بسم الله الرحمن الرحيم
الضّـــــعــــــــف مفهوم كلنا نعرفه ونعترف فيه ونعرف إنه موجود بين افراد البشر على درجات متفاوته لكن زي العادة أنا لي وجهة نظري الخاصة بالضعف اللي أحب اشاركّم فيها وبعد آخذ آرائكم فيها وفي الموضوع نفسه ,,,,,,,,,,,,,,,,,,,,,,,,,
من وجهة نظري الخاصة حالة الضعف الوحيدة إللي لها مبرر هي ضعفنا أمام العزيز الجليل رب العالمين سبحانه وتعالى وأمام كل ما يكتب علينا من الله سبحانه في أقدارنا على سبيل المثال نحن ضعاف امام المرض ,الموت .... إلخ من الأشياء اللي يقدرها علينا رب العالمين وما يكون لنا فيها حول ولا قوة ,,,,,,,,,,,,,,,,,,,,,,
لكن للأسف فيه أشياء كثيييييييير أشوف الناس صارت ضعيفه قدامها وأشياء أُخرى صار يطلق عليها ضعف وهي بالأساس ماهي ضعف,,,,,,,,,,,,,,
للأسف من أكثر الأشياء اللي صار الناس ضعيف قدامها هي الحياة بحد ذاتها يعني صارت الحياة تجبرنا نسوي أشياء المفروض ما نسويها لكن نسويها علشان نجاريها وما نتخلف عن الركب ويندرج تحت هالمفهوم من وجهة نظري أشياء كثير وراح أطرح بعض الأمثله للتوضيح
الأولاد والبنات اللي في السن المبكره في المدارس لأنهم عارفين إن الحياة صارت صعبه وتتطلب الشهادة العاليه والدرجات المرتفعة والتخصصات المهمه صاروا يرتكبون أخطاء كثيرة علشان يجارون هالوضع ويوصلون لهالشي حتى لو كان هالخطأ اللي يرتكبونه مخالف للشرع والدين وتعاليم رب العالمين وعلى رأس هالأخطاء الطلابيه ( الغش) إللي كثير من الطلاب يسوونه علشان يوصلون فيه لغايات معينة وهذا من وجهة نظري ضّـــعــــف مـــذمــــوم,,,,,,
ومثلهم طلاب الجامعات إللي يستخدمون رسائل تخرج قديمه لأشخاص آخرين علشان يوصلون للإمتياز والحصول على الشهادة الجامعيه المميزه وهذا بعد ضّـــعــــف مـــذمـــوم ,,,,,,,,
نجي للي أكبر منهم وهم الرجال والنساء الموجودين على رأس العمل واللي بعد ينتهجون أشياء سقيمه ومريضه ومخالفه لتعاليم الشرع والدين علشان يوصلون لمناصب معينه وعلشان يحافظون على كراسيّهم الوظيفية من هالأشياء على سبيل المثال النفاق , التملق , الخداع , الوقيعة .... إلخ طبعا الكثير منهم يقول الدنيا تبي كذا ما راح أوصل ولا راح اتحرك وأأمن مستقبلي ومستقبل عيالي إلا بهالطريقه وناسي إن رب العالمين يقول
( الله يرزقكم وإياهم )
وانا اشوف من وجهة نظري هالنوع من الضعف هو ضّـــــعــف مـــذمـــوم,,,
وقس على ذلك أشياء كثير أصبح الناس ضعيف فيها وبصراحه وبصراحه وصل فيهم الضّعف إلى درجات تشمئز منها الأنفس الأبيّة ,,,,,,,,,,,,,,,,
وفيه بعد أشياء بعض الناس يشوفها ضعف وهي بعيده كل البعد عن الضعف ,,,,,,,,,,,,,,,,,
كلنا نحب والدينا ونحترمهم ونطيع كل أوامرهم ( في غير معصيه طبعا ) لكن بعض الناس يأخذ هذا على أساس انه ضعف وإن الإنسان لازم يكون ضعيف قدام ابوه وامه مهما كان وهذا من وجهة نظري غلط نحبهم نحترمهم أكيد بس ما يمنع إننا نناقشهم ناخذ ونعطي معهم بإحترام وأدب وإذا أمرونا بشي غلط إننا نقول ( لأ ) بكل أدب إحترام بعد لأن آبائنا بشر مثلنا قد يخطئون وقد يصيبون ورب العالمين قال في محكم التنزيل عن اللذين كانوا يتبعون ما كان آبائهم يعبدون
( أولو كان آبائهم لا يفقهون شيئا )
بعض الأشخاص( وأنا منهم وأعترف) إذا حبّ إنسان عطى كل ما عنده مهما كان لكن بعض الناس يشوفونه ضعف ويقولون لك إنت ضعيف قدام حبيبك والدليل إنه كل ما يبي منك ياخذ !!!
والحقيقه غير عن كذا الحقيقه إن الحب حب وليس ضعف يعني لو أنا أعطيت من دون حدود معناه إني أعطي لأني أحب مو لأني ضعيف والحب دائماً وأبداً عطاء فطبيعي إن اللي يحب يعطي,,,,,,,,,,
طبعاً اتمنى من ناس كثييير تغير وجهات نظرهم بخصوص بعض الأشياء بس أكيد مو كل الأماني تتحقق لكن دائما الواحد لازم يفكر في كل شي من حوله هو صح أو خطأ ويعود نفسه إنه يسعى إلى الكمال لكن بدون ضّـــــــــعـــــــف
وبترك لكم حرية التعبير عن آرائكم في الموضوع
ولكم مني تقديري المسبق لآرائكم وفائق إحترامي
إنــــــــــــــــــســـــــــــــــــان
العرض العادي
