بسم الله الرحمن الرحيم
بداية يطيب لي ويشرفني انضمامي إلى منتداكم الموقر وهذه أول مشاركة لي معكم فإن أصبت فمن الله وإن أخطأت فمن نفسي والشيطان ويسعدني أن أشارك معكم بهذه الأبيات المتواضعة على وعد مني بتقديم ما أستطيع تقديمه،وهي آخر قصيده لي بعنوان:
( ثلاث وروحن )
دخيل الله يـا مسـلم أقول أشفيك ناسـيني
مواعدني تحاكيني عـلى فضـوتك بالجـوال
مواعيدك ثلاث وروحن مير الله يعـيني
وأنا أسوق العذر دونك وأقول مشوش الإرسال
تلاعبي وبأعصابي يا مسلم وين مغديني
عسى منت بعلي ضايق دخيلك قول يا رجال
ترى ماني على خبرك تغير كل ما فيني
عرفت إن الزمن دوار ولكن الصعب ينطال
لك الله لو جفى غيرك ما أقول أشفيه جافيني
يبي يقعد يبي يرحل قرير ومسفهل البال
كثير من البشر قفوا عليهم ما أدمعت عيني
يجي واحد بدل واحد كما راع المثايل قال
ولاني باخسٍ حق الذي شاريه وشاريني
عليه وله نرد العلم ولو ليل انتظاري طال
أبو سعود الذي من عرفتي له حيل مغليني
معاريفه وفزعاته على روس العيال تشال
عسى جو الصفا يبقى وأسير لك وتلفيني
ولامنا تلاقينا يساق من الغلا فنجال
هلا بك خوةٍ رجحة بها كف الموازيني
على عز ومعزه بنيها يا البارق الهمال
ألا يا شعري وحرفي توصل له مضاميني
يا عل اللي عليٌ أبطى يجي من يمته مرسال
ما دام الوقت جابرني وبعد الدار حاديني
لزوم أهدي ضنوني وأقول المقبلات بفال
زيزوم العشق
العرض العادي
