دموع الهم والحسره..دموع الصـد والحرمـان دموع من الألم تجرف معاها صوتي المجروح
سكاكيـن ٍ تقطعنـي وقلـب ٍ فـي دمــه غـرقـان وعيـن ٍ تشكـي الفرقـا وجسـم ٍ يفتقـد للـروح
كفوف الوقت تصفعني وتذوقني الشقى الـوان أون بصوتي العالي وصدى صوتي يرد بنـوح
الا يا ناس عزّوني انا ف هاليوم موتـي حـان حبيب ٍ ابتعد عني ما هو بكيفه غصب بيـروح
طعـن ف قلوبنـا نـذل ٍ خسيـس ٍ حاقـد ٍ خـوان هدم ما قد بنينا ف الهوى من عاليات صروح
يا حرف الكاف واويلاه حالي من بعدكـم شـان وادري بحالتك مثلي جريح ٍ ف العشق مذبوح
تقوليلـي انـا احبـك ولا اقـدر عـلـى النسـيـان ومهما صار في قلبي تظل ومسكنك ف الروح
واقول اني انـا بحبـك عرفـت انـي انـا انسـان وشفت بنظرتك نـور ٍ يبـدل عتمتـي بوضـوح
حسافه انتهى المشوار واصبح فـي خبـر كـان نحـاول نخفـي الحرقـه ولكـنّ الدمـع مفضـوح
انـا وانتـي وسـط قصـه ولكنهـا بــلا عـنـوان بلا صفحـه تخاويهـا وفيهـا م العـذاب شـروح
دموعـي مـع دموعـك سببهـا لوعـة الحرمـان دمـوع ٍ مـا نوقفهـا ابـد غيـر بطلـوع الــروح
العرض العادي
