وش رايكم في قصيدتي

عطر المشاعر · 15-12-2002, 11:16 AM

مو ضوع القصيدة : ( إحترت في وصفك )

الله أكـبـر صـــرف الأيــام وشــلون **** بديت أشــوف الحــب ينصــك بابـه

نـاس تجــر الصــوت ونـاس يـدقــون **** وناس تجـر الصوت بعــزف الربابـه

أنا الغـــلا وبــاقي النــاس في دون **** وهــذا البخت حـظي ومفتــوح بابه

وأنتي العنيـدة وأكثر الناس يـدرون **** وأنتي الغــرور اللي جـمالك زهابه

وأنتي العـيون اللي تحبك ما تخــون **** وإلى ابتدى الحـب فيـك إنتهى به

إحترت في وصفك لا تقولين وشلون **** أنتي دوى قلبي وجـرحي وعذابه

هــذا كـلامي وكـل ماقـلت مــــوزون **** واللي يقول الهرج يعطي صوابه

تكفووووووووون أبغى رايكم بصراحه وبعدين أنا مو أول مره أكتب فيها قصيدة .

لكن أول مرره أنزلها المنتدى .

وبعدين بلا مجاااااملات أحب اللي ينتقدني أكثر من اللي يجامل

*8

قصيدة أخوكم نايف الأسمري ( عطر المشاعر ) .*q

دبه تسوي رجيم · 15-12-2002, 12:38 PM

والله بقولك الصدق وماجاملك كلام بقمه الروعة صح لسااانك

عطر المشاعر · 15-12-2002, 12:46 PM

تسلمين أختي دبه أنتي أختنا الكبيره ولا زم توجهينا وتشجعينا بعد وإلا لا *3

والله يعطيك العافيه وهذي شهادة أفتخر وأعتز فيها وإن شاء الله أستمر معكم

في كتابة الشعر لكن ما نستغني عن توجيهاتكم

دبه تسوي رجيم · 15-12-2002, 12:50 PM

ابشر بالي يشجعك لاني انا احب الشعر *3

حمدان · 15-12-2002, 09:00 PM

ياسلام عليك والله قصيدة حلوة ومعانيها ممتازة

بس الشطر الاول في البيتين الخامس والسادس فيهم شوية كسر هذا اذا مافيه

خطأ مطبعي !!

واصل فأنت شاعر جيد

حمدان

عيون الحب · 15-12-2002, 11:35 PM

يعطيك العافيه قصيدة جدا رائعه

معــ جروح ـانق · 16-12-2002, 12:44 AM

الغالي / عطر المشاعر...

أن من ما يثلج الصدر أن هناك
من يبحث عن الأرتقاء بشعره من خلال بحثه
وتقبله للنقد..

أخوي / عطر المشاعر..

قصيدتك جميله تستحق القراءه
ولا يعيبها سوى البيت الخامس حيث أنه ثقيل جداً
أنا معك أنها نفس القافيه ولكن البيت شذ عن باقي القصيده
ويتضح ذلك من خلال قرائته..

صدقني أنك قادر على تجاوز هذا
البيت فقصيدتك تنبىء بجمال ماتكتب
نحن في أنتظار المزيد من الجمال..

تفضل بقبول وافر
تقديري وأحترامي..

أخوك / معــ جروح ـانق

عطر المشاعر · 17-12-2002, 07:12 AM

الله الله ياسلام والله تعجبوني كذا النقد وإلا بلااااااااااش على العموم أنا كنت عارف أو تقدرون تقولون شاك في الكسر هذا لكن قلت يمكن أحد ويقوووول البيت مو مكسور والشطر هذا المكسور كتبته وأنا مستعجل قبل ما انزل القصيدة للمنتدى وترى الشطر هذا الكسر فيه مو واضح بالمره ولا يعرفه إلا اللي يكتبون الشعر ولهم خبرة في مجال الشعر و الله يعطيكم العافيه والحين هذي الأبيات وإن شاء الله تكون موزوونه .

إحترت في وصفك

الله أكــبر صـــرف الأيــام وشـــلون **** بديت أشـوف الحـب ينصــك بـابه
نـاس تجــر الصـوت ونـاس يـدقــون **** وناس تجر الصوت بعـزف الربابه
أنـا الـغـلا وبــاقـي النــاس فــي دون **** وهـذا البخت حـظي ومفـتوح بــابه
وأنـتي العـنيدة وأكـثر الناس يـدرون **** وأنتي الغــرور اللي جمـالك زهابه
وأنـتي روى قـلب الظــمى يا الحـنون **** وإلى ابتدى الحـب فـيك انتـهى بـه
احترت في وصفك لا تقولين وشلون **** أنتي دوى قـلبي وجـرحي وعذابـه
هــذا كـلامي وكــل ما قـلت مــوزون **** واللي يقـول الهرج يعـطي صـوابه

وتقبلوا تحياتي أخوكم عطر المشاعر