أسعد الله اوقاتكم بكل خير
الحقيقة هذي قصيدة بالأب العطوف صاحب القلب الرؤف
الكريم في فعله الطيب في ذكره
الأمير / نايف بن عبدالعزيز النائب الثاني ووزير الداخليه
والحقيقة الأمير نايف وقف معي وقفه
وله معروف وجميل علي وعلى ابوي!!
ووالله لا انسى هذا المعروف للأمير نايف ماحييت
وعز الله والف نعم ببومحمد لاحل طاريه
وعز الله انه مايخيب من ينصى الأمير نايف
والصراحه هو المبادر بالمعروف
وهذا ليس بغريب من ابو محمد
يفعل الخير ولا يبين للناس فعل الخير والمعروف
كذلك له موقف عظيم لا ينساه التاريخ للأمير نايف
وتذكرون حينما تحدث الناس عن قيادة المرأة للسيارة!!
كانت هناك حملة عالمية وكذلك تسهيلات إعلاميه لقيادة المرأة للسيارة!!
لكن الأمير نايف وقف أمام هذه الموجه العالمية كالجبل!! الأشم!!
وهو موقف عظيم لا ينساه التاريخ للأمير نايف
وكما قلت ليس بغريب فالأمير نايف ممن يعظمون العادات والتقاليد
ويعظم مكارم الأخلاق العربية الأصيلة
ومكانة الأمير نايف أكبر من القصيدة
لكن أتمنى ان تنال حروفي رضاكم
اقول:
أهلاً هلا بالطاري اللي سمعناه= الأسم نايف! والنوايف! رقاها
إسمً! على مسمى! سما للسما أسماه= عالي! وغالي! والمعالي علاها
أبون عطوف وكل شعبه تبناه= ( وكل المراجل حازها وأحتواها)
قايد حكيم.. ويعجبك زين مبداه= قايد! وقدوة! قدها وأقتداها
ثاقب نظر .. والطيب! فعله بيمناه= كن الكرم! نايف! ونايف صخاها
أميرنا نفخر بعزة وطرياه= عزيز! ابن عبدالعزيز وخذاها
نفرح بطاعة راعي الطيب والجاه= حقن علينا عهد! كلن يراها
طيبك! يابومحمد! علي! حق! ما أنساه= ولا أنساه دام الروح يذرى حياها
والطيب مثل الغيث بالأرض لأسقاه=تزهر! وتثمر! ثم نجني عطاها
ومن يزرع المعروف لابد يجناه= وجني الثمار الطيبه! في وفاها
وصلاة ربي عد ماهل من ماه= على الرسول اللي سكن في ثراها
عليه الصلاة والسلام
وسلامتكم
بندر بن متعب الرسام العلياني الشمري
العرض العادي
