مساء الخير ،،، حبيت ان انقل لكم هذا القصيدة فى الحب
احبك من هنا لاخر محطـات الغـلا لهنـاك
أحبك كثر ما يهوى رضيع الصدر غفوآتـــــــه
احبك يابعد كـل الحـروف وعلّهـا تفـداك
أحبك يابعـد بيـت القصيـد وكـل غايآتــــــــــــــه
أحبك يابعد عمرٍ قضى منـي علـى ذكـراك
أحبك يابعـد مـن داج بالدنيـا بخطوآتــــــــــــــه
أحبك يادفى برد السنين اليا غفـت بحمـاك
أحبك يا امل عمـر الوحيـد ويابعـد ذآتـــــــــــه
أحبك يابعد قلبٍ نزف كـل الغـلا لرضـاك
أحبك يابعد كـل العيـون ونـزف دمعآتــــــــــــه
أحبك كثر ماتبرى جـروحٍ لامسـة يمنـاك
أحبك كثر ما يلجـا فقيـر الحـال لسكآتـــــــــــه
أحبك بس لو تعرف وش اللي بالحشا ينخاك
وربي لو كشفت اللي بقلبي!!مـت لرضآتــــــه
أنا وشلون ابين لك غـلاك ولهفتـي للقـاك
انا وشلون اعبر لك عن اللي بيـن طيآتـــــــه
أنا لو قلت لك ببعد وابرحل وانتحي وانساك
لسانـي!! واعرفـه لازّل ياشيّنـه بزلاّتــــــــــه
تعال ارجوك شفني من رحلّت وعبرتي تنعاك
تعال وظمني ياحـي ذا الطـاري وظمآتــــــــــه
تعال وداوني ,,واللي خلقني يالدواء بشفـاك
يقولون الجمر طب المريـض بحـر كيآتــــــــه
تعال وخل عنك الصد والهجران!! مايزهـاك
حلاتك توصل اللـي يـم دارك زاد جيآتــــــــــه
أنا والليل وابيات القصايد فـي امـل لقيـاك
اقول الشعر والليل الحزيـن يعـدّ نجمآتـــــــــه
نعزّي نفسنا ننطر تسابق لهفتـك وخطـاك
نقول ان الخطى تقصر ولا تسبـق للهفآتـــــــه
أماني عاشت بصدري اغاني داخلي تهـواك
تموت ان غبت وان رديت عاش الليل وابيآته
أنا مقدر على بعدك على صدك علـى فرقـاك
يموت بغيبتك قلبٍ نزف لك حـر حسرآتــــــــــه
دخيل الصبح في وجهك دخيل الليل لا غطّاك
دخيل الرمش لاسيّر علـى خـدك بسجآتــــــــــه
دخيل الجمر والسكردخيل البلسـم! الفتّـاك
دخيل اللي تثنّـى ليـن عذبنـي برقصآتـــــــــــــه
أمانه ترحم اللي شاف منّك صدتـك وجفـاك
دخيلك تدمـح الزلـه وغلطآتـه وهفوآتــــــــــــه
أحبك من هنا لاخر هنا لاخـر هنـا لهنـاك
احبك لعنبو حي الرضيـع وحلـو غفوآتــــــــــــه
العرض العادي
