بسم الله الرحمن الرحيم
السلام عليكم ورحمة الله وبركاته
كيف الحال شباب بصراحة هذي اول مشاركة لي في القسم ارجو انها تنال استحسان الجميع
الشمالي والجنوبي
كان فيه شابين واحد من الشمال والثاني من الجنوب وكانت الصداقة بينهم لدرجة الاخوة وتفادي الارواح المهم جارت الايام عليهم واضطروا يفترقون وكل واحد راح لديرته مرت الايام وصار الشمالي تاجر كبير والجنوبي عانى كثير من الفقر .
سمع الجنوبي عن غنى صديقه وسافر له يساعده وعند وصوله رحب به الشمالي ترحيب حار جدا جدا وذبح الذبايح واكرم الجنوبي بعدها خرج الجنوبي يتمشى الا ويشوف هالغزال ( بنت ) المووووت (جميلة ) وتعلق قلبه بحبها ورجع لقصر الشمالي وكان باين عليه التغير .
قال الشمالي للجنوبي تخاويني للصيد قال الجنوبي احس حالي تعبان ولا اقدر اروح معك لكن الشمالي حاس انه صار شي للجنوبي وكانت البنية اللي حبها الجنوبي مخطوبة للشمالي وهو مايدري .
عرف الشمالي بحال الجنوبي وانفصل عن البنت وزوجها الجنوبي وتحمل كل نفقات الزواج وجهزهم للسفر واعطاهم مال كثير يساعدهم على الحياة .
مرت الايام وجار الزمان وصار الجنوبي من اكبر التجار والشمالي خسر كثير وصار من المفلسين وسمع عن صاحبه قال الشمالي لازم اروح للجنوبي واكيد راح يساعدني بعد اللي عملته فيه من جميل وكرم .
سافر الشمالي وصادف وصوله قصر الجنوبي حفل عشاء كبير وطاحت عينه على صديقه وفرح انه وصل لانه يفتكر ان ايام الفقر ولت ولكن الصدمة كانت كبيرة على الشمالي عندما وبخه حراس الجنوبي وطردوه وعندها صار الشمالي يتندم على اليوم اللي عرف الجنوبي صديق .
ورجع لديرته وفي الطريق قابل رجلين وفي يد كل واحد صندوق وقالو له ممكن تخلي الصندوقين هذي عندك وراح نرجع لك قبل الغروب ناخذها وحاولو فيه يوافق .
وافق الشمالي وخذ الصندوقين وجلس ينتظرهم ومر الوقت وغربت الشمس مااحد مر عليه قال لازم انتظر للشروق وشرقت الشمس ولاحس ولاخبر قال للغروب وغربت الشمس مااحد مر عليه .
فتح الصندوقين ويلقى فيها من كنوز الارض ماغلي ثمنه وخف حمله المهم رجع لديرته وصار من كبار التجار في عصره وفي يوم من الايام دخلت عليه عجوز وقالت اسمح لي ياولدي بالعمل عندك لاقتات .
وافق الشمالي لان حالة العجوز صعبة وفي يوم من الايام وهو يتمشى في القصر الا ويشوف هالقمر اللي يمشي في القصر وسأل عنها وقالوا له هذي بنت العجوز اللي شغلتها والظاهر انه حبها وطلب يدها من امها ونوى الزواج .
وعزم عدد كبير من الناس ومن بينهم صديقة الجنوبي يغيضة على عملته وعندما حظر الناس وكان من بينهم الجنوبي صار الشمالي مايكلم الجنوبي وعندها عرف الجنوبي ان الشمالي عتبان عليه .
قام الجنوبي وسحب الشمالي وقال ياناس هذا صديقي واخوي ولا ادري ليه مايكلمني قال الشمالي نسيت اللي سويته لك وانت طردتني.
قال الجنوبي انا راح احكم الناس بيننا .
قال الشمالي اللي صار اني رحبت باخي الجنوبي وهو فقير وزوجته خطيبتي من زود معزته وعطيته مال كثير ويوم جارت الدنيا علي وقصدته طردني هل هذي جزات الاخوة ؟؟؟؟
المهم الناس احتقروا الجنوبي
قال الجنوبي انا ماانكر على اخي الشمالي كرمه واخوته لكن هو بعد لاينكر اللي سويته فيه .
انا ياناس اخوي جاني وانا مسوي حفل عشاء وكان شكله غير مقبول وخفت اني اذا رحبت به وقلت للناس هذا اخوي اللي اعطاني الخير هذا كله يكذبوني ويقولون اكيد انت سارق وبعدها قلت للحرس اطردوه .
وفي طريق العودة وصيت عليه اثنين من الحراس ومعهم صندوقين وقلت اعطوها لاخوي ولا ارتحت لكن وصيت امي واختي تخدم عنده وهو الحين يبي يتزوج اختي .
الحين ياناس اذا كنت غلطان حاسبوني واذا كان اخوي المحطي فانا مسامحه .
ياشباب من الغلطان الشمالي والا الجنوبي
مادري
العرض العادي
