من هنا تبدأ فضائح البنات !!!

[مجديكووو]

--------------------------------------------------------------------------------


كلمه هي سبب الفضائح كلها





هل هي هنا

***

طيب وانت ايش اسمك

انا خالد

هلا والله يا خالد .. تصدق هذي اول مرة اكلم احد .. بس ما ادري ليه انت بالذات لفت نظري

حتى انت صراحه كنت خايف مرة وانا اعطيك الرقم .. حسيت كل الناس تطالع فيني

بس خلينا يا خالد نتفق على شي ..

انت تأمرى امر يا ريم

اياك .. اياك في يوم تقول ابغى اشوفك ولا اطلعي معي ولا هالحركات .. لأنه مستحيل يصير كذا بيننا مهما حصل

افا عليك يا ريم ويش شايفتني .. يا بنت الناس انا ما ارضى عليك إلا إلي ارضاه على اختي



***

ام هي هنا

***

اقول يا خلود .. بس ودي اشوفك .. اخص عليك .. لو من بعيد

مستحيل يا مشاري .. انا عمري ما سويت كذا .. اهلي لو شافوني ولا شكوا فيني رايحين يقتلوني .. طلبت صورة واعطيتك اياها .. يعني خلاص شفتني

يا بنت الحلال .. لو ألف صورة ما تغني عيوني عنك .. بعدين انا متاكد إنك احلى مية مرة من كل الصور .. ويش دراني يمكن هذي صور صاحبتك

معقول .. انت تظن فيني كذا .. حرام عليك .. وانا الي اقول عليك تحبني

يا بنت الناس والله احبك .. ليه ما تقدري الشوق الي في قلبي .. ويش شايفتني حجر .. بس من بعيد .. ولو مرة وحده .. ولو اموت بعدها .. بس من بعيد... بكره رايح اقول لعيالنا إن امكم كانت خوافه

عيالنا .. ليه ما شاء الله كم تبي تجيب

عشرة اقل شي

لا .. انا مابي إلا اثنين بس

ايه هين .. المهم اشوفك ولا لا.. ..

طيب خلاص .. مر جنب الباب وانا رايحه افتح الباب وشوفني

ما ينفع .. افرضي احد معدي من اخوانك ولا جيرانكم .. ويش يقول عليك .. صدقيني انا خايف عليك مو على نفسي .. خليها في البقاله الي جنبكم ولا في المركز .. اشوفك واروح .. نفسي مرة امتع عيوني بيك .. ليه تستكثري علي الفرح

خلاص ابشر يا مشاري .. بس عشان تعرف إني احبك

***

ام هي هنا

***

يا منال .. صدقيني .. بس ناخذ لفه .. يعني وين حنروح

ابد يا سعود .. لو ايش صار .. مستحيل اطلع معاك

وليه بس يا بنت الناس يعني ويش حيصير .. رايح اكلك .. انت عارفتني انا متربي .. ولا عندك شك في كذا

ايه حبيبي اعرفك زين .. بس صعب علي صدقني

قولي إنك مانت واثقة فيني

انا .. ما اثق فيك .. حرام عليك

ايه .. طبعا .. ولا أخذتني تسلية

كيف تقول هذا الكلام .. وانت عارف .. انا ليل نهار حابسه نفسي جنب التلفون عشانك

ويش دراني .. بس انا دايما حظي كذا .. مهما سويت ما اعجب

يا ابن الحلال والله احبك بس صدقني صعب

انت الي مصعبتها .. ما جات على نص ساعه .. وارجعك معززه مكرمه .. ارحميني .. انا والله ما انام الليل إلا وصورتك قدامي .. كيف تكون السعاده قدامنا وما نقطف منها .. انت ليه ما تحسي بشوقي ولهفتي عليك

افرض صار شي .. ما اقدر ما اقدر .. اخلاقي تمنعني

يعني يا منال .. انت عندك اخلاق .. وانا لا .. هذه اخرتها تهزئيني

انا ما هزأتك .. انت ليش صاير عصبي

انا ماني عصبي بس كلامك الي يقهر .. روحي شوفي الشباب الي يسافر والي يصيع .. ويش طلبت انا غير شوفة عيونك من قريب .. كثير علي .. كثير على حبيب القلب

طيب .. ويش اقول لإهلي

قولي لهم أي شي .. قولي إنك عند صاحبتك بسمه وانا آخذك من هناك نص ساعه وارجعك وعد .. انا عمري خلفت لك وعد .. انت عارفه إني افديك بعيوني

طيب خلاص .. نص ساعه بس .. احلف

والله

لا .. قول والي يخلي لي منال

والي يخلي لي منال

***

ام هي هنا

***

يا عبير خلينا ننزل .. ربع ساعه بس

ابد والله ... و لو دقيقه

يا عبير يا حبيبتي .. يا عيوني .. يا عمري .. ربع ساعه.. والله ربع ساعه بس .. نفسي مرة في حياتي .. اشوفك من غير خوف .. املي عيوني بيك .. الى متى انا وحبك والخوف عايشين سوى .. حرام عليك .. والله لو تحبيني نصف حبي كنت نزلت

صعب يا سعد .. لو ايش صار ..انا طاوعتك في كل شي .. إلا هذه

طيب انت شفتيني طلعت رجال في كل شي .. يعني هذي الي بطلع فيها خسيس .. هذا قصدك

انا ما قلت كذا

معليش .. هذا معنى كل كلامك .. إذا هذا رأيك فيني .. ليه تخليني احبك من اول .. ليه تخليني أفكر بيك .. كيف تضحكي علي وتقولي ما اتزوج غيرك

انا ما أضحك عليك .. وما راح اتزوج غيرك ولو اموت

طيب الي يسمع كلامك يقول إني رايح اغتصبك .. انا عمري شكيت فيك .. ليه انت تشكي فيني

ومين قال إني شاكه فيك

هذا معنى كلامك .. ولا كنت نزلت .. يا بنت الناس انزلي كان يمدينا الحين راجعين .. نفسي بس احضنك واملي عيوني بيك .. ليه انت تحبي تعذبيني .. ليه انت قاسيه كذا .. فين حبك لي .. فين حنانك .. كل هذا وهم

انا قاسيه !! المشكلة إني عمري ما سويت كذا .. عمري

عارف والله حبيبتي .. ومتأكد بعد .. وهذا الي مخليني متعلق بيك ومستحيل اتزوج غيرك .. ويخليني اطلب منك أي شي .. ولو مستحيل لاجل إني عارف إنك تحبيني وتثقي في حبي لك

خلاص .. بس ابيك توعدني .. خمس دقايق بالضبط .. وترجعني

اوعدك .. والي يفقدني عيونك .. الي هي أغلى شي في الدنيا خمس دقايق بس .. ونكون راجعين

***

ام هي هنا

***

لا وليد .. حرام عليك .. انت وعدتني

يا سميره يا عمري .. مو احنا حانتزوج حنتزوج .. ولا انت حاطتني تسليه

كيف تقول هذا الكلام .. خليها ليلة الدخله ارجوووك

يا بنت الناس ما فرقت .. كلها ايام وأكون في بيتكم

لا يا وليد .. لا .. خليها لا تزوجنا .. انت وعدتني خمس دقايق

مستحيل إلا اليوم ..تبغي الصراحه ... ضربت في راسي ولاجل أضمن إنك تكوني لي طولي حياتك

والله انا لك .. بس ارجوك خليني ارجع

سميرة .. روقينا ... كان يمدينا خلصنا .. هذا الي تقولي الحب .. وافديك بعمري وبنفسي

ارجوك يا وليد .. افديك بعمري وانت عارف ..لكن بلاش الحين .. خليها لاتزوجنا .. الله يخليك .. الله يستر عليك

اسمعي .. والله دقت في راسي ..ومافيها كلام .. وانت جالسه تضيعي وقت .. ورايحه تتأخري على اهلك .. يعني الفضيحه عليك ماهي علي .. مشيها بالطيب وخلينا نحب بعض .. بدل ما امشيها بشي ثاني

تكفى يا وليد .. تبغاني احب على يدك .. احب على رجولك .. الي انت تبغاه اسويه ..... طيب خليها بكره

لا تحبي على يدي ولا على رجولي .. احمدي ربك .. غيري لو طلعت معاه وحده عزم عليها خوياه .. وطول عمري رجال معاك ما ناديت احد .. خلصينا ولا تضيعي وقتك .. تراك اتأخرت على اهلك

والي يرحم والديك يا وليد .. والي يرحم والديك .. خليني ارجع .. وعد اسوي الي تبغاه .. باكون خدامه عند رجولك .. والي يرحم والديك

اقول فكينا من والدينا .. مشيها بالطيب من غير ما امد يدي عليك و تروحي البيت وملابسك مقطعه وحالتك حاله

يا وليد تكفى .. صورني خذ أي ضمان .. والله .. والله .. والله .. اجيك بكره

اقول .. الظاهر إنك ما راح تيجي بالأدب

***

أم هنا

***

خالد ليه ما تتصل

مشغول

ليه كل ما اتصل عليك تقفل

اقول مشغول ياريم انت ما تفهمي

لا خلاص افهم .. افهم .. يا خالد لا تزعل نفسك .. لا تعصب نفسك .. بس .. بس .. انت وعدتني تيجي

وين اجي .. اقول لك مشغووووول .. انت ما تقدري .. ما عندك احساس .. ما عندك تقدير .. خلاص لا فضيت اتصل

حرام عليك يا خالد .. وين ريم حبيبة قلبك إلي ما تنام إلا على صوتها

عودنا لنفس الإسطوانه

خالد انا جاني عريس

بالبركه طيب الله يهنيك

بالبركه ! .. هذه آخرتها .. ترضى كذا لأختك

اقول احترمي نفسك .. ما بقى غيرك انت تتكلم عن اخواتي



*/*/*/*

المشكلة ليست هنا .. ولا في أي مكان .. الذئب كلما كان شرس زادت حلاوة لسانه .. كلما ازداد سم الأفعى ازدادت نعومتها .. وغدا ستكون هي مثله من قطيع الذئاب .. من جنس الأفاعي

المشكلة في كلمة واحده

غير



غير



غير



انا غير ..



خالد غير .. سعود غير .. مشاري غير .. وليد غير

كلهم غير .. مشاكل الفتاة في هيئة الأمر .. غير مشاكلها في الشرطة .. غير فضائحها على الإنترنت .. غير وضع أنف أبيها في التراب .. غير .. غير .. غير

كلا منهن تبدأ بهذه الكلمة .. مستحيل أن تتصور أنها ستكون بطلة فضيحة أبدا .. الإنترنت ملئ بصور فتيات كانوا احرص مما تتخيلوا .. قضايا وعار لفتيات كانوا أشرف مما تتخيلوا .. وكلها من كلمة واحده




غير



حسبي الله ونعم الوكيل في كل من باعت شرف ابوها وعرض اخوها من اجل كلمة .. احبك

[المحتار-]

انا كبدايه اقول ان التصرف هذا غلط
وانا معاك في كل شئ تقوله
لكن مو معني ان البنت المسكينه اتورطت يقوم الاخ روميو يفضحها
( الستر زين)
عشان يصير لها خط رجعه وتتوب ولاينسد امامها هذا الطريق
وشكراااااااااااااااااا

[ظالمني زماني]

سلمت أنمالك لما خطت
واقع مرير من كل الطرفين
كلن يحاول أثبات نفسه ولا يبالي بالعواقب والفضائح
بسبب الثقه المزعومه والمتبادله من الطرفين
حسبي الله ونعم الوكيل
اللهم استر عورات المسلمين واحفظهم
دمت بحفظ الله

[حــنــونــه]

لاحول ولاقوة إلا بالله
الله يستر على بناتن وخواتنا وامت محمد اجمعين

[مشآع ــر طفلهـ]

لله درك اخي على هذا الجمال
نعم اخي
هذا مايحدث من ذئاب الذكور
فالتوعيه في هذه الجوانب مطلوبه
وبخاصة من الاهل والاخوة الشباب
تجاه اخواتهم الإناث
لأن الشباب هم ادرى بهذه اللاعيب
اخي
طرح رائع بالفعل
ويحاكي ماسأه يمر بها الكثير من شبابنا
والسبب الأساسي هو
(( إدعــاء الحب الكــاذب ))
.
ولكن اخي اريد ان اوجهـ لك سؤال وملاحظهـ فقط .. ؟؟!
انت كتبت الموضوع تحت عنوان ( من هنا تبدأ فضائح [blink]البنات [/blink]) وتعجبت أنك حددت البنات وأبعدت الشباب عن الموضوع .. ولا كأن لهم ضلع في هذه القصص التي تم طرحها !!!
فمما لا شكـ بهـ ان الشاب يترتب عليه العاتق الأكبر من الموضوع وليس الفتاة ..!

][ اخي مجديكوو ][
رائع مانثرت وجميل ماطرحت لله درك على كل ذلك
طرح ديني رائع ومهم
جزاك الله عنا كل خير واثابك الله عن كل حرف من ماطرحت
بحسنه مباركه ورفعك الله فيمن عنده وأعلى مقامك ومنزلتك
تقبل مني ودي وولاي
ودمت بأسعد حال على مايرام
حلاها تميمي

[a.zoooof]

مشكوراخوي عالموضوع
بس مصيبه ان للحين في بنات مايستوعبون هالكلام اما من ناحيه الشباب
اشك ان في امل فيهم ودي ان يكون لهم رادع قوي زي ماللبنت رادع
ودي ان جات البنت للشاب هو اللي يرفض
عموما لو كان لكل الجنسين رادع قوي ماكن صار ذا حالهم
ليت الشاب قبل مايضحك عالبنت يفكر بربه باهله بانه بيكسب ذنب كبير من حرام سواه
ليش مايحاول يكسبه من حلال وكذا يكسب الدنيا والاخره
والمصيبه ان الشباب لهم حقوق الخطبه والزواج والمبادرة فيها
يعني مايستخدمونها ولاياخذون الاطريق الحرام
طيب قدر وش اعطاك الدين والمجتمع
تحياتي

[احلى عسل]

حســــــبيالله ونعم الوكيل الله يستر على امة محمد

[قـمـ الــود ـري]

شكرا مجديــكو .. لا أستطـيع الخوض في غمار هذا الموضوع .. لسبب شوائكه المتعددهـ .. والتي تجعلنا نطيل النظر فيه .. ومن ثمـ نذهب بعـيداً في التأمل .. ومن ثمـ لا نلبث إلا أن نقول .. شكرا أيها الكاتب الكريمـ

[عيون الحب 920]

مجديكوو الله يستر والله انها مشكله ولاكن اين العاقلين من الرجال والنساء

الكل يرمي نفسه ولايحسب للايام اي حساب وبعدها يقول لو فعت او تركت ما كان هذا حصل



على العمو يعطيك العافيه على الموضوع ونحتري الجديد لديك وشكرااااااااااااااااااا


اخوكــــــــــــــ عـــــيـــــــون الــــحبــــــــــــــ920

[ROPY]

يعطيك الف عافيه على طرحك ولكن،،،،،،،،


انا شخصيا لا اصدق كلمة الحب في مجتمعنا ومااقدر اقول الا هذا جزاء كل وحده تثق في واحد ماتعرفه ،،،،،،،
ويارب انك تستر بنات المسلمين ولا تفضحهن

وتحميهن من هذه الفئه المريضه والتي تعاني من مشاكل وضغوط نفسيه

على كل الاحوال اشكرك على طرحك المميز واللي يحتاج بالفعل النقاش فيه
وشكرا