تساؤل دائم

[نوارة]

تساؤل دائم..
ليه الاتصالات السعودية ماترحم المشتركين؟
وليه التخفيض ننوعد فيه....ومايصير..؟
وليه وليه وليه وليه....
ليه النساء مايطلعون جوال بأسمهم؟؟ليه احد يكفلها؟
مع ان الوضع واحد ان المرأة ماسددت مثل الرجال ان ماسدد؟
يمكن تخطر ببالنا تساؤلات كثيرة عن وضع شركة الاتصالات السعودية كونها مو مثل باقي الدول..
الرسايل ببلاش والمكالمات ارخص..
تدرون اننا متعايشين مع الوضع برغم انه يشغل بالنا ..
دايم الاحظ هالحركة...
اذا احد كلم بالتلفون.. قال..:
الله يعيني على الفاتورة...والصراحه بطاقة سوا ماحلت المشكله..
لانها تكلف اكثر من ناحية المكالمات والرسايل..تخيلوا رساله بنص ريال!!!!!!
اقدر اقولكم ان هالموضوع مطروح للمناقشه الجاده لان احنا بلد
الحمد لله غني ولاينقصه المال...
اتمنى تعطوني رايكم بهالموضوع..

تحياتي وقبلاتي...نـــــــــــــوارة*x

[فتاان القلوب]

والله يا اختي ان كان في موضوع كفالة البنت لانو البنت وش عليها ما تروح تراجع ولا عليها اي ارتباط غير البيت وش عندها
اما الرجال عنده مراجعة الدوئر الحكوميه وغيرها وبعض الدوائر تكون مربوطه في الهاتف والواحد ما يقدر يسوي شي الى يلزم بتسديد الى عليه

واما على بطاقه سوا فانه حركه رابحه لشركه الاتصالات لا اكثر ولا اقل وصح انها تكاليفها عاليه بس الناس مو كلها زي بعض يعني في البعض ما يقدر يطلع جوال ويسدد في اخر الشهر 1000 او اقل الى انه يطلع سوا ويخليه استقبل


وازيدك الحين انو بدو يفصلون بطاقات السوا الى تنباع في محلات الجوالات حتي لا حد يشتري ويضتر انه يسدد الهاتف

وبصراحه الشركه بهذا الاسلوب ما تصلح بس وش نسوي نفخ في قربه مفقوعه


بس نسأل الله السلامه والحمد الله على كل حال


ومشكوره اختي على الموضوع الجميل


تحياتي


اخوك فتان القلوب