أهـــلا بـك أخـــوي ســلمت .
بالنسبه لــموضوعك فعلا هــذا واقعنا للأســـف وخصــوصا شــركات سحب السيـــارات أعــرف اكــثر من شخص تم سحب سيـــارته ولمــا حضــر لأستلامهــا وجدهـــا مخدوشه وفيها تخـــريب طيب بالله في هذي الحـــاله ايش يعمل الواحـــد؟ المشكـــله تــروح لمين والا تلجأ لمين ؟ الكل يقلك الشركه هي المسؤوله طيب تروح للشركه اللي يكذب يقلك هي كانت كذا والا يجلس يشرحلك ويستطلفك ومش عارف ايه واذا مارضيت وقررت لازم يصلحوها يقلك مالنا شغل احنا اللي تبي تعملع اعمله طيب حتدخل في قضايا ومشاكل والاغلب فينا ايش يعمل ؟ بيروح ويصلح سيارته ويجلس يدعي ويسب وهذا للأسف هو السبب اللي عطاهم الجرأه انهم يعملوا هالشي . لكن لو كل واحـــد بس لقى خدش فالسياره خلاها عندهم وقالهم ما أستلمها الا زي ماكانت ويروح ويقدم شكاوي ويرفع قضايا والله كان وقفوا عند حدهم , لكن للأسف هذي وحوش جالسه تستنزف المواطب المسكين ولافيه من يوقف بوجيههم ولايوقفهم عند حدهم , اصلا الموضوع مالو اي داعي من الأســاس انا أعتـــقد السبب الوحيـــد المبرر لسحب السياره هو لو ثبت ان هالسياره مسروقه وتم احتجاز الســارق هنا ربـــما تعذر الحكـــومه لسحب السياره لمقر الشرطه حتى يحضر صاحبها لأستلامها والحكومه اللي تسحبها مو الشركه الفلانيه ولا العلانيه . امــا غير كــذا بأي حق تسحب السياره خلاص السائق ومحتجز عندك يعني السياره راح تروح لحالها ؟؟ لكن للأسف هذا منظر من مناظر التخلف اللي عندنا واللي هي كثير لكن لايوجد من يسمع ويحاول التغيير . وقالوها ناس قبلنا مشكلتنا انو نخاف من التغيير كل ماراح مسؤول وجا واحد جديد تلاقيه نفس المفات ونفس المعاملات , مافي أحــد يفكر ويقول لازم اطور آليات واستحدث سبل جديده للرقي , لأ ابدا يمر عشره وعشرين اداري ومسؤول والموضوع على ماهو ولاكأنو شي حصل , بعكس طبعا العالم الخارجي لكل مسؤول طريقة تفكير وسبل للعمل والرقي تلاحظها من خلال المشاريع المستحدثه وطرق تنفيذ هذه المشاريع , لكن عندنا المشروع يمر عليه عشر مسؤلين وبنفس الطريقه ولا حتى تغيير يذكر وهذه واللهى مأساه يدفع ثمنها المواطن الاعزل .
اشكرك اخــوي سلمت على هالموضوع واتاحة الفرصه للنقاش فالموضوع المشاهد واللي كلنا وقعنا فيه .
![الصورة الرمزية ][عبق الحروف][](image.php?s=440d912b92a58e92f514c2debcd1bdb7&u=67828&dateline=1262799251)
العرض العادي
