سؤال مهم للرجال فقط

[الاميرة ود]

بسم الله الرحمن الرحيم
السلام عليكم ورحمة الله وبركاته...
كيف اعضاء احلى منتدى...ان شاءالله تكونو بخير..ومبسوطين..
حابه احكي بموضوع مهم جدا وهوي (للرجال فقط)...
يعني مايزعلو البنات ...(كل شي ولازعلهن)...
بدي الكل يتفاعلو معي..
*********************************************
اكيد كل شب الو : ام ,اخت, خالات,عمات,بنات خالات ,وبنات اخوال,وبنات عمومة,جدة,وبناتو(ازا كان مجوز),وحفيدات (ازا كان جد)..
ياترى...ايمتا اخر مره حكيت مع امك وسألت عنا ؟؟
ايمتا حكيت معا بلطف وحب وحنان وبرّ؟؟؟
ايمتا اخدتا مشوار انت وهيي بس؟؟
ايمتا ساعدتا بشغل البيت ؟؟(متل ماكان سيدنا محمد يقوم بشغل البيت)...
ايمتا سألتا عن هموما وحضنتا بحب وسمعتا حكي حلو؟؟؟
ايمتا اخر مرة بستا لامك وبست ايدا بحب؟؟ هاي الايد يلي حملتك وانت صغير بكل حب وحنان؟؟
ايمتا طلبت منا تدعيلك بالتوفيق والرضا؟؟؟
**************
ياترى ..ايمتا حكيت مع اختك..بكل حنان..وحب؟؟؟
ايمتا حسستّه شو معنى الاخ...وانو الاخ سند وحبيب لاختو وصديق اله..؟؟
ايمتا اخر مره حضنت اختك بحب..وفتحتله قلبك..وطلبت منا تفتحلك قلبا وتسمع منا هموما وتساعدا بحل مشاكله؟؟
ايمتا اخر مرة اخدتا مشوار انت وهيي بس..وضحكت معا وفرحتا ولو عزمتا على ايس كريم او قطعة شوكلاته؟؟؟
ايمتا اخر مرة بستا لاختك بكل حب وحنان؟؟؟
ايمتا اخر مره حكيت لاختك حكي حلو؟؟؟
ايمتا لعبت معا..وضحكت معا..؟؟
ايمتا اخر مرة حكيت لاختك انت اختي وحبيبتي؟؟؟
**********************
ايمتا اخر مرة سألت عن خالاتك وعماتك؟؟
ايمتا حكيت معهن..بحب وحنان؟؟
ايمتا سألتن عن همومن وحاولت تساعدن ازا عندن مشاكل او بحاجة لمصاري؟؟؟
ايمتا اخر مرة زرتهن؟؟؟
ايمتا اخر مرة طلعت معهن مشوار؟؟؟
ايمتا اخر مرة قدمتلهن هديه؟؟؟
**********************
ايمتا اخر مرة سألت عن بنات خالاتك واخوالك وبنات عماتك واعمامك؟؟؟
ايمتا اخر مرة قدمتلهن هديه؟؟؟ ولو شي رمزي ولو مبلغ مالي؟؟
*********************
ايمتا اخر مرة سألت عن ستكّ (جدتك)..؟؟
ايمتا اخر مرة زرتا وسألتا عن هموما ؟؟؟
ايمتا اخر مرة حضنتا بحب وحنان؟؟
ايمتا اخر مرة اخدتا مشوار معك وفرحتا ؟؟
ايمتا اخر مرة قدمتله هديه ؟؟
ايمتا اخر مرة بستا وطلبت منا تدعيلك بالجنة؟؟
*****************
ايمتا اخر مرة سألت عن بنتك؟؟عن احواله؟؟
ايمتا اخر مرة سألته ازا في شي مضايقه والا لا؟؟
ايمتا اخر مرة حضنته بكل حب وحنان؟؟
ايمتا اخر مرة قلتله انتي بنتي وحبيبتي وعمري وحياتي؟؟
ايمتا اخر مرة بستا؟؟
ايمتا اخر مره فتحتله قلبك وخليتا تفتحلك قلبا؟؟
ايمتا اخر مرة اخدتا مشوار انت وهيي لحالكن؟؟
ايمتا اخر مره ضحكت معا؟؟ولعبت معا؟؟
ايمتا اخر مره قدمتله هديه ورسمت الضحكة على وجهها؟؟
ايمتا اخر مرة طلبت منا تدعيلك بالجنه؟؟
**********************
معلومة هامة جدا لجميع الرجال:
المرأة(بنت,اخت,ام,زوجه,عمه ,خاله,بنت عم اوخال ألخ ,جده) هيي الرحم...وربنا امر بصلة الرحم..
للاسف كتير اهالي مفكرين انو البنت هيي يلي لازم توصل مثلا خاله وانو الخال هوي الرحم وهاد غلط..
المفروض هوي يلي بوصلها لانو هيي رحمو مش العكس..
*********************
صله الرحم شي مهم وعدم الصلة امر خطير جدا وعقوبته عظيمة جدا...
مابظن في حدا بدو ينال سخط ربنا ويدخل عالنار هاد غير عدم التوفيق والفقر وقصر العمر..
************

نداء لكل شب:
رحمك موجودين..ولله الحمد...لازم توصلهن حتى لو كانو بآخر الدنيا..
صدقني رح تنفتحلك ابواب السما وربنا رح يوفقك ويرزقك..
ورح يرضا عنك...وبالاخير ماحدا رح يكسب غيرك..
بالاخير:
قال صلى الله عليه وسلم:لا يدخل الجنه قاطع رحم)...

اختكم المحبه:الاميرة ود

[كنترووول]

الله يعطيكي العافيه يا اميرتنا على هذا التذكير الرائع ,,, وبالنسبه للوالدين فهذا الشيء واجب وليسى فضل من الأبناء ,,
اشكرك على هذا الموضوع الجميل

[سام 6]

الله يرحمنا برحمته

والله احنا مقصرين مره

انتي مبدعه بطروحك يالغاليه


يعطيك العافيه



تحياتي

ودي وتقديري

[الاميرة ود]

(كنتروول)....
في كتير ناس ناسيين هاد الواجب للاسف..ياريت بأدو الواجب بحب..ومن قلب..
يسلمووووو اخي نورت الموضوع.

[الاميرة ود]

(سام6)....
وانت مبدع بردودك العطره ومرورك الرائع...
نورت الموضوع...يسلموووووووووو

[قلب من ذهب]

لا أعلم من أين أبدأ فالوضوع في قمة الروعة
وفي قمة الحساسية فأنا أشاطرك الرأي
فكلنا مقصر في تلك الجوانب التي ذكرتها

وبذات الجانب الثاني وأنا أعلم ويعلم الجميع
أننا لا نعير الأخت الإهتمام المطلوب والحنان
المرجو من الأخ الذي يلهو بعيداً عن هذه المفاهيم
فلا بد أن يتسم بالعقلانية والوعي كي يحقق ذاته
في أسرته ويحويهم بعطفه وحنانه الصادق في
معناه ومن داخل قلبه الذي يحمل الكثير من العواطف
ولكن يكبتها من أجل تحقيق ما يسمى بالشخصية
أو أنه يشك أنها تقليل في رجولته أو أنه لا بد أن
يكون ذا شخصية مثقله بالسلطه والتنفيذ لما يأمر

صدقيني الأسرة هي المحتوى هي الأساس
هي اللبنة التي لا بد أن تسعى وراء سعادتها
وتحقيق الولاء الحقيقي لها من أفعالنا وعواطفنا
فالإشباع في الجانب الروحي هو الغذاء الحقيقي
لمفهوم الأسرة السعيدة المترابطه بمعمق الأخاء

أنا أطالب وأرجو من أخت شمس القوايل أن تثبت
هذا الموضوع هذا الأسبوع وتتركه للمناقشة
وتصحيح الأخطاء من أراء القراء والمشاهدين
لهذا الموضوع والتفاعل بحق وحرار ة من أجل
أن نعطي هذا الموضوع حقة من النقاش الجاد


وسوف يكون لي عوده وتعليق على ما يذكر
من أسرة الود التي عودتنا على معنى الأخاء
ومعنى الاسرة المتماسكة بحق فالود صرح
شامخ بكل الأعضاء الذين يمثلونه فهم وطني
وأسرتي الثانية بحق وبدون مجامله ...!!

[الاميرة ود]

(قلب من ذهب)....
كلماتك حقا من ذهب..وانا بوافقك الرأي تماما...
الاسرة هي الاساس..دايما ..
عمر القسوة والخشونة ماكانت رجوله والا كان رسول الله اخشن الناس...
بارك الله فيك اخي ..نورت الموضوع

[ولد القريه]

طرح جميل ورائع يعطيك العافيه