قصه واقعيه من زمااااان....... لا تتتتتفوتكم..

[منار نجد]

قصه قديمه واااقعيه لا تفوتكم تراااها تهبلللل :D

القصه تتكلم عن ثمانية فتيان من زماااان ايام الفقر شاقين طريقهم في البر..........
تخيلو حالهم حر وجوع وعطش وصحراء ورياح وقرف ... المهم ..
كانوا جياع ..وواحد من هارجال صاد له جربوع .. اكيد تعرفون وش الجربوع .. على العموم هو حيوان صغير .. خذه وشواه ..ويوم جاء ياكله ..عيا يدخل لحم الجربوع بلاعيمه.. تدرون ليه ؟؟؟
انا اقول لكم ليه...ما قدر ياكله وربعه قاعدين. والمشكله الجربوع ما يكفي ثمانيه .. وش سوى قام وعطاه لصاحبه الجريح ... الجريح شاف الأكل تقطرت سعابيله جاء بياكل ما قدر ,,,قام وقال يالله يا ولد بس يمكن أحد جوعان اكثر منك,, قام وعطاه اصغر واحد فيهم ..
عاد ها لصغير قال لا والله ما يذوق هالجربوع لساني مالي الى اعطيه صاحبي الرابع....
اللرابع نفس الشي (((((( ماصارت من بياكله اخلصي ))) :o .. طيب لا تستعجلون القصه حلوه .. والله.. احم
وين كنا .. ايه الرابع الله يذكرك بالخير..
الرابع عطاه الخامس شاف الجربوع مشوي وريحته ياسلام ما قدر وخره عن وجهه عشان ما يطالع فيه وعطاه خويه من عزة النفس...

السادس عطاه السابع وكل هذا صار ماحد يدري عن الثاني .. وعلى ذي الحاله من يد ليد لييييييييييييييين وصلت مره ثانيه للجريح والي عطاه هالمره واحد غير ذيكا المره...
الجريح قام يضحك:p ... وعرف السالفة الجربوع وخوياه...
المهم وصلو ا الفتيان لهلهم.. ولما اجتمعوا .. مع الاهل طلع الجريح الجربوع الي كان موزيه وقال تراني ما كلته من دونكم وقص لهم القصه...

وهذي قصه لقبيله معروووووفه عندنا بالرياض..........
لا اكون طولت عليكم ....
وسلامتكم... تحيااااااااااااااااااااااتي... مناااااااااااااااااااااار نجد