عليان وسوسو..
أبطال قصتنا
}{عــــلـــــي}{
علي شاب شيفه قروي ومتعزب بالرياض لحاله ومتوظف على بند الاجور في شركه خايسه
ذاك اليوم كان علي منسدح في شقته والجوع يفغص بطنه فغصا
قام يبي يجيب غدا وفتح البوك حقه مالقا الا صرصور منبطح فيه
فكر في طريقه عشان يجيب أكل لقى الوضع مسدود من كل ناحيه لان السوبر ماركت اللي جنبهم يطلبه ديون والبقاله اللي وراها راهن عندهم بطاقته ورخصته راهنها في محطة بنزين (ياحياة الزفت )
طبعا ولان المثل يقول الحاجه ام الاختراع (والله مايمديكم ياجحلط )
لبس علي ثوبه وشماغه وسرواله وفنيلته <---- اخلص
وتوجه الى احسن مطعم بالرياض كلها
ودخل المطعم وهو راز بنت البكار وماسك بيده جواله المفصول من
عشرين عام قضن وش فكرك فيا ** شيبنا شوف الشعر لونه اشعمل بيا <---طررررم
ونفخ صدره ورفع خشمه بكل كبرياء وقال للعامل اللي بالكاشير :- وين
مدير المطعم ؟؟
ويجيك مدير المطعم وهو يراكض ايوه ياأفندم اتفضل
ويتكلم علي في الحقيقه انا ساكن في الحي اللي وراكم وسمعت كل خير عن هالمطعم الرائع وحيث انه عندنا عزيمه كبيره اليوم قلت نبي نسوي العشا عندكم
ويتشقق المصري أوامرك ياافندم دا المحل نور وحياتك وكلنا خدامينك <---كل تبن بس
ويطنشه علي ويسوي انه يدق بالجوال وانه يكلم بيتهم
ايوه ايوه انا بالمطعم الحين __ ايه يعني بس والله ماني متطمن لان الضيوف اليوم مهمين _ طيب بكلم المسؤول عن المطعم
ويقول للمصري والله نبي ناخذ من عندكم عينات للسلطات والاكلات والعصيرات عشان الاهل يشوفون ويتأكدون
ويطامر هالمصري ويحط شوي ورق عنب وشوي سلطة روسيه وشوي مشويات وشوي عصير كوكتيل وشوي كذا وكذا
ويلم الاكياس عليان ويعطي المصري كرت (كرت ولد عم عليان )
ويقول هذا رقمي اتصل ونخدمك في الافراح وانا راح اكلمك عشان تحضرون الطلبات (وازررررف الرجال )
وبينما علي طالع من المطعم لاحظ دخول شاب اخر لنفس المطعم ويطلع علي ويركب التيرسل 89 لكنه لقى سياره موقفه وراه وساده الخط وقعد ي! ضرب بواري لكن محد رد
================
}{ســــوســـــو}{ :-
كما يحلو لعشاقه مناداته ,,,أسمه الحقيقي سمير وخكري وشعره طويل
وماخلا لازفت ولاطين الا وحطه على شعره بس للحق اهله اجاويد بس مدري الظاهر انها تربية الشغالات والقعده مع النسوان
عاد جلس سوسو هذاك اليوم يتقلب ويتسدح ويقول في نفسه يووووه والله تفش اليوم
وقعد يقرا في مجلة (جمالك ايتها الخكريه) <----- انواع التأليف
وبعدها قام ومسك التليفون وأتصل على صديقه :-
الو ,,,, وائل موجود ؟ ,,,, تيب مو مشكله قولي له
سوسو ســـــــــديقك اتسل فيك (ترا السين هذي معتمده من قبل لجنة الفيفا للخكاريه )
قال في نفسه سوسو وراه مااطلع اتغدى برا اسرف (اصرف) بدل من التفش اللي في البيت
ويتوجه للمطعم اللي فيه عليان وعلى دخلة سوسو كان عليان طالع
ع! اد سوسو يوم شاف عليان احس برعشه في جسمه وقال في نفسه (معقوله هذا اللي يسمونه الحب من أول نظره)!!
==================
علي جالس يضرب بواري عشان اللطخ الي موقف سيارته وراه
ويطلع سوسو على صوت بوري السياره وهو يقول :- تيب تيب ياخي خلاص بتلعها (بطلعها )
ويطلع سيارته ولان عليان غشيم وهو طالع حكحك سيارة سوسو الجديده
ويقعد سوسو يسارخ (يصارخ ) ياحيوان ماتشوف سدمت السياره اللي تو شاريها باباه
وينزل عليان وهو يقول حيوان جابته أمك <--- غشيم وله وجه يتكلم
وكلمه منا وكلمه مناك مسك عليان راس سوسو وقعد يخبطه في رفرف التيرسل
ولان سوسو ضعيف الحيله لكنه رزق باصبع عليان وهو يدخل في فمه ويعضه سوسو الين سمع صوت كسر وفكه
انتهت الهواشه وكل راح بيته مسفرة عن تكميخ سوسو الين داخ
راح عليان للبيت وتغدى من الغدى المزروف ورقعها نومه
سوسو بعد ماراح البيت وهو مغبون من التسطير اللي جاه قعد يسوي اتصالاته على زميلاته قصدي على زملائه
وكل شوي يكلم واحد من أســــــ! ـــدقائه
عشان يجيبهم ينتقمون لكن كلهم يوم شافوا ان الهواش ســــــدقي (صدقي) ويختلف عن افلام الكرتون قاموا يصرفون سوسو
انسدح سوسو وكأي شاب سعودي قعد يحرك لسانه داخل فمه ولان اللسان يقعد يتحرك اوتوماتيكيا بدون رادع الا الاسنان هي اللتي تكبح جماحه ولا كان طلع اللسان وتدلى على البراطم لكن هالمره لسان سوسو قعد يتحرك داخل فمه الين لقا منفذ يخرج منه
وأكتشف سوسو ان هالمنفذ ماهو الا سنه المكسور وتذكر انه يوم عض عليان سمع صوت كسر لكنه ماكان كسر اصبع عليان
زادت الغبنه عند سوسو
ومالقا شي يسويه الا انه قام يحلق شنبه (لو تسال وش اكثر شي مظلوم عند الخكاريه لبكى الشنب وشكى )
وفجأه دخل ابو سوسو ولقا ولده قاعد ينتف الشنب
ويصيح ابوه افا يالعلم وانا كل مااسئلك يازلابه عن شنبك تقول توني صغير ماباقي طلع !!
ويطسه بكف وسوبلكس خلفي مصحوبه ب! ضربة مرفق 0
ويطرده من البيت
ويطلع سوسو والعبره بتخنقه ويقعد يتمشى بالشوراع لان ماله احد بالدنيا الين انتصف الليل ويروح مطعم يبي يتعشى لكنه اكتشف ان مامعه فلوس وقعد يبكي عند المطعم كأي شاب خكري ضاقت به الدنيا
وفجأه طلع عليان من المطعم ووراه مصري يقول :- انشاءالله يعقبكم الاكل ووحأنتزر اتصالكو
ويشوف عليان سوسو يبكي وتهب النخوه والقرفه فيه ويمسكه ويقول وش فيك عسا ماشر ؟
ويرد عليه سوسو بصوت مخنوق :- بابا طردني من البيت ولا معي فلوس اتعشى
قال عليان تعال قبرتني تعشى معي ولقمه هنيه تكفي ميه 5
======================
ويتوجهون لشقة عليان وعاد سوسو يسولف ويقول لعليان :- ياخي ماشالله عليك انت قوي ورا ماتسجل في WWF
ويرد عليان اقول اها بس وتعشى انت ووجهك
ويتعشون ويصلحون راس معسل ويقعد عليان يحاول في سوسو انه ياخذ له موش وبعد جهد جهيد وافق سوسو انه يشيش
وياخذ له كم موش بعدها سطل سوسو وداخ ويصيح بأقوى قوته وهو يقول كل الشنبات بحلقها
ويرد عليان ماتخسى انت ووجهك ويفك لي الشيشيه ويمغط سوسو على دميجته أقعد بس لابارك الله في الشغاله اللي ربتك انت يبيلك شغل واجد عشان تصير رجال سيم سيم أنا 5
ويقعد سوسو وهو يغني أغنيه كوكتيل من عبدالمجيد عبدالله مع بريتني سبيرز من السطله
اليوم الثاني بعد الظهر دخل عليان في الشقه ولقا سوسو قاع د يحلق ساقه
ولاأحد يدري ماذا حصل في ذلك اليوم المشؤوم ولكن بعد اسبوعين من سكن سوسو مع عليان
كان عليان ماسك سماعة التليفون وقاعد يتصل ويقول:-
ألوووووو ,,,,,, لؤي موجووووووود ؟؟ ,,,,, طيب قولي له
ســـــــــــــديقك (عــــوعـــــو) اتسل فيك
لوووووول منقوووووول
العرض العادي
