الحمد لله ما توهمت السراب=الشي لاشفته أعرفه وأخبره
وإن شدني العنوان وغلاف الكتاب=ادري بمن خطه ومنهو سطره
ولكل وقت(ن)قول محسوب وخطاب=إليا نويت القول اقوله وأجهره
واصبر على المخطي ولا أرد بعتاب=أبدى بفعل إليا نويته اقدره
أعشق أنا العَسرات وركوب الصعاب=أكره انا لا أبدِيه خوفي وأظهِره
لاعاش قلب(ن)يوم شاف العلم هاب=إن ما حماني يوم إلا بنحره
السبع ياكل دام له مخلب وناب=ماهو كما العصفور زاده ينقره
وإن كان ماعشت بلقب حضرة جناب=ماكون ذاك اللاش محد(ن)قدّره
دامي على الطولات لي مليون باب=أدخل ولي مجلس أنا متصدّره
( هذا مكاني ) لا تسجلني غياب =الباب ذا بابي ولا احد(ن)سكّره
إن قلت لي راي(ن)ترى هذا الصواب=إن ما يزين القول انا أتعذّره
وش فرّق المخلوق عن بعض الدواب=إلا بعقل(ن) لا إستشاره دبّره
ياللي معاديني انا ذاك السحاب=اللي تشوفه من بعيد وتنظره
ماطاله اللي يرتقي فوق الهضاب=أللي يشوف الغيم - جاه وغبّره؟
(هذا مكاني) يوم شديت الركاب=إن جِيت لك جَتك الرعود المنذِره
والسيل لامن جاك جا فيه الجواب=أسقى عقول رجال وأنته - بخسره
حر(ن) ولا ني ساكن(ن)منزل غراب=أعِف نفسي عن شبيهه وأنفره
لا جيت اواجه كود اواجه لي ذياب=أللي سواتك لاحكى بي أنكره
يابن الشريف ان كان للمدح سيره=ابذكرك وامدحك لو غاض غيرك
ياصاحب(ن) فيه المراجل كثيره=انشهد ان الطيب دايم سفيرك
تغرف بحور ٍ بالمواجه غزيره=تتعب خطاوي عاذلك في مسيرك
ولا يعرف الياقوت غير بخبيره=اترك زبدها وانتبه لايثيرك
سجلت الدخول لأجل هذه الشامخه ... وصح اللسانك يانايف
يابن الشريف ان كان للمدح سيره=ابذكرك وامدحك لو غاض غيرك
ياصاحب(ن) فيه المراجل كثيره=انشهد ان الطيب دايم سفيرك
تغرف بحور ٍ بالمواجه غزيره=تتعب خطاوي عاذلك في مسيرك
ولا يعرف الياقوت غير بخبيره=اترك زبدها وانتبه لايثيرك
سجلت الدخول لأجل هذه الشامخه ... وصح اللسانك يانايف
اخي الحبيب
فهد
رائع بماتكتبه - ورائع بمشاركاتك وتعليقاتك حين تزور
لابد ان تضع لك بصمة في القلب تبقيك دائمآ وأبدآ في الذهن
كل الشكر والتقدير
على ماتكتبته لي وانت صاحب الفضل بتواصلك وطيب معشرك
تك الحب والتقدير