بسم الله الرحمن الرحيم
الـــــســــلام عليـــكم ورحمه الـــله وبركاته ......
هذه قصيدة فــخر واعتزاز في قبائل سبيع الغلباء ...
الشاعر / سعـــد بن سعيد بن نـــوار الملحي السبيعي
يا مدور المعنـا ترانـا عرفنـاواضح ونوره مثل نور القوايـل
إنا هل الـردات لا مـن وقفنـادقلاتنا تشفـي الكبـود الغلايـل
إليا وقفنا قدمهـم مـا انصرفنـاحتـى نلبسهـم لبـاس الدبايـل
نأخذ على قب الأصايـل شففنـابمخيّر صوته سـوات المخايـل
يا ما سعينا في المغازي وطفنـاغاراتنا فيهـا تشـاف الهوايـل
وإليا اعتـزا خيالنـا وارتجفنـامثل الرعود اللي تصب الهمايـل
وإن صاح صياح المغيره وزفنـاما نلتفت للجمع لو كـان ضايـل
يا ما كسرناهم ويا مـا عسفنـامن عاصين ما يلتفـت للهزايـل
وإليا تسوا غيضنـا مـع صلفنـانروي السيوف مذهبات الصقايـل
حنا هل الغلباء اجموعن وحفنـاخلوا الشجيع يروح قلبه ذهايـل
ويا ما على جمع المعادي زحفنـاولا نرجع إلا بأمهـات الشمايـل
وحنا هل هل البيرق ويامن طرفناارجال أبولاتركي جيوش دهايـل
في شور أخو نورة لبسنا شرفنـاانفضل الموت المحقـق فضايـل
ذاك الزعيم اللي لنصره نصفنـاوبان الرفيق وبان شين الدلايـل
اللي على جيش المعـادي نحفنـالين أسلموا من عقب حد السلايل
إليا رمينا الرمي نكسـر هدفنـاوتشهد على ما أقول كل القبايـل
في ساعتـن فيهـا تقـدم سلفنـاتنشف بها الأرياق والـدم سايـل
تبعـد مغازينـا ويبطـي نكفنـاتشهد لنا قحص المهار الأصايـل
وإليا عطينا عهدنا مـا اختلفنـايومن بعض الناس فيهـم فشايـل
وجيرانا ما تشتكي مـن عجفنـاوللضيف نطرح له قعود وحايـل
يا ما حذفنا في الدهـر وانحذفنـاويا كم فعلنا في الخوي من جمايل
ويا كم عقيـد خافنـا لا عرفنـاوقف على جرحه يجر الولايـل
وكل الخلايق تروح والعمر يفنـاوتاريخنا يبقـى وتبقـى الفعايـل
حزنا على كـل الفعايـل ونفنـاولا نلتفت في هرج عدل ومايـل
وفي هرجنا يا سامعه ما زهفنـاواللي مكذبنـي يشـوف الدلايـل
شوف مجدنا وأفعال ربعي وشفناوتعلمك الأيام عـن كـل قايـل
وبفعل طلقين الوجيـه اعترفنـاما فيه دم إلا يجي لـه فصايـل
حنا سبيع حنا
العرض العادي
