السلام عليكم
اليكم قصصه واقعيه ~
{ واحد اسمه محمد وخويه اسمه صالح }
محمد وصالح خوياء وربع وتجمعهم خوه ومحبه بين بعض يعني اغلب الاوقات مع بعض كل واحد يقول لثاني كل شي عنه المهم الرياجيل يعني بينهم ثقه كبيره المهم وتمر الايام والشهور والثقه بينهم جاء مره محمد يبي من صالح فزعه لن الرجال مايعرف في امور النت للي للحين قليل من الناس الي مايعرفها المهم صالح طفران ومامعه فلوس وهو بخيل ويحب الريال اكثر من اي شي المهم استغل عدم معرفت خويه بالنت وامور النت قال انا ليه مالعب عليه خويي مراح يكشفني ولا راح يدري المهم محمد مع انه مايعرف لنت بس انه رجال ذيب على قولت بعض الشباب والذيب ماينلعب عليه بسهوله
المهم الرجال يبي موقع الي هو محمد يبي يهايط فيه بما انه توه جديد وكذا قال نبي موقع وش رايك يصالح قال ابششر قال له طيب كم ندفع قال انا طفران وكذا انا ابي امشي لك الموقع بمعرفتي وانت الله لايهينك ادفع وبعدين نتحاسب محمد فكر بالكلام قال ماهي مشكله ربع وبينا خوه كم ادفع يا صالح قال الله يسلمك تدفع لدعم كذا وللاستايل كذا ولسيرفر كذا المهم طلع عليه الحساب تقريبا حول 1800 ريال
الرجال قال ماهي مشكله خذ هاذي الفلوس وضبطنا يابعدي المهم هذا اخذ الفلوس صلح موقع بـ600 والباقي اكلها على خويه الرجال دخل النت وشاف وعرف ان خويه سارقه المهم الرجال ماهوب مصدق انت ياخويي تسوي فيني كذا المهم ماقدر يمسك اعصابه هو طبعا جاه الخبر ان خويه ناصب عليه وهو في الدوام وطبعا المدينه الي يداوم فيها البعد عن المدينه الي يسكن فيها حوالي 200 كيلو المهم الرجال قال لخوياه انا لازم اطلع ولا ابي اموت قهر بينكم المهم خوياه سمحو له انه يروح وقالو ماعليك لو جانا المدير نبي نصرفه لاكن انت انتبه لنهم يشوفون خويهم معصب وماهوب مروق ومحمد عاد اذا عصب وخر عن دربه ههههههه مايعرف الي قدامه لونه اقرب الناس له
المهم مشى الرجال تقريبا وصل بـ45 دقيقه لنه على كلامه لي انه مغبون ومنقهر المهم يوم وصل الممدينه على طول اتصل على صالح وقال وينك قال بالاستراحه المهم بلا شعور على الاستراحه اخذه وقال نبي نروح مشوار ماوضح له انه منقهر منه وكذا المهم راحو يمشون على سياره محمد قاله يا صالح انت ضاحك على خويك يقولها وهو منقهر ومنغبن وقافله اخلاقه المهم صالح انكر السالفه وقال انا محولها وهذا رقم الشركه اتصل قل كم حول لكم وهم يعلمونك اخذ الجوال واتصل على الشركه قالو له محول لنا 600 بس قال انا كنت اتمنى يقولون الشركه انك محول لنا المبلغ لو تزيد ميه ريال تاخذها ولا راح اقول لك شي قام يتكلم وهو منقهر انت لو تطلب مني فلوس مانيب مقصر معاك بعطيك وانا دايم اعطيك لامن صار مامعك شي واطلب منك لامن صار مامعي شي ليه تلعب من وراي ولا منت شايفني شي ولا دلخ تبي تضحك علي المهم محمد معصب للاخر طلع في صالح البر وقال للحين انا وياك لحالنا والسياره سيارتي وانت تحت رحمتي تتوقع وش ابي اسوي فيك ؟ قال ماتقدر تسوي شي ومع الكلام فتح الباب ونزل صالح المهم لحقه بالسياره بر مافيه احد وين يبي يروح لحقه وحاول انه يصدمه عجز لن سيارته كانت صغيره وماتمشي في البر بسرعه ولا يقدر يرقى عليها جبال وحصى المهم راح يلحقه على رجلينه لين مسكه ويوم مسكه وماقدر يمسك اعصابه طعنه بالسكين الي معه تقريبا اربع طعنات لما شاف صالح بين الحياء والموت وركبه السياره لين وصل الاستراحه ويوقف عند باب الاستراحه وينزله وقال لعيال عمه ودو كلبكم للمستشفى ولامن طلع لرجعه لما اخليه يكره الحياه كلها لن الاستراحه الي فيها محمد مافيه الى محمد وواحد بس والباقين كلهم نفس قبيلت صالح وعيال عمه المهم محمد معروف طبعه شين وعصبي ولامن تهاوشو معاه ماحد يقدر يقواه لن الرجال مشاءالله عليه والسالفه هاذي تراها صايره قريب في فتره الاسبوع الماضي بس مجرد الاسماء تختلف لني مراح اقول الاسماء لن ممكن يكون فيها اضرار لي واحد منهم
ماحبيت افصل في السالفه اكثر من كذا
اتمنى تعجبكم
لكم ارق تحياي من القلب ~
منقــــــــــــــــــــــــــــــــــــــــول
![الصورة الرمزية [ صعود جبل ]](image.php?s=539fe3a1f3a21f21425c88956a134737&u=92102&dateline=1309094041)
العرض العادي
