سلام....وش اخباركم وش علومكم
اليوم انا فرحااانة مررررة عشان انهيت الاختبارات
ومرفوع ضغطي مرررررة عشان بكرة النتايج>>>ادعوا لي اني اجيب نسبة
وحبيت اضع موضوع للحاجات اللي بترفع الضغط<<<<<امووووت على كلمة اضع
الأشياء اللي ترفع الضغط كثيرة ... ومنها مايلي
* أنك تشرب ببسي حار
* أنك تصلي وأنت لابس شراب مشقوق
* أنك تعطي أخوك سيارتك ... ويرجعها والتانكي فاااضي
* أنك تدخل المسنجر .. وما تلقى ألا اللي ماتبيهم ......
* أنك تـتـفاهم مع رجل أمن سعودي ......
* أنك تناظر مباراة على الـ ( art ) وأنواع الحماااس وفجأة ينقطع الاشتراك ....
* أنك تلعب كوره وأنت حافي .. وتشوت غطا البياره ......
* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في
الاختبار ......
* أنك تعطي جوالك لواحد ويرجعه لك والرسايل محذوفه ....
* أنك تقوم من صباح الله وتروح للجامعة تمشي مليون .. وتلقى الدكتور معتذر ..
* أنك تقوم الصبح وتلقى معجون الأسنان مخلص ....
* أنك تنزل للبقاله وما تلقى عنده عسكريم جلكسي .......
* أنك تـَـغص بالماء .......
* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال
معه ......
أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون .....
* أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه ...
* أنك تكتب موضوع طويييييييل وأذا جيت ترسله يطس مدري وين يروح .....
* أنك تغص ولاتلقى أحد يطق ظهرك ....
* أنك تتفرج على اجتماع دول مجلس التعاون الخليجي .......
* أنك تلبس نظاره وسخه ......
* أنك تشوف فـلم .. وواحد جنبك يقولك القصة ......
* أنك تمسك خط وفيه ذباب بسيارتك وتفتح الدريشه ولا يطلع ....
* أنك تسوي فيها متابع مع الدكتور وتتوهق ويسألك سؤال وماتقدر تجاوب .......
أعتقد إنها ترفع الضغط ولا لا ؟؟؟؟
الي يبي حبووب ضغط يقووولي
وسلامتكم
العرض العادي
