../ أبي ابكي من الضيقة وابعزف للهمـوم ألحـان
أبي اطلق مواويل الحـزن واطـرح دواوينـي../
.
../أبي أشكي أبي احكي ابوصف للبشـر حرمـان
أبيهم كلهـم يـدرون أبيهـم يشعـروا فينـي../
.
../أبي لا من طرى اسمي بكى من لوعتي شيبـان
أبي لامن طرى"عاشق" ذكر من كـان يغلينـي../
.
../أبيهم يذكرون أنـي بدمعـي صرت أنـا غرقـان
أبيهـم يعرفـون الهـم هوّ اللـي يخاويـنـي../
.
../أبي أصرخ وأبلغهم وأقول أن الفـرح خـوّان
يجي مرة معاي و هو بطـول العمـر ناسينـي../
.
../أبي اترك لهم قصة وأخيّرهـم علـى العنـوان
يسمّوا "حزن "يحطوا "دمع"أنا ما عـاد يعنينـي../
.
../أبي لامن وصل صوتي يحس بضيقتي إنسـان
أبي لامن نزف جرحي لقيـت اللـي يداوينـي../
.
../أبي شخص يجي يمـي و يقفـل للعنـا بيبـان
أبيها تكون لي خـلٍ علـى حزنـي يواسينـي../
.
../ابيها لمركبي مرسى وأبيـها لغربتـي أوطـان
أبي لامن ذرفـت الدمـع لينـها لـي يعزّينـي../
.
../أنا ما أبيها تصبح ضلع أبيها تكون لـي ضلعـان
أبي لا من مشيت وطحت حطت يديها في يدينـي../
.
../إلا من خانني التعبير أبيـها تكـون لـي لسـان
أبي لامن سكتْ ألقاها تفهم مـن نظـر عينـي../
.
../أبي لا من تعبت وضقت لمّت روحي بالأحضـان
أبيها تكون لـي كتـاب إذا ضاعـت عناوينـي../
.
../أبي أعشق وأبي أغـرم وببنـي للهوى بنيـان
أبيها تكون مبنى ضخم ويسكـن فيـه مغلينـي../
.
../أبي وحده وتسكن بي وابطرد لأجلـه السكّـان
أبيها تسكن وسط قلبـي وعمـرها مـا تخلينـي../
.
../ أبي أشعل شموع الحب وبأعطيها من الغلا بستان
أبـي أهديـها باقـة ورد .. مسقيهـا شرايينـي../
~!~ممـــــــــاآ راقـــ لــــــــي~!~
العرض العادي
