أشرايكم في هالسالفة ؟؟؟؟؟؟؟؟؟؟

[فارس بلا جواد]

إخواني .. أخواتي .. فأنا ماعندي.. layde is first .. ومثل ماهو باين هالمرة بيكون موضوعي بالعامية لني بتكلم عن واقع مرمرنا ومرمر أسرنا.. وبدون هذرة زايدة ومقدمات ماصخة .. حلونا مع بعض نعيش يوم واحد في بيت واحد من بيوتنا .. بيتي .. بيتك .. بيت الجيران اللي هو .. المهم بيت من مجتمعنا .. شلي نشوف ..
دقت الساعة ست وربع قام الحبيب ولا النفس خايسة وطبعاً صلاة الفجر جطل وهم قامة هي ونفسها مب أطيب منه وإن كان عندة شوية بزران قومتهم وكلاً توجة وأنتم بكرامة لدورت المياة كنهم أشباح .. تر إلين ألحين محد صبح علىالثاني .. راح الحبيب العمل ووصل بزارينه وكانها تشتغل قطها في طريقة ولا عودت واسمتتها نومة ليبعد الضحى .. رأرجعوا الجماعة الظهر وحرة الشغل بيطلعها في بيته المهم تغدوا ثم قيل للمغرب وهم صلاة العصر جطل .. وقام وكثر الله خيرة كان تقهوا في بيته ولا الشارع يناديه يقضي بعض الأشغال الخاصة ومنه للدارية ودق بيلوت وضحك وسعة سدر إلى الوحده أو ثنتين وبعدها رجع البيت والعيال نايمين مادرى والله عنهم والمرة تفتح عين وتغمض عين وكان له حاجة قضاها لا .. وبنفس خايسة ثم قط روحة على الفراش ولا هالموذية تجلسه الساعة ست وربع .. يوم جديد ..
شرايكم بالله عليكم هذه حياة .. حياة تقصر العمر .. والله ياجماعة هذا اللي صاير في كثير من بيوتنا ونسئل ليه نسبة الطلاق مرتفعة عندنا .. الجال ماد بوزه شبرين والمرة شبر .. وماتدري ليش ؟؟ محداً طايق الثاني ماتدري ليش ؟؟ يوم كامل يمر عليهم ماتسمع كلمة عمري .. حبيبي .. قلبي .. علمهم بهالكلام الزين من أيام الخطوبة .. مع أن الكلام الحلو والله ياجماعة ينثر وزهور الحبة والود في البيت ( مثل زهور منتدانا ) ولا حنا بخسرانين شي لو قلناه لكن امعصي ماينقال لامنه ولا منها .. تقول كنه محرم ..والقهر لو واحداً لعاب ويكلم الله يكفينا الشر وحده مغازلشية كان غرق والديها بالكلام المعسول اللي والله ربعه يخلي حياته الزوجية جنه وبيته بيئه صالحة له ولعياله وياليتنا ناحذ من الرسول عليه أفضل الصلاة والتسليم عبر في معاملته لإزواجة وهو الرسول ..
إحواني .. حبايبي .. غيروا روتين حياتكم الممل .. وعمروا بيوتكم بالحطوات التالية ..
_ الكلام الحلو ( الكلام ببلاش وعجل قبل لايحطون عليه رسوم )
_ الهدية الحلوة .( تهادوا تحابوا ) والله لو وردة .
_ المصارحة بالعيوب والأحطاء .
_النزهه مرة مع الأسرة ومره مع ( القره )
_ الجلسة في البيت وتخفيف الهياته .
_ وأهم شي مراقبة الله سبحانه في كل أعمالك
هذي بعض النصايح اللي أتمنى أن تلقى لهاأذن وماني والله بأحسن حال منكم لكني وجهة النصيحة كما أمردن ديننا ( الدين النصيحة )
تحياتي .*7

[××دمـ ألم ـعة××]

يعطيك العافية فارس كلامك 100%


والله المستعان

[فارس بلا جواد]

الله يعافيك ويبارك فيك

[طيف حزين]

السلام عليكم ورحمة الله وبركاته

اخي الكريم فارس بلا جواد ...

مشاركة مميزة وموضوع يمس الواقع ... وبالفعل هذا حال ثلاث ارباع اسرنا ..

والادهى ... انهم يشتكون من الملل والكآبة والروتين ... لكنهم لا يفعلون أي شيء لتغييره ..

كل من الزوجين ينتظر الاخر لكي يقوم بالخطوة الاولى .. ويطول هذا الانتظار حتى تصبح المسالة

غير مهمة لهما .. فلا هذا يهتم ولا هذه تبالي ... والنتيجة .. حياة كئيبة .. منزل موحش .. ابناء تائهين ..

وقد يصل الامر للطلاق وهدم هذا المنزل وتشتيت افراده ..

ولو ان الزوجين ابديا قليلا من الاهتمام والمشاعر لتغيرت الحياة تماما .. ولأزهر الدرب امامهما ..

ويكفى بالزوجين ان يقتديا برسول الله صلى الله وعليه وسلم وازواجه امهات المؤمنين ليعيشوا في هناء وراحة

بارك الله فيك اخي فارس ,, واثابك خير الله خير الثواب على هذا الطرح الرائع والنصائح الفعالة ,,,

لك مني كل الشكر والتقدير .. واعتذر بشدة لتاخري في الرد على موضوعك ..

[فارس بلا جواد]

أختي الفاضلة .. حلـــــم ..

كل الشكر لردك وكل التقدير لإعتذارك ..

وفقني الله وإياك لما فيه صلاح أنفسنا وأسرنا ومجتمعنا ..