علمونا في المدارس كيف نقرأ ذا الحروف
علمونا كيف نرسم كيف ننقش بالنحاس
علمونا كيف نكتب كيف نبدع بالوصوف
كيف نبحر بالمعاني كيف ناخذها التباس
علمونا كيف نصبر كيف نقوى هالظروف
كيف نبني هالمواقف استجابه للحواس
والحقائق علمونا كلها سمع وشوف
علمونا وعلمونا كل شي وبالمقاس
وان حفظنا كافئونا وان نسينا بالكفوف
كل موقف له طريقة والجزاء هو الاساس
فوق هذا سلمونا ولا منعوا عشق يلوف
ولا عطونا درس قاسي يمنع القلب النعاس
يمنع القلب يتمادى ثم ياخذنا حتوف
بين موت وبين شوق وبين لذة سم كاس
اتركونا للمشاعر نحترق لوعة وخوف
نحترق بطول مسافه كلها شوق يداس
واتركونا في الصحاري ثوب مشقوق الكتوف
يحتوينا قيظ حب في عذابه مات ناس
ليتهم ما علمونا بس عطونا بالوقوف
درس ماشي به نماشي قسوة الحب ويباس
ليتهم بس علمونا كيف نطفي نار جوف
كيف نمنع ذا الخفوق ونتركه بارض مساس
ما يجيه الود لحظة ولا نغني بالحسوف
ولا نقول سلون عشنا والعمر ماله قياس
هي اماني والاماني حلمها فينا يطوف
ان خذتنا بالحقيقه ما خذتنا باختلاس
وليتهم وسط المدارس ما عطونا ذا الحروف
ولا عطونا كيف نرسم كيف ننقش بالنحاس
من بين دفاتري اخترتها لكم
اتمنى تعجبكم
العرض العادي
