه وبالآخر ....... تشتنا
وانا ما اقول الا ياليت الزمان يدور .... ويرجع للورى فترة ونعدل وضع ... عيشتنا !!
ثاني قصيده...
....ودي تروحين....
ماهيب لله جيتك يوم جيتي
أكيد قصدك تجرحين وتروحين
ياما جرحتيني وياما قسيتي
وياماصبرت وقلت يمكن تحسين
كنت أفرح بحكيك لين حكيتي
وأقول بنفسي سوالف محبين
يفز لك قلبي كل ماشكيتي
ومن طيبتي أصدق إنك تعانين
شريت حبك وأحسب إنك شريت
لقيت إنك من صدق المشاعر تبيعين
كنت احسب انك كثر حبي هويتي
الظاهر انك ماعرفتي تحبين
الحين قوليلي وش اللي بغيتي
مايكفي انك خادعتني من سنين
قولي وش اللي ناقصك ماخذيتي
خذتي الكثير وماقدرتي تردين
وان حكيي ضايقك واستحيتي
لو تسمحين الحين ودي تروحين
ثالث قصيده عن اغلا انسانه في الوجود..
....أمي....
أمي اللي قلبها عن كل قلب
شفت منها في حياتي كل خير
أمي اللي حبها من جد حب
ياحلاة احساسها العذب الغزير
ان تعبت النوم يرفض لا يطب
عينها حتى تعرف إني بخير
صدقها مايعرف شمعنى الكذب
طيبها كله مع خطاها
يصير في رضاها اجري اللي ينكتب
ومن دعاها الصعب يتبدل يسير
وان بغيت أحسب غلاها ماانحسب
أحسب!! أحسب !! لكن أغلط في الأخير
هذي أمي قلبها عن كل قلب
كيف أقارن حبها مع حب غير
رابع قصيده...
....الأطلال.....
على الأطلال لاتبكي كفى تبكي على الاطلال
تناسى الهم ياقلبي كفانا غربة وهموم
تعال احسب معي الأيام
وكم ليلة بليا وصال
خلاص الماضي مايرجع
ترى حنا عيال اليوم
هذاك اول نعيش بحب
ونتهنى براحة بال
هذا اول قبل مااكبر
وتصبح في العلوم علوم
ياقلبي هذي النيا دايم تنقلب الاحوال
ترا ماني الوحيد اللي بصدري الضيقة ومكتوم
انا ادري ان الزمن ظالم ولايحسب عمر رجال
واعرف الحظ ليمن طاح يبيله وقت ليما يقوم
وذي قسمتنا ياقلبي
نتصبر عالحزن لو ظامي
أمر مكتوب ومقدر
وكيف نغير المقسوم
ماهو ذنبي ولا ذنبك نعاف الحلم واالأمال
مادام ان السهر فارض علينا مانذوق النوم
ياقلبي تعبت عيوني وهي تنظر يمين وشمال
أدور للأمل لكن!! لقيت إن الأمل معدوم
ياقلبي لاالمطر جانا ولاحتى بعد
ماغير تحوفنا بغيمة تمنينا المطر وتحوم
انا احب البحر واعرف هدير الموج
ولكني مع هذا احس اني مااطيق العوم
اعيش بفقري وراضي ولاودي يجيني الماللأني لولقيت المال وجيت اشري
عجزت اسوم
ياقلبي مر في سمعي كثير من الحكم وأمثال
ولكن مالقيت أصدق من اللي قال :
( بكرة يوم تعال نعيش دنيانا ونتعود على ذا الحال
يمكن شمسنا تشرق وتصبح في العلوم علوم)
خامس قصيده...
....الدنيا....
ياعمري الدنيا ماتسوى تنام وخاطرك زعلان
ولابه شي يستاهل يخلي قلبك يعاني
طلبتك كان لي خاطر تبعد عنك الأحزان
فديت عيونك الحلوة تبسم لو علشاني
ترى الأيام محسوبة وتالي ذا العمر فاني
تصدق بسمتك والله تفرح خاطري الولهان
يطير من الفرح قلبي واصير بعالمن ثاني
ولامن شفتك بضيقة احس اني أنا الغلطان
اعاتب نفسي بنفسي ولو ماكنا أنا الجاني
غلاك بداخل عروقي ولايوصل غلاك انسان
يمر الوقت ويثبت لك غلاك إن الله أحياني
بضحي بعمري لعيونك تنام انت وانا سهران
وانادي جروحي لقلبك وتجي واحد ورا الثاني
تقبلوا ســـلامي ,,
المهـــــــــــــــا
الشـــاعر....فيصل اليامي....
العرض العادي
