العودة   منتديات الـــود > +:::::[ الأقسام الثقافية والأدبية ]:::::+ > همس القوافي
موضوع مغلق
   
 
أدوات الموضوع تقييم الموضوع انواع عرض الموضوع
قديم 31-05-2009, 11:46 AM   رقم المشاركة : 1
فهد خلف الشمري
( ود نشِـط )
 
الصورة الرمزية فهد خلف الشمري
 







فهد خلف الشمري غير متصل

صباح الموت

السلام عليكم ورحمة الله وبركاته


اضغط على الصورة لفتحها بصفحة مستقلة



عصر يوم السبت الموافق 29 / 4 / 1430 وردني اتصال يعلن وفاة ولد عمي / كايد نومان الربوضي الشمري .. رحمه الله


لقي حتفه قتلاً في صباح السبت على الطريق الموصل ( بقعاء _ حائل ) متاثراً بخمس اطلاق من سلاح نوع ( خرازه )


واربع طعنات ( نصل حاد )


وتم العثور على جثته على الطرف المقابل لمحطة ( السنيد )


تم القبض على القاتل ، بينما لازال البحث عن سبعه اشخاص ثبت عليهم الاشتراك بجريمة القتل


وبالحقيقه هم من اصدقاء ولد عمي ، لكن يبقى الذليل ذليل .


علماً بانه راس العائله ، وامه وابيه متوفين وهو المعيل لاخوته واخوانه الصغار


فما بداخلي ليس إلا قهراً


صباح الموت


.
.
.


صباح الخير قلـي شفيـك .. احسـك ياضحـاء موجـوع ..=صبـاح الهـم / صبـاح الغـم / صبـاح اقشـر صباحاتـه
صباح السبت قلي ارجوك .. وش القصه ؟! وش الموضوع ..=علامـك يافضـاء محيـوس ؟! وشمسـك طـال بسكاتـه ؟!
احس إن الضحاء ضايق .. واحـس إن الثـراء مفجـوع ..=واحـس كايـد .. أهـا كايـد .. وكايـد ويـن خطواتـه ؟!
صباح السبت .. وخد الشمس .. خده مدمي / ومصفـوع ..=صبـاح وكايـد المقتـول / صـبـاح اقـسـى صراعـاتـه
صباح السبت يابن الكلـب .. وكايـد ميـت / ومجـدوع ..=محـل راضـي وابـوه سنيـد .. هنـا كانـت .. نهايـاتـه
صبـاح وصرخـة المقتـول .. صبـاحٍ مـاوراه طلـوع ..=صبـاحٍ اغتصبـه الـمـوت .. صـبـاحٍ طــال آهـاتـه
صباح النـوح / والونـات / صبـاحٍ فـي سمـاه دمـوع ..=صبـاح الجـرح / والتكفيـن / صبـاح اظـهـر خيانـاتـه
صباح الويل / والآهات / صبـاح المـوت / والمشـروع ..=صبـاح القبـر / والتربـه / صـبـاح اغـبـر غبـاراتـه
صباحك ياقهـر / غربـال .. صبـاح وسمـك المجـروع ..=صباح الضيم / صباح المُر .. صبـاح حضـور سكراتـه ..
صباحك موجع / ومدمي .. صباحـك أسـود / ومخـدوع ..=صبـاحـك نـفـس كـذابـه .. وليـلـي مــل كذبـاتـه
صباح الشهقه / والدمعه .. صباحـك يالغـدر .. مطبـوع ..=صبـاح العبـره / والسكـره .. صبـاح اطـول مسافـاتـه
صباح السبت .. وصبح الموت .. ابرق في سماه سطـوع ..=صبـاح الحـزن .. واحزانـي .. هـنـا كـانـت بدايـاتـه
صباح وكايد النومان / كفـن / جثـه / واسـم مشيـوع ..=صبـاح اظلـم وسـط عينـي .. قبـر موحـش بظلمـاتـه
صباحك يالالم / والمـوت .. وكايـد ميـت / ومصـروع ..=علـى جـال الطريـق ينـوح .. لفـظ اخـر .. عبـاراتـه
غدرتوا ياعيال الكلـب .. علـى جـال الثـراء مجضـوع ..=غدرتـوا بـه صبـاح السبـت .. وقّـف قلبـه ونبضـاتـه
غدرتـوا ياعيـال الكـلـب .. بكـايـد اول الاسـبـوع ..=بخـرازه / وخمـس اطـلاق .. وطعنـه توقـض سبـاتـه
وخنجـر لمعتـه تبـرق / سـلاحٍ لـه ثـلاث فــروع ..=وسبعـه مابهـم إحسـاس .. نـسـوا ربــي وعبـاداتـه
اولهـا علـى صـدره .. نحـاسٍ بالحـشـاء مــزروع ..=يـوجـس القـهـر مــره / ومــره تـغـص عبـراتـه
وثانيهـا علـى ظهـره .. وتدمـي جثتـه .. وتـفـوع ..=سمـاء تشـرع لـه ابوابـه / وفضـاء ماجـاب شهقـاتـه
وثالثها سكنت راسـه .. وصابـت والنفـس .. مقطـوع ..=يغـص حلقـه / يغـص ريقـه / يعانـي حــر غصـاتـه
ورابعهـا / وخامسهـا .. تحـرى يـصـدر المجـمـوع ..=وضحـاء يكشـف عـن الخافـي .. يبـي ينهـي معاناتـه
وخنجر ينتظـر بالـدور .. ورسمـه قاضـي / ومدفـوع ..=خنجـر قصـتـه قـصـه .. وهــو اخــر .. روايـاتـه
سبعـه ياعيـال الكلـب بـإي حــقٍ / واي شــروع ..=وهـو واحـد بليـا سـلاح .. عجزتـوا عــن مجـاراتـه
سبعـه ياعيـال الكلـب .. وكايـد طايـح / ومـفـزوع ..=وكـان المـوت اقـرب لـه .. ثمـن طيبـه / وفزعـاتـه
وطبع الموت إذا ياتي .. حضـوره بـه ولاء / وخضـوع ..=يذكرنـي بإسـم كـايـد .. وهــو فــي كــل حـالاتـه
وانـا بعـده قسـم بالله .. اداري صمـتـي المسـمـوع ..=وصمتـي وش ورى صمتـي .. صـدا مــدوي بونـاتـه
ودمعٍ يحـرق اوجانـي .. ويصهـر ناظـري / ويمـوع ..=وارضٍ تشكـر اعيـانـي .. عـلـى مـاهـا / ودمعـاتـه
وآهٍ تلتحـف صـدري .. وصــدرٍ تلتحـفـه ظـلـوع ..=ونــارٍ تشتـعـل فيـنـي .. وكـايـد كــان جمـراتـه
وكايـد آآآآآه ياكايـد .. كايـد .. ميـت / ومـصـروع ..=على جـال الثـراء .. كايـد .. لفـظ اخـر .. عباراتـه ..





رحمة الله عليك يا كايد .. تعم


.
.
.





فهد خلف الشمري






التوقيع :
اضغط على الصورة لفتحها بصفحة مستقلة

شكراً لمن اهدتني التوقيع ..


قديم 31-05-2009, 01:05 PM   رقم المشاركة : 2
العـ راعي ـليا
( وِد ذهبي )
 
الصورة الرمزية العـ راعي ـليا


رحم الله كايد وتجاوز عنـه ...

صح الساانك ولا هنت

يا فهــد ..

تقبل توااضـع مـروري .

دمـت بـوود .







التوقيع :
خذني معـك .. متقبّلـن تطبيعـك=أهم شي م / أبقى وحيد لحالـي
ارضى بحكمك .. وامشي بتشريعك=ويبقى مقامك في خفوقي عالي
ما غير رهن إشارتك وامطيعك=واقرط لعينك .. غترتي وعقالي

قديم 31-05-2009, 03:01 PM   رقم المشاركة : 3
الـعـاطفي
Band
 
الصورة الرمزية الـعـاطفي
 






الـعـاطفي غير متصل

Icon1




لا حول ولا قوة إلا بالله



إنالله وإنا إليه راجعون



عظم الله اجركم بالفقيد



ورحمة الله رحمة واسعه واسكنه فسيح جناته



كثرت المصايب هذه الأيام



حسبنا الله ونعم الوكيل



وصح لسانك على الوصف الذي أحزنني كثيراً



الله يكون بعونكم


اسأل الله ان يكون أخر الأحزان






قديم 01-06-2009, 11:40 AM   رقم المشاركة : 4
ملكة الخواطر
( شاعرة )
 
الصورة الرمزية ملكة الخواطر



سلمت يداك صح السانك

وعظم الله اجرك والبقاء الى الله

وان الله وان اليه راجعون
كتبت وابدعت بالفعل


تقبل مروري المتواضع

تحيتي وتقديري







التوقيع :
اضغط على الصورة لفتحها بصفحة مستقلة

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:59 AM.




 


    مجمموعة ترايدنت العربية