إيه أحبك ؟!
أحبك ؟!
و هذي محتاجة سؤال !
يعني بعد الشعر هذا
و السهر و الهم و ألوان العذاب
بكل بساطة تسأليني عن مدى حبك ..
وش سبايب هذا السؤال ؟
و إنتي أصلاً عارفه
مو بيدي أبتعد
و أفتح أبواب الغياب
لكن الدنيا كذا
أجبرتني أبتعد
و أجبرك إنّك تشوفيني سراب ..
طالعيني زين
تلقين الهوى في عيوني لك يبين
طالعي هذي الحروف
نصفها منك و فيك
و نصفها الثاني ظروف
تزرع دروبي بخوف
و تقتل أحلام الوصال
طالعيها زين تلقيها تقول :
إيه أحبك
إيه أحبك
بس هذا الوقت عن شوفك يحول ..
جربّي مرة عشاني
تفهميني
و لا تردي و تسأليني
و الإجابة في حروفي
و قبل ما تقري حروفي
طالعيني
و اطردي كل الظنون
لأن حبك له ملامح
تنفضح في هالعيون
طالعيها و ريحيني
من عنا وحشة سنيني
و لو سمحتي يا حياتي
عن عذاباتي خذيني
يا هوى روحي
و يابسمة سنيني ..
خلي الحيرة تودع عاشقك
يكفي اللي صار
يوم راح وفارقك
من يوم نور الوصل في عينه انطفا
ما عرف طعم الوفا
و لا سكن يوم فــ خيالاته سواك
و لا لقى
غير الألم .... غير الشقى
غير العذاب
بس مدري ويش بقى ؟!
لكم مني أرق و أعذب تحية
شامي
أبو محمد