أنا فقدت أمي

[جريـحة الأيــام]

لكي اخبركم من لديه امٍ فل يجلس بقربها.. فاوالله لاحد يعرف قيمت الام حتى يفقدها

فأنا فقدت امي

فعذروني لقد تألمت كثيرأ حين قرات القصيده لانها تعني لي الشي الكثير فقد تذكرت امي
حين قرات القصيده وبكيت حتى جفت دموعي

فلا شك انكم تعذروني لاني تذكرت اطيب قلب تذكرت امي الغاليه تذكرت كل لحظه وانا اجلس معها

الله يرحمه

اعذروني لقد عشت هذه القصيده مع امي فاحببت ان انقلها لكم

واقول لكم اعذروني سوف اتكلم باللغه العاميه
واقول الله يخليكم

بعد مارااح تقروون القصيده ابي وعد منكم كلكم تروحون وتحبون على راس امكم وتجلسون بقربها

والله ثم والله مارااح تعرفون قيمتها لين تفقدونها
الله يخليها لكم بس خلكم بقربهااا
هي الدنيا كلها
هي الروح والقلب والهواء
بختصاار هي .( حياتنا)
وحنا نعيش عشان نطيع من خلقنا
ربي سبحانه الي وصى رسوله يقول الجنه تحت اقدام الامهات
انا عارف كل واحد منكم مقصر .... لاحد يقول لا لا
حتى انا مقصر وربي مقصر مع ابوي لانه هو اللي بقى لي بها لدنيا

خلكم مع اغلى واطيب قلب اللي والله مافيه احن واطيب واطهر واصبر منها
.................................................. .................................
وهذي القصيده كتبها شاب عمل حادث سيارة و والدته كانت معاه ..
الوالدة توفت و هو اصابته كانت خفيفة و تعافى
و من شدة المه و حزنه و احساسه بالذنب كتب هذي الأبيات

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

[كلي كلمة وفاء]

الله يرحمهاا ويغمد روحمهاا الجنة يااارب .....
كل انسان في هالدنيا راح يفقد له غالي ...
بس الحمد لله يا عزيزتي جريحة لما تكون امك قبل ماتموت عطتك كل شي ومابخلت عليك بشي
المفروض مع كل الحزن الي فيك الا انك تفرحين على ان امك راحة وهي راضيه عليكم وربي انه اهم شي انا معاك ان الام اجمل مافي هالدنيا الام كلها حنيه كلها رقه كلها اموه والله يخلي كل انسان آمه وابوه له والله لا يرحمهم منه ياارب ...
بس ياجريحة لا تحاولي تعذبين آمك بالبكاء عليها وربي ورب البيت انك تعذبينيها لما تبكين على فقدانها وتذكري دوما وآبدا الله ماراح يسناك وبيكون معاك وبيعوضك مع ان الام مالها بديل بس الله يمهل ولا يهمل وخلي إيمانك بالله قوي ولا تيسئن والحياه قدامك ويمكن تصير يوم من الايام ياجريحة آم فلا تتركين للحزن آثار عليك لكي لا يكتشفها اجيالك ...
الله يسعدك ويسعد قلبك ... والله يخلي آم وآب كل واحد فينا والله لا يرحمنا منهم والي انحرم الله يرحمهم ويسكنهم جناته ياارب .........

[البركان]

هلا وغلا

جريحه الايام

قصيدة محزنة ومبكية بالفعل


والله انها مصيبة كبيرة من قفد احد والدية ومأساة لايستطيع وصفها
الا من مره بها ،،،

رحم الله ابائنا وامهاتنا وادخلهم فسيح جناته ياارحم الراحمين،،،

[أريج البنفسج]

عظم الله اجرك اختي جريحه...وصبر الله كاتب القصيده على مصيبته...اختي جريحه الموت حق واحنا ناس مؤمنين نعرف ان كل انسان نهايته الموت...هاذا شي مامنه مفر...انتي امك الله يرحمها ماتت وتعرفون انها بالقبر...انا اختي فقدناها ماندري وين ارضها من سماها...ماندري هي حيه ولاميته...يمكن لو انها متوفيه ماتعذبنا مثل مااحنا متعذبين الاّن...انا ماقلت هالكلام لاني مستهينه بمصيبتك بالعكس انتي مصيبتك كبيره الله يصبرك عليها...بس انا قلتها من باب انو لما تشوفين مصيبتي تهون عليك مصيبتك....وعظم الله اجرك...

[%فزولها%]

اختي الغاليه عظم الله اجرك وهذي االدنيا الغاليه ...........قصيده ابكتني واحزننتي تذكرت اشياء كثيره والله يرحم اموات المسلمين يارب ............وبارك الله فيك

دمتي بود....فزولها

[المحتار-]

اقتباس المشاركة الأصلية كتبت بواسطة البركان هلا وغلا جريحه الايام قصيدة محزنة ومبكية بالفعل والله انها مصيبة كبيرة من قفد احد والدية ومأساة لايستطيع وصفها الا من مره بها ،،، رحم الله ابائنا وامهاتنا وادخلهم فسيح جناته ياارحم الراحمين،،،

رحم الله امك وامي وجميع اموا ت المسلمين

[حــنــونــه]

ابكيت قلبي قبل دمعي
والله اني لابكي حسره على
تقصيري لامي
ماعرف قيمتها الا بعد زواجي

بعد ماا ابتعدت عنها
والله اني اكتب لكي ودمعي على خدي

الله يرحم امك ويسكنه جنات انعيم ويجعل قبرها من ريض الجنه اللهم امين

قلمي جف وخدي بدموعي غارقه
سلمت يمنااااااااك اختي وهلله هلله بلوالد

[مشآع ــر طفلهـ]

يرحمها ربي ويدخلها اوسع جناتهـ ...
غاليتي..
يعطيكِ الف عافيه
ومايحرمك ربي انشاء الله من غالي ...

[اخو هدلا]

اختي جريحة الايام

تحية طيبة في البداية وتقبلي مني خالص التعازي بأمك الفقيد تغمدها الله بواسع رحمتة

اختي العزيزة جريحة الايام

والله الذي لاله الاهو لقد ابكتني هذه القصة وقصيدتها ومن لم يبكي منها فاليراجع حساباته مع ربه ومن ثم والديه.

اللهم ارزقنا بر والدينا والجنة

تقبلي اختي جريحة الايام خالص حزني العميق وكفى

[جريـحة الأيــام]

اقتباس المشاركة الأصلية كتبت بواسطة كلي كلمة وفاء الله يرحمهاا ويغمد روحمهاا الجنة يااارب ..... كل انسان في هالدنيا راح يفقد له غالي ... بس الحمد لله يا عزيزتي جريحة لما تكون امك قبل ماتموت عطتك كل شي ومابخلت عليك بشي المفروض مع كل الحزن الي فيك الا انك تفرحين على ان امك راحة وهي راضيه عليكم وربي انه اهم شي انا معاك ان الام اجمل مافي هالدنيا الام كلها حنيه كلها رقه كلها اموه والله يخلي كل انسان آمه وابوه له والله لا يرحمهم منه ياارب ... بس ياجريحة لا تحاولي تعذبين آمك بالبكاء عليها وربي ورب البيت انك تعذبينيها لما تبكين على فقدانها وتذكري دوما وآبدا الله ماراح يسناك وبيكون معاك وبيعوضك مع ان الام مالها بديل بس الله يمهل ولا يهمل وخلي إيمانك بالله قوي ولا تيسئن والحياه قدامك ويمكن تصير يوم من الايام ياجريحة آم فلا تتركين للحزن آثار عليك لكي لا يكتشفها اجيالك ... الله يسعدك ويسعد قلبك ... والله يخلي آم وآب كل واحد فينا والله لا يرحمنا منهم والي انحرم الله يرحمهم ويسكنهم جناته ياارب .........

يالغالي يسعدني ردك وتعاطفك
كلك كلمة وفا
فعلآ يالغالي أمي خلت لي كل شي الا السعاده لأسف ماهي موجوده طالما هي راحت من حياتي
بس ماقول غير الله يرحمها ويرحم جميع الأموات
وتســـــلم على ردك
ودمت لنا