معــانات انـــسان ( للجميع)

صــــالـــــح · 21-10-2006, 12:18 AM

السلام عليكم ورحمة الله وبركاته
القصه هذي فيني انا شخصيا وبصراحة ابي اعلمك بالقصه وانا اول مرهـ اقولها للناس إلا قليل اللي يدرون
بسم الله الرحمن الرحيم
انا انسان قبل سنتين تعلمت التدخين وقعدت فترهـ مع الدخان إلى ان جاء اليوم اللي ما كنت اتوقع فيه اني اطيح في شي ما اعرفه إلى ان جاء اليوم اللي مد فيه واحد من الشباب يدهـ لي وكان يقول يارجال ماعليك فيها كلها وهي حبوب على ما يسمونه ( ابيض) اكلتها ما فكرت في عواقبها وسرت كل ما قابلته اطلبه من الحبوب اللي يعطينيها لأني احس اني نشيط لدرجة اني كنت اروح البيت ما يجيني نوم واطلع ادور لي شغله يا اني اغسل السيارهـ عند الباب او اني اروح امشي لدرجة اني يوم من الأيام مشيت 12 كيلو من الناصرية إلى الدخل المحدود ووقتها كان عمري 18 سنه في سن المراهقة واروح المدرسة مواصل ما انام إلا اذا طلعت من المدرسة وبعض الأحيان ما يجيني نوم لدرجة ان ابو شك فيني وكنت اصرفه يقولي ليه ما تنام اقوله توي صاحي قبل شوي ابليس كذاب وبعدها طحت في الزقارهـ ( الحشيش ) وسرت على قولتهم (اكمخ) يومياً لدرجة اني اضحك من اي شي يقولونه الشباب اللي معي حتى لو يقولين شي ما يضحك اضحك ومشيت علىذا الحال لمدة 9 اشهر بعد الحبوب اللي قعدت استخدمها لمدة 5 شهور ويوم اني تركت الزقارهـ تعرفت على ناس عندنا في الرياض يماشوين عيال شيوخ وبعدها صارو اخوياي وجت الطامة الكبرى يوم شفتهم يستخدمون شي مو حبوب ولا زقارهـ يستخدمون ( ابر هروين ) جربتها واعجبتني من الشيطان كان يقولي خذها ما عليك في الشباب اللي معك واستخدمتها وقعدت عليها 3 شهور وحاولت اني ابطل بس ماقدرت حتى اني كنت افكر انتحر وبغيت اقتل اغلى الناس عندي بسبب المخدر بغيت ياناس اقتل ( ابوي وامي ) ليه طفرت وصارو ملاعين الوالدين يبيعونها علي وكان سعرها ما يقارب (500 ريال ) تمشيني يومين على كيفي وين ما ابي اروح توديني هذي الأبر وفكرت في اني اتعالج والحمد لله ربي حماني رحت مستشفى الأمل في الرياض على طريق الملك خالد والمعالجة حقتهم والله ياناس سريه قعدت عندهم في العنبر رقم 2 شهر كامل والحمد لله تعالجت وطلعت من البلا اللي الشيطان رماني فيه تخيلو ياناس اني كنت مدمن مخدرات تدرون اني ما عرفت الأنترنت ولا المنتديات ولا الشاتات إلا في مستشفى الأمل انا ما اقولها افتخر لا انا اروي لكم قصة معاناتي في الحياة وانافي عز الشباب والحين الحمد لله ربي هداني ورجعني للطريق الصواب ربي رحمني ورجعني على الطريق الصواب هذي هي الكلمه اللي قالها لي الدكتور خميس الله يجعلها في موازين حسناته وارجوك ياقراء قصتي اللي يعرف احد مدمن او انه يستخدم يرسلي رساله على ايميلي وانا اوريه شي عمرهـ ما يتوقع ان هذا بسبب المخدرات
الإيميل هو
Saleh1_1407@hotmail.com
هذي هي قصتي وصلى الله وسلم على نبينا محمد

الــيزيـــد · 21-10-2006, 06:04 AM

جزاك الله كل خير

الــيزيـــد · 21-10-2006, 06:08 AM

جزاك الله خير

عذوب · 22-10-2006, 04:42 AM

وبغيت اقتل اغلى الناس عندي بسبب المخدر بغيت ياناس اقتل ( ابوي وامي )

لاحول ولا قوة الا بالله

الحمدلله اولا ياأخوي على سلامتكــ مو اي احد يخش في هذا العالم يطلع منه زيك
ياكثر وياكثر ماراحوا فيها اوادمــ
لكن الحمدلله ربي رحمكـــ وهداكـــ

ومبروك عليك وعلينا كلنا في الود توبتكـــ
الله يثبتك ويحفظك يارب

ذكرتني بقصة التائب يوسف الصالح....

اخوي الله يجزاك خير انا اضفت الصفحه للمفضله لاني ماحتردد من اي احد يبغى مساعده باذن الله حرسله لكــ والله يجزاك خير
الله يجزاكـــ خير
شجــــــــــــــاع بكل معاني الكلمه