مــات الـخــال فـــي خـدهــا
.
واقف على مفرق دروبي وطال الوقـوف
أحـاول امشـي واقـدّم رجـل واردّهـا
أحاول آخـذ قـرار ولالقيـت الحـروف
كـم كلمـةٍ ودهـا تطـلـع ولاودهــا
أشعر وافكر ودوّر حل واسمع واشـوف
لكنهـا الحيـره اللـي واصلـه حـدهـا
ياقلبي اللي تعبت وحاصرتـك الظـروف
تبنـي صـروحٍ مـن الأحـلام وتهدهـا
صدّقت حلمك ومن حوله رسمت الطيوف
صـوره توهمتهـا مافـي البشـر قدهـا
سود العيون النواعس موردات الحتـوف
الموت في لدّهـا والمـوت فـي صدهـا
والخال في خدها تذبـح عليـه الحسـوف
والليل في شعرهـا والليـن فـي قدهـا
والبسمه اللي على مثلك تسـل السيـوف
ياكـم سيـوفٍ جـرى دمـك علىحدهـا
كم لك ترجّى سراب ولامليـت الكفـوف
ترجع كفوفـك بـلاش وترجـع تمدهـا
إصحى من احلامك اللي في خيالك تطوف
هذيك ماتت..ومات الخـال فـي خدهـا
.
منقووووووووووووول
لشاعر الحكمه في اهله
من روائع عبدالله الطلحي
واتمنى الرد على الموضوع
thank you so much
ومات الخال في خدها
العرض العادي
