.::. نصائح هامة لأصحاب الدراجات النارية .::.

[امـيـر الـظـلام]

السلام عليكم ورحمة الله وبركاته



اقدم لكم هذه النصائح الهامه لتتجنب المشاكل والخرابات؛لاني تعقدت من دبابي




أولاً:تظيف للبانزين زيت خاص بالدباب نفسه



ثانياً:للي مركبين فلاتر سبورت اذا بغيت تطاعس فك الغطا اللي تحت المرتبه وترى مو لازم تفكه




ثالثاً:انتبه وانت تعبي بانزين لايجي الفلتر شئ




رابعاً:لاتطاعس وكفرات الدباب ممسحه لانه بيقعد يباوش فبيطق عندك البستم وبتقعد تقشر بصل واحسلك تركب كفرات جرافه




خامساً:لاصحاب الرابتر انتبه لاتعلق على السلف لانه يمكن يحترق عندك السلف




سادساً:شيك على موية الرديتر بين كل اسبوعين وانتبه اذا جيت بتفك الشبك تاكد انه بارد لانه اذا كان حار بيثور عليك مثل السياره





سابعاً:تاكد كل ماجيت بتطلع للبر ان معك بواجي زياده لانه يمكن يطق عندك بوجي





ثامناً:اذا بغيت تعرف اذا كان طق عندك البوجي ولا لا ادعس للدباب وهو بالفاضي طبعا وحط يديك قبال الشكامين وشف اذا كان واحد منهن يقطع فاعرف ان البوجي يبيله تغيير



تاسعاً:احرص انك كل ماجيت من البر تغسل الدباب لانه بيسببلك مشاكل لا سمح
الله






واخيراً:انتبه للكلتش اذا كان القير مايلقم بسرعه او يعلق بين النمرتين فاعرف ان الكلتش خربان فصلحه قبل لايخرب القير كله





اتمنى ان تكونوا استفدتم من هذه النصائح
:ic13: :ic13: :ic13: الله الله بالردود:ic13: :ic13: :ic13:

[قمر الديره]

مشكور على الموضوع ولا حرمانك

[الباشا تلميذ]

امير الظلام
,,

,,

,,


يعطيك العافية أخوي على الموضوع الرائع

,,


,,

انتظر جديـــدك




(( ,,, الباشا تلميذ ,,, ))