ياجماعة الربع
ساحكي لكم قصة واقعيه من وهم الحياة المتقلبه..(شوفوا الاسلوووب)
في يوم من الايام اتجهت الى الســوق.....الوكاد...(حلوه الوكاد..صاير
بدوي)...اني دخلت وانا متسكب بلحالي مترزز وش حليلي
الوكاد ....دخلت وانا ناوي اخذ غرض واطلع من هالسوق اللي مافيه الا
القهر......
دخلت لمحل عطور....ناوي اشتري عطر....(ومناك ملطف عرق)... المهم
لما دخلت جلست اسولف مع اللي في المحل هو يحاول يقنعني وانا
متزمت ياينزل لي في السعر يا ابعطيه ركبه على خشته الين ما ينزل
في السعر ...اهم شيء ينزل في السعر...عاد اخوكم قعيطي..ههه
الوكاد مع محاولة الشد والجذب بيني وبينه....شوي الا اربع بنات دخلو
علينا في المحل....كل وحده تقول نعنبوك يالقمر انزل وابنصير محلك
طبعا انا ماشفت الا هالعبايات الجديده....وهالريحه اللي تطلع البنكرياس
وتقوله شم عساك الماحي ....وهالعيون اللي تقول فناجيل دله مبهره
بهيل مخلوط مع قهوة يمنيه .....يالله وش ذا الزين...... سبحان اللي
خلقكم وسماكم بني ادم وسمى هاللوح اللي قدامي راعي المحل بني
ادم سبحان اللي جمعهم بصفة الانسانيه......المهم لايغركم
الوصف......
طبعا انا طبقت اول نظره لك والثانيه للشيطان وخليتها قزه وحده يعني
تكحيله كامله .... (وياهي تكحييييييله)
شوي طالعوا وش اللي صار
خلاص بعد ماناظرتهم صديت عنهم.....طبعا انا ثقيل(( يمكن ثقيل وزن
اما عقل الله يخلف على هلك ))...... ولا عاد يهموني......قمت وبعدت
في طرف المحل....شوي الا كل مالهم يقربون وانا ابعد الين ما
حشروني في زاويه تقول بس (( يمكن مستغربين من الشكل يحسبونك
من الفضاء )).. قامت الطويله وقالت لي وش هالثقل ...طبعا هم ثنتين
طوال ووحده متوسطة الطول ووحده دبدوبه ...ما رديت عليها.....شوي
الا الا الدبدوبه تقول تكفى بس نظره....وانا ولا كن قدامك احد...طبعا
شاب طموح ((الا وش دخل ام الطموح بهالسالفه)) الوكاد ...سويت
نفسي ما اسمع....لان مافيه في المحل الا انا راعي المحل طبعا موو
انــا ...شوي الا اللي ماهي طويله تقول لي ممكن لو سمحت واطالع الا
معاها ورقه....قلت وش ذا....قالت رقمي (( تأكد يمكن رحمتك وعطتك
صدقه )).....قلت لها اسف....شوي الا الطويله الثانيه قالت
ممكن استخدم جوالك ......قلت يالله اجر نعطيها الجوال يمكن تكلم
اخوها ولا ابوها يجي ياخذهم من السوق .....ابد خذته دقيقه ورجعته لي
الا لاقيتها مخزنه رقمها ... قلت لها nice try ....وحذفت رقمها (( انا من
ناحيتي مصدق بس اسأل الباقين )) مانفعت محاولتهم مع واحد ثقيل
زيي ....
حاولوا وحاولوا....ولا فيه فائده.......انا ما كنت افكر فيهم انا كنت افكر
وشلون افلق جبهة راعي المحل واخليه ينزل في سعر العطر..هههه..
((مسوي ثقل وانت حتى حق العطر ما عندك )) المهم لم نتفق انا و اللي
في المحل.....لما جيت ابطلع قاموا البنات وتقاطوا علشان يشترون لي
العطر اللي كنت ابغاه (( اكيد لأن ريحتك خيستهــم )) قلت لهم لو
سمحتوا خليكم في حالكم ....انا ما طلبت صدقه منكم...(( شديد
والهواء ضده في الشوط الاول بس يمكن ينقلب الحال في الشوط
الثاني )).. طلعت من المحل وقلت اللي اولها كذا ينعاف تاليها....خلاص
ابطلع من السوق احسن....رحت لسيارتي.....ولما وصلت للسياره
لقيتهم يمشون وراي(( ما قلتلك مستغربين من هالكائن الغريب ))
اعجبني فيهم روح الاصرار والكفاح على ايصال الهدف المنشود
كخخخخ....المهم تذكرت اني ناسي المفاتيح عند راعي
المحل....رجعت الا الدبدوبه كانت من ناحيتي وقالت علي الطلاق
بالثلاث الا تأخذ رقمي لاتكسحني قدامهم.....(( تكفى والله مانت
بسهل)) قلت والله اسف....لو سمحتي روحي بطريقك.....رجعت
للمحل.....وخذيت مفاتيحي ..
لما رجعت لسيارتي لقيت البنات يبكون على الكبوت ...والدموع اربع
اربع....حسيت بذيك اللحظه اني انسان قاسي القلب ...قمت وقربت
من البنات وفتحت الكبوت .....وخليتهم يصبون دموعهم في الرديتر...لان
ما فيه مويا ...وانتم تعرفون هالايام حر لازم ماء الرديتر يكون فل ..
وخرتهم عن الكبوت وشغلت السياره.....ومشيت وانا اشعر
بالنصر ...ومشيت شوي الين ما وصلت المحطه علشان اعبي
بنزين........شوي الا لقيت الدبدوبه متعلقه فوق التنده وهي
تقول......اما كذا ولا فلا ...... المهم نزلتها وقلت لها والله لو تحبين
السما ماراح آخذ رقمك .... قالت واللي يرحم والديك .... خذه حتى لو
ماتكلمني اهم شي اقهر خوياتي ...... قلت شوفي ....على بلاطه انا
ما احب البنات
(( ايه هين ما تحبهم وانت تطاردهم في كل مكان ياقليل الادب ) ))......
شوي الا خوياتها الثلاث وصلو مكان الحدث ..... وقاموا يترجوني اني
اعطيهم وجه لو دقايق ....... وانا مصر على موقفي .....ووسط دموعهم
الحارقه .... وندمي على كسر خواطر هالبنات الضعوف ..... قررت انا
المدعو (.....والله هذا اللي ناقص...اعلمكم اسمي)..اني اعطف واتكرم عليهم واعطيهم وجه ..... وتوني
باكلمهم الا احس ان شي طاح على راسي من السمـــا ...... وشهو
ياتــرى ؟؟؟؟؟؟؟؟.....
الوكاد .... انها الوالده حفظها الله طاقتني بعصا المكنسه وتقول ... يالله
قـــم نقمه تطير روووحك بكره عليك اختبار..(يعلمكم ان عنده
اختبار...ههه)......(( ايه هالحين معقول لان كلامك الاول ما يخش عقل )) ........ وقمت
ولبست ثوبي من دون ما اغسل وجهي (( اكيد لان الماء ما ينفع معك
انت يبغالك كلوركس ولا فلاش ))...........ههه منقووول هههه
وسلامتكم......
فيا ليت الشباب يقتدوووون فيني.....ويصيروون ثقيلين مثلي...ههههه
مع تحيات العبيط