نو يـــــــت أكــتــــــب

[نايف الشريف]

نويــت=أكـــتـــب

نويت أكتب على القرطاس خطي=أخط حروف لي وأكتب خطابا
حروف مطرزه من راس وافي=بنيت من الذهب خط وكتابا
بغيت ودام زان اليوم بالي=هذاك اللي تحرى لي جوابا
صبرت ولا يغره طول صبري=انا مثل البحر مثله يهابا
دعاني للعتاب وهاه ردي=كما السيل ويجيه من السحابا
انا لي فالزمن سيره وديره=خذيت العز من فك الذيابا
فما نيل المطالب بالتمني=ولكن تؤخذ الدنيا غلابا
تعرٌف ياولد منهو قبيلك=وعيد الفكر بيٌ واحسب حسابا
وغض الطرف إنك من نمير(ن)=فلا كعبآ بلغت ولا كلابا
وأنا نسل الشريف وذاك جدي=رسول الله لي فيه القرابا
وتاريخ الفخر ماضي وحاضر=ولابه شي نذكره ونعابا
ترى مالي مثل تاريخ جدك=ولو حتى نقول العود تابا
مدام إنك بغيت اليوم عالي=ترقى لو على روس الهضابا
عساك تشوف كان الروح حيٌه=خطاك وتنتحي يم الصوابا

[أنفاس]

قصيده رآئعه
استمتعت بقرأتها
دمت بود

[العسجديھ]

؛


شَآْعِر مَآ .. ؛
وَحَدِيْث صَخَب ذُو شُجُوْن أُيَقُض مُهَاجِع الْسُّكُوْن لِنُقْبِل أَطْرَآف الْحِكَآيَه
وَلِلْوُغَوّل عُمْق ذُو فَتَنَه وَلِلْحَرْف رَنْيَن أُلتَفَآت
فَقَد رَوْضَتَ زِمَام الْحَرْف وطَوْعَتَ أَسْرَآب الْأَبْجَدِيَّه لَتِنْصَآع لَنَآ كَآ عَسْجَد نَقَآء
مُمْتَنَّه لِصَخَب الْحَرْف الْمَصْحُوْب بِقِطْع سُكَّر فَقَد أَسَتَشَرِبّت لَذَّة الْحَرْف بِعُنْقُود تَرَف
قُرآءَهـ أَسْتَمْتِعَت بُوَرِيف أَسِقَآطِهَا وَسُمُو أَنْتِصِآبْهَا
بِأَنَتِظُآر قِرَآءَة أُخْرَى يَآ / نآآيِف
لَا عُدِمْتُك يَآ / وَطَن ... ؛

[؟ فلسفة شاعر ؟]

شاعرنا القدير / نايف الشريف


يالله حيه ويااااااااهلا وغلاااااااااا


من طول الغيبات جاب الغنايم


يارجل وينك عسى ماشر ؟ لك مده ماشوفك ! اهم شي انك بخير


النص جزل من شاعر ٍ جزل


وصح اللسانك ولاهنت وسلمت ودمت


تقبل حضوري المتواضع


ولا تبطي علينا

[مــــــدى]

حيّاك الله يابو سعود وحي الله حضورك
ومهما غبت عنّا قصايدك راسخه في ذاكرتنا وماتنسى ,,
صح لسانك ياابن الشريف وشهادتي فيك مجروحه
تقبل تواضع مروري
دمت على عز ومعزّه


المــــدى ,,,

[صدق النوايا]

الله الله عليك يا نايف
قصيده استمتعت بها والله العظيم
ونعم فيك وصلى الله وسلم على رسول الله
وينك يا رجل طالت الغيبات ولكن تبي الحقيقه طالت بنا كلنا وين راعي العليا وين االشمري وين ناس كانت تحيي هذا المنتدى
والله زمان يا نايف

[مهــ(M)ــا]

صح لساااااااااااااانك أبياات رااائعة


الله يعطيك العاااااااافية أخوووووووووي :)

[شمس القوايل]

| !! |نايف الشريف| ! |
مأروع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بخير ..
شمس القوايل

[الطلحي2000]

صح لسانك اخوي نايف

ماشاء الله دائما مبدع

تقبل حضوري

دمت بود

[ملكة الخواطر]

صح السانك شاعرنا
ويحق لك تكتب طالما الابداع هو انت
وروعه نعم استمتعنا في اجواء هذه القصيده الراقيه



سجيل اعجابي فيها وفي معانيها
وتقبل مروري المتواضع
لك تحيتي وتقديري
ولا تحرمنا من جديدك